الاخوه الاعزاء

امبارح روحت للمهندس هانى فى المركز عشان كان عندى شوية حاجات فى عربيتى الالنترا 2008 عشان مكنتش عملتلها اى صيانه من بعد صيانة ال 40000 كيلو و هى دلوقت عامله 69000 كيلو المهم اتصلت بيه و قلتله على المشكلتين الاساسيتين ان فى طقطقه فى الملفات و العربيه بتتاخر فى الدواره شويه فقاللى هات راسين كبالن و بوجيهات من عند نافع اللى فى شارع دمشق المهم رحت جبتهم راسين الكبالن ب 700 جنيه و البوجيهات ب 75 جنيه و رحت المركز و بصراحه مقابلته فى منتهى الذوق و الادب و هوا فعلا شخصيه محترمه جدا و مهذبه انا اعرفه من ايام غبور قليوب و تم البدء فى تغيير راس الكبالن و بعد كده تم تغيير البوجيهات و تنضيف الحساس و تم تربيط العفشه و تنضيف فلتر الهواء و فلتر التكييف اللى كان مليان بلاوى و قاللى لازم يتغير و تم الكشف على الفرامل الاماميه و الخلفيه و قاللى لسه فيها شويه يعنى لازم يتغيروا كمتن 5000 كيلو و بص على المساعدين المهم بعد مطلعنا نجرب العربيه كله تمام و انا ماشى بدور العربيه اتاخرت فى الدواره فلاقيته بيعتذر و قال للصنايعى فك فلتر البنزين و فعلا على طول فكه و عمل فيه حاجه معرفش طبعا ايه هبا و من امبارح لغاية النهارده دورتها 5 او 6 مرات كله تمام زى الفل بس و انا جاى الشغل الصبح كنت سامع صوت صوصوه كده عند الكبالن الجديده مش عارف ده ايه المهم انا شويه كده و هكلمه اساله على الموضوع ده بس هوا الصوت ده زى ميكون حاجه بتحك فى حاجه بس هوا مش عالى اوى لازم الواحد يركز عشان بسمعه عموما هكلمه و هقولكو ايه الاخبار و هجرب العربيه كام يوم كده و هقولكو الصيانه عموما اخبارها ايه بالمناسبه هوا قاللى انى لازم اعمل الاتى فى الفتره اللى جايه
1- تغيير سير المجموعه و ده فغلا مهم اوى عشان ده كان لازم يتغير عند 60000 كيلو بالكتير و لو اتقطع هيعمل مشاكل كتيره اوى و ده تمنه 140 جنيه الاصلى
2- تغيير فلتر التكيف عشان كان التكيف مكتوم اوى و ده تمنه 300 جنيه تقريبا الاصلى
3- تغيير تيل امامى بس ده بعد 5000 كيلو و ده تمنه 390 جنيه الاصلى
4- تغيير تيل خلفى بس ده بعد 5000 كيلو و ده تمنه 250 جنيه الاصلى

اى حد عنده اى سؤال انا فى الخدمه