( Speed Service Center :: ( enghany

**enghany** · 30-03-2014 12:39 AM

المشاركة الأصلية كتبت بواسطة loshabih

باشمهندس هاني ازي حضرتك كان ليا سؤال التيل لو فيه مشكله يعمل رفه مع الفرامل ؟؟ واجيب تيل كويس منين وبكام؟

طبعاااااااااااا يعمل
هات التيل الاصلي موجود في ش دمشق غند نافع بس الاول لازم تتجرب العربيه و التيل اللي حضرتك حاطه نوعه ايه ؟؟

**khaledserag** · 30-03-2014 10:56 PM

المشاركة الأصلية كتبت بواسطة enghany

خالد بيه
انا قولت لحضرتك اني مش لاقي رد ارد بيه علي كلام حضرتك
كل اللي اقدر اقهولك اتفضل دي مني

يا باشا شكرا
ده بس من زوقك
و معلهش ال كى بورد مكانتش مظبوطة معايا فكلامى كان مش واضح
بس ظبطها
المهم تكون انت بخير
و البرد اللى عندك يكون احسن
على فكرة العربية احسن كتير الحمد لله

**gadoo30** · 31-03-2014 09:36 PM

بعد مساء الفل
انهاردة رحت للباش مهندس هانى حبيب قلبى وعلشان اقعد معاة براحتى رحت في يوم في نص الاسبوع وضربت تزويغة من الشغل على الساعة واحدة
وطبعا بشكر المهندس هانى اولا على كرمة الذائد وثانيا على العربية اللى خدت نفسها وكانت ماشية لوحدها وانا مروح
ورفض الباشمهندس هانى ياخد منى اى فلوس وقعد يحلف ومش عارف هو فاتح المركز دة علشان يصرف علينا ولا اية
اكرر شكرى يا هندسة وان شاء الله قريب اجى اغير طقم الدبرياش زى ما اتفقنا وهجيب معايا بودى علشان هو سألنى عليك بس انت استحمل لماضتة واسئلتة الكتير

**DarkTemplar1** · 01-04-2014 01:55 AM

ممكن تنصحني اتصرف ازاي يا باشمهندس هاني ارجوك عندي تخبيط جامد تحت العربيه في الطرق الغير الممهده و أنا روحت التوكيل قالي بطاحه و مساعد أمامي يمين بس البطاحات مش موجوده قالي امشي عليها كده لحد ما تيجي كمان شهر بس المشكله ان التخبيط جامد خايف تأثر علي حاجه تانيه زي الشاسيه او المساعدين او اي حاجه تخص العفشه او قواعد الماتور و العربيه لسه في الضمان
العربيه مازدا 3 2011

**ahmedzaher2013** · 02-04-2014 09:30 AM

ارجو ارجو الرد يابشمهندس هاني لو سمحت
دلوقتي الميكانكيا جانونني خلاص الموضوع باختصار انا اشتريه عربيه دايو لانوس 2003 واضحك عليا من اربع شهور المتور بتاعها طالع بيرزع قولت ماشي ةجبتلها شورت بلوك استيراد من غير ادوات تغذيه المهم الشورت بلوك طالع تمام كان بتاع شفروليه لانوس الجديدة وركبته ورحت قست الكبس بتاعه في البنزينه طالع تمام جدا ماشاء الله المهم بعد مركبته العربيع مش راضيه تعدي 120 خالص مع انه كابسه تمام غيرت فلاتر وغيرت بوجهات وسلك بوجهات وحططها علي جهاز الاعطال قالي تمام مفيش حاجه والديسك والاسطوانه العربيه بتشب وانا طالع يبقي هما تمام والميكانكيا قالولي حوالي خمسه او سته مفيش مشكله ومحدش عارف يحل المشكله خالص بتاعت انهي مبتعديش 120 ليه في ملحوظه البوجهات عندي بتهبب مش عارف ليه وسير الكاتينه تمام مظبوط ونرمبه البنزين تمام

**Mo3taz Selim** · 02-04-2014 03:08 PM

أحب أوجه تحية شكر كبيره جدا للمهندس هانى

أنا كنت بعمل صيانه ال 140ألف إلنترا 2007 و كنت بشتكى من صوت صوصوه مع الدوس على الدبرياج و كان معادى معاه يوم السبت الماضى الساعه 3 العصر... بعد ما كشف ع العربيه قال لى إنها عايزه طقم دبرياج ... طيب سيب العربيه و تستلمها يوم الإثنين... لأ ما ينفعش ظروفى و شغلى .. المهم ما أطولش عليكم بعد ما عرف ظروفى قالى خلاص هاسلمهالك النهارده بس متأخر شويه ... خلصت شوية مشاوير و رجعتله ع الساعه 10و نصف و فعلا السياره كانت بتتقفل و إستلمتها تقريبا 11و نصف 12 ... الحمدلله العربيه بقت زى الفل و سحبها ماشاء الله

على فكره دى مش أول مره أتعامل مع المهندس هانى لكن بجد كل مره بيبهرنى بذوقه و أدبه و كل مره بأشوف هو قد إيه بيراعى ربنا فى عمله و بيهتم بكل تفصيله مهما كانت صغيره

أحب أشكره مره تانيه لإهتمامه و بتوفيره لوقتى و البهدله اللى كنت هاشوفها من غير العربيه معلش هى متأخره شويه ... بس غصب عنى جالى دور برد فظيع (الحمدلله) يا دوب لسه فايق منه

أه نصيحه اخويه لازم تجربوا فنجان القهوه فى المركز بجد روعه

**MOTOR HEAD** · 02-04-2014 08:42 PM

ازاى حضرتك يا باشمهندس هانى

انا كنت ببص النهارده على مقياس الزيت لاقيته اعلى من حرف ال f

فهل كده غلط؟ و ازاى اقلل مستوى منسوب الزيت عشان يكون مظبوط على العلامه ؟

**enghany** · 03-04-2014 01:27 AM

المشاركة الأصلية كتبت بواسطة khaledserag

يا باشا شكرا
ده بس من زوقك
و معلهش ال كى بورد مكانتش مظبوطة معايا فكلامى كان مش واضح
بس ظبطها
المهم تكون انت بخير
و البرد اللى عندك يكون احسن
على فكرة العربية احسن كتير الحمد لله

ا خالد
اتمني لك و لاسترك افضل الصحه و الحال
و يارب العربيه تكون دايما للاحسن بس قوللي هي اخبارها ايه عامه ؟

**enghany** · 03-04-2014 01:38 AM

المشاركة الأصلية كتبت بواسطة gadoo30

بعد مساء الفل
انهاردة رحت للباش مهندس هانى حبيب قلبى وعلشان اقعد معاة براحتى رحت في يوم في نص الاسبوع وضربت تزويغة من الشغل على الساعة واحدة
وطبعا بشكر المهندس هانى اولا على كرمة الذائد وثانيا على العربية اللى خدت نفسها وكانت ماشية لوحدها وانا مروح
ورفض الباشمهندس هانى ياخد منى اى فلوس وقعد يحلف ومش عارف هو فاتح المركز دة علشان يصرف علينا ولا اية
اكرر شكرى يا هندسة وان شاء الله قريب اجى اغير طقم الدبرياش زى ما اتفقنا وهجيب معايا بودى علشان هو سألنى عليك بس انت استحمل لماضتة واسئلتة الكتير

ا جاد
دلوقتي لما تتعرف علي عميل و تلاقييه قمه الادب و الزوق و الاخلاق و يتمني يخدمك في في ايه حاجه لوجه الله و يجيبلك 5 زباين و كل واحد منهم يجبلك 5 غيرهم حرام كانك تجيبله 3 كيلو برتقاان
دايما في الخير اشوفك و اللقاك بكل خير

**MOTOR HEAD** · 03-04-2014 01:50 AM

المشاركة الأصلية كتبت بواسطة MOTOR HEAD

ازاى حضرتك يا باشمهندس هانى

انا كنت ببص النهارده على مقياس الزيت لاقيته اعلى من حرف ال f

فهل كده غلط؟ و ازاى اقلل مستوى منسوب الزيت عشان يكون مظبوط على العلامه ؟