( Speed Service Center :: ( enghany

**mummy_47** · 04-05-2014 11:34 PM

المشاركة الأصلية كتبت بواسطة enghany

زملائي الافاضل
اعتذر عن تقصيري بالرد علي استفسارتكم و تليفوناتكم بالاسبوع الماضي لمروري بظرف قهري اتمني منكم الدعاء لفك الكرب و معاوده نشاطنا و خدماتنا بكامل طاقتنا مره اخري و اشكركم كثيرا

ربنا معاك يا باشمهندس وان شاء الله خير....واحنا كلنا معاك وانا اولهم......انت شاور بس واتفرج هتلاقينا كلنا عندك ..
تحياتي

اخوك محمد

**yasser_cpa2003** · 06-05-2014 10:19 AM

يا جماعة أنا عملت صيانة العربية الالنترا لأول مرة عند المهندس هاني يوم الجمعة إللي فاتت و بشكره جداً على الإهتمام الكبير و المعاملة الحسنة إللي فعلاً بقت قليلة جداً الأيام ده و طبعاً بشكره على الخبرة الواضحة من أول ما كشف على العربية و بشكر الفنيين إللي عارفين هما بيعملوا أيه و بكل أمانة و من غير أي توجيهات ... ما شاء الله فعلاً مركز محترم جداً و إن شاء الله لمزيد من التقدم يا بشمهندس

**wael_dosoky** · 06-05-2014 03:45 PM

ايه يا باشمهندس / هاني
ياريت تطمئنا عليك ولو بكلمات قليلة
ربنا يفرج همك ويزيل كربك
وائل ابوبكر (الأوبترا السوداء)

**enghany** · 06-05-2014 11:32 PM

المشاركة الأصلية كتبت بواسطة MIGOS

ربنا معاك يا محترم وخالص الدعاء لك وللأسرة ان شاء الله

الله يكرمك يا كبيررررررر
الواجب وصل

**enghany** · 06-05-2014 11:35 PM

المشاركة الأصلية كتبت بواسطة khaledhendawy

معايا افيو 2008 عامله 90 ألف كم هل زيت الفتيس بيتغيير وايه النوع المناسب لعربيتى ؟

حضرتك هات الموبيل كل 40 الف كم

**enghany** · 06-05-2014 11:38 PM

المشاركة الأصلية كتبت بواسطة wael_dosoky

ايه يا باشمهندس / هاني
ياريت تطمئنا عليك ولو بكلمات قليلة
ربنا يفرج همك ويزيل كربك
وائل ابوبكر (الأوبترا السوداء)

انا متشكر ليك يا باشا
بس واللهي المشكله انك تلاقي الطعنه اللي في ظهرك من الناس اللي من دمك تخيل ؟ظ 7
ربنا يجيب الخير و اشكرك كثيرااا

**khaledhendawy** · 07-05-2014 07:57 PM

زيت فتيس موبيل gl4 ولا gl5 ورقمه كام؟ لعربيه افيو مانيوال

**hanytawfik** · 08-05-2014 01:16 AM

اليوم لسة راجع من عند المهندس هاني والصراحة أول مرة أروح له بس انا رايح على السمعة الطيبة والكلام الحلو اللي قريته عنه هنا في نايل موتورز
انا معايا النترا hd 2011 كنت رحت أظبط زوايا عند واحد بعد تغيير فردتين كاوتش أمامي بعد ما إكتشفت إن القديم ممسوحين من ناحية وناحية فا قبل ما يمد إيده قاللي إنت لازم تغير جلب مقصات وبارات طرف وابقى بص عالعلبة بالمرة والصراحة انا ماكنتش باشتكي منهم
فقلت اروح مركز سبيد ونفتح في العفشة وربنا يستر والصراحة اللي شفته مع المهندس هاني ده عمري ماشفته عند حد الراجل بيتعامل مع الواحد كأنه هو اللي قلبه على جيبي وبيحاول يوفرلي فلوسي قاللي العلبة سليمة وزي الفل الجلب مش محتاجة تغيير والبارات ممكن تمشي معاك من غير مشاكل
غيرت بس تيل فرامل وزيت موتور وظبطلي دورة البنزين بالمنظف وكمان على الجهاز وطلع جرب معايا والمصنعية على قد الإيد مش دبح زي ناس كتييييييييير تانيين
احلى حاجة في المكان ده إن الواحد خارج مبسوط من المركز ( الأمر اللي ماحصليش وانا خارج حتى من التوكيل )

شكرا يا باش مهندس هاني

**Ahmed El Shamy** · 09-05-2014 01:31 AM

السلام عليكم ورحمة الله وبركاته
امبارح كنت في مركز سبيد لصاحبه المهندس هاني وكل الشكر علي المعاملة الطيبة ودقة العمل وحسن الادارة

فعلا صعب ان الواحد يلاقي حد فاهم شغله ويقدر يساعدك في يفيدك في كل كبيرة وصغيرة والاهم ان يكون امين معاك في التعامل بالشكل ده وبدون المغلاه في المصنعية زي ما بقييت اصحاب الورش بيعملوا

انا كنت بعمل اكتر من حاجة حكتبها علشان لو في ناس تحب تعرف الاسعار العربية نيو أكسنت 2008
اول حاجة اشتريت قطع الغيار من نافع اللي في شارع دمشق والاسعار كالتالي
بلية عجل أمامي 175 أصلي انا كنت جبت اتنين
سير دينامو 50 أصلي
سير تكييف 70 أصلي
سير باور 30 أصلي
سير كاتيين 190 أصلي
بلي كاتيين 200 أصلي
فلتر تكييف 60 كوري ( للعلم الأصلي 180 )

وجبت من عند الشرقاوي
تيل فرامل خلفي 135 كوري Ferixa

مرة ثانية الف شكر يا بشمهندس رغم انها مش المرة الاولي اللي بتعامل معاك فيها ولكن كل مرة بيزيد احترامي ليك