( Speed Service Center :: ( enghany

**dr_walid** · 22-03-2015 05:11 PM

مساء الخير
احب اشكر المهندس هانى....عملت صيانه العربيه الاكسنت و الحمدلله العربيه رجعت زى الفل و العيب الى كنت جى علشانه اختفى و بشكره جدا على الاهتمام و الناس الى معاه كانت فى قمه الزوق و الشطاره..فعلا مركز محترم.
و بالتوفيق...و شكرا

**aymanshebl** · 22-03-2015 06:44 PM

و انا كمان بشكر المهندس هانى على نصيحته ان جبت الفارتا الزرقا ال 60 امبير اللى بيقولوا عليها 70 و زى الفل

**mohamed.hashem** · 24-03-2015 01:44 PM

العربية فيها مشكلة بتجمع كويس بس بتتأخر فى التجميع و تحس انها مخنوقة مع العلم انى لسه مغير سلك البوجيهات و البوجيهات الاصلى و فى رعشة عند الدواة الصبح و لما العربية بتسخن بتبقى فى رعشة خفيفة اوى

**m_zizo620** · 24-03-2015 02:05 PM

ازيك يا باشمهندس هاني استفسار صغير
عربيتي النترا ٢٠١٠ كنت من حوالي شهر كده بعمل صيانه العربيه عند حضرتك
المهم انا ركبت جنوط اسبور ١٥ علي نفس الكاوتش اللي كان راكب و مقاساته زي الاستوك بتاعها١٥/١٨٥/٦٥ بعد التركيب و المشي بالعربيه حسيت بالاتي:
1 /العربيه الاستابلتي بتاعتها قلت بعد 110 تقريبا مع اني بعد ماعملت الصيانه و ربطنا العفشه و حطيتا العربيه علي الكمبيوتر و شيلنا الايرور الي كان موجود كانت بسم الله ماشاء الله قمه في الثبات و انا باجري
2/ حاسس ان العربيه بقت اعلي(الفرق بين الكاوتش و الرفرف بقي اكبر) مش عارق ليه وده بالنظر و هي واقفه مع اني ملعبتش في العفشه
3/ لما بكسر الكاوتش للاخر بيحك في حاجه احيانا ممكن تكون الكارتيره و ده مكنش بيحصل قبل كده
4 /صوت الكاوتش علي السرعات العاليه تحس بصوت هوا جامد
هل في حل للكلام ده ؟

**enghany** · 24-03-2015 08:49 PM

المشاركة الأصلية كتبت بواسطة dr_walid

مساء الخير
احب اشكر المهندس هانى....عملت صيانه العربيه الاكسنت و الحمدلله العربيه رجعت زى الفل و العيب الى كنت جى علشانه اختفى و بشكره جدا على الاهتمام و الناس الى معاه كانت فى قمه الزوق و الشطاره..فعلا مركز محترم.
و بالتوفيق...و شكرا

يا كبير احنا معرفه من ايام الجيزه هههههههه قصدي غبور شرفتنا بس ماتقطعش كده

**enghany** · 24-03-2015 08:50 PM

المشاركة الأصلية كتبت بواسطة aymanshebl

و انا كمان بشكر المهندس هانى على نصيحته ان جبت الفارتا الزرقا ال 60 امبير اللى بيقولوا عليها 70 و زى الفل

علي ايه الشكر انا معملتش حاجه
شكرا لذوق حضرتك

**enghany** · 25-03-2015 03:28 PM

المشاركة الأصلية كتبت بواسطة mohamed.hashem

العربية فيها مشكلة بتجمع كويس بس بتتأخر فى التجميع و تحس انها مخنوقة مع العلم انى لسه مغير سلك البوجيهات و البوجيهات الاصلى و فى رعشة عند الدواة الصبح و لما العربية بتسخن بتبقى فى رعشة خفيفة اوى

الاخ الفاضل
مادام العربيه فيها برجله صباحا و خنقه هنقسم الحل علي مرحلتين
1 تنظيف البوابه و هراجعه البوجيهات
2 ان لمينع الحل الاول احتمال كبير جدا طلمبه البنزين

**enghany** · 25-03-2015 04:29 PM

المشاركة الأصلية كتبت بواسطة m_zizo620

ازيك يا باشمهندس هاني استفسار صغير
عربيتي النترا ٢٠١٠ كنت من حوالي شهر كده بعمل صيانه العربيه عند حضرتك
المهم انا ركبت جنوط اسبور ١٥ علي نفس الكاوتش اللي كان راكب و مقاساته زي الاستوك بتاعها١٥/١٨٥/٦٥ بعد التركيب و المشي بالعربيه حسيت بالاتي:
1 /العربيه الاستابلتي بتاعتها قلت بعد 110 تقريبا مع اني بعد ماعملت الصيانه و ربطنا العفشه و حطيتا العربيه علي الكمبيوتر و شيلنا الايرور الي كان موجود كانت بسم الله ماشاء الله قمه في الثبات و انا باجري
2/ حاسس ان العربيه بقت اعلي(الفرق بين الكاوتش و الرفرف بقي اكبر) مش عارق ليه وده بالنظر و هي واقفه مع اني ملعبتش في العفشه
3/ لما بكسر الكاوتش للاخر بيحك في حاجه احيانا ممكن تكون الكارتيره و ده مكنش بيحصل قبل كده
4 /صوت الكاوتش علي السرعات العاليه تحس بصوت هوا جامد
هل في حل للكلام ده ؟

الاخ الفاضل
لا في حاجه في الكاوتش ده
ازاي نفس المقاس و العربيه تعلي
و بعدين كون ان ليه صوت علي الارض مع المشي يبقي ناشف
ياريت تراجع تاريخ التصنيع بتاعه left]ه[/left]

**HishamShafai** · 27-03-2015 11:35 PM

إزيك يا باشمهندس هانى , و الله دايما على بالى و أذكرك بكل خير , أنا د/هشام صاحب اللانوس الفضى إللى كنا عملنا لها سرفيس و ظبطنا الرادياتير من كام شهر , المهم أنا إستبدلت العربية مع واحد زميلى و أخدت كيا سيراتو 2010 عاملة 80 الف كيلو و هو كان واخدها كسر زيرو , زميلى كان تقريبا ما بيعملش صيانة دورية يعنى يادوب بيحط زيت و بنزين و مغير البوجيهات عند 40000ك و مغير السير مرة واحدة مش عارف إمتى , الفلاتر كان بينظفها فقط , فلتر الزيت متغير مع الزيت السابق (5000) كنت عاوز بعد إذنك أجيلك نشيك عليها و نعمل سرفيس و صيانة للرادياتير بس كنت عاوز تقوللى على الحاجات إللى أجيبها معايا (الأساسيات إللى لازم تتغير) و طبعا حكلمك قبل أن أحضر و أنسق الميعاد , وتقبل تحياتى حتى نلتقى

**m_zizo620** · 28-03-2015 02:52 PM

المشاركة الأصلية كتبت بواسطة enghany

الاخ الفاضل
لا في حاجه في الكاوتش ده
ازاي نفس المقاس و العربيه تعلي
و بعدين كون ان ليه صوت علي الارض مع المشي يبقي ناشف
ياريت تراجع تاريخ التصنيع بتاعه left]ه[/left]

و الله يا هندسه اغلب محلات الكاوتش و الجنوط لما بتشوفها بتقولي انها محتاج كاوتش اعرض عشان الجنط عريض و قالولي ان مقاس ١٥/٦٠/٢٠٥ هيكون مناسب اكتر و هيزود الاستابلتي جدا بس مش عارف هل المقاس ده مناسب للعربيه و لا لا و شكرا للرد