عدد 2 حادثة على طريق المحور

**wawoo** · 10-05-2012 10:12 AM

انا بجد مش فاهم هما قائدى السيارات فى مصر حصل ليهم اية ..هل دة نوع جديد من الغباء و الاستهتار بارواح و ممتلكات الناس ولا اية

و انا متجة الى ميدان لبنان امبارح اشوف حدثيتين فى ظرف ربع ساعة على المحور

-ميكروباس محطم الزجاج الامامى و عربية لانوس داخلة فى الحاجز فى الحيطة

- عربيتين هيونداى فلوبيستر نبيتى مخبوتين فى نفس المكان فى الرفرف الشمال على مسافة قصيرة من بعض و فى عربية او اكتر كمان مش فكرها معاهم

..

ان بجد مش فاهم هى الناس فقدت كل معانى السلامة و امان و كلة عاوز يجرى فى بلد و طرق لا تصلح للجرى فى الكثير من المناطق

حسبى الله و نعم الوكيل فى كل هؤلاء المستهترين ..و حسابهم عسير عند الله لانهم لا يبالو بارواحهم وسلامتها فقط ..انما بيعرضو غيرهم من المسالمين المتلزمين فى القيادة الى قتلى و مصابين فى حوادث مدمرة و مميتة فى الكثير من الاحيان ..

لازم شيوخ الجوامع يهتمو بظاهرة القيادة المتهورة دى فى خطبهم و يوعو هؤلاء لانها اصبحت السمة الغالبة على معظم سائقى مصر و بيروح ضيحتها الاف منهم كل سنة بين مصاب و جريح و قتيل ..

**A.Saad** · 10-05-2012 10:23 AM

الفيلوستر كان معاها النترا old shape
اعتقد انهم كانوا بيشدوا سوا
دى اخرة الفوضى

**wawoo** · 10-05-2012 11:06 AM

المشاركة الأصلية كتبت بواسطة a.saad

الفيلوستر كان معاها النترا old shape
اعتقد انهم كانوا بيشدوا سوا
دى اخرة الفوضى

انت شوفت الحادثة دى يا اخ سعد ...كان فى اتنين فلوبيستر و نفس الون و مخبوتين نفس الخابطة فى جهة الرفرف الشمال مع الالنترا

انا مستغرب من التؤم اللى فى الحادثة العربييت الفلوبيستر دول ...

ربنا يهديهم و لكن كدة الموضوع بقى بزيادة قوى ولازم يكون فى حل فى موضوع الشد و الكلام دة ..لان الطرق المصرية لا تصلح لهذا الاستهتار بارواح الناس مهما كانت السيارة حديثة او يمكنها بلوغ السرعات العاليا .

**A.Saad** · 10-05-2012 12:41 PM

المشاركة الأصلية كتبت بواسطة wawoo

انت شوفت الحادثة دى يا اخ سعد ...كان فى اتنين فلوبيستر و نفس الون و مخبوتين نفس الخابطة فى جهة الرفرف الشمال مع الالنترا

انا مستغرب من التؤم اللى فى الحادثة العربييت الفلوبيستر دول ...

ربنا يهديهم و لكن كدة الموضوع بقى بزيادة قوى ولازم يكون فى حل فى موضوع الشد و الكلام دة ..لان الطرق المصرية لا تصلح لهذا الاستهتار بارواح الناس مهما كانت السيارة حديثة او يمكنها بلوغ السرعات العاليا .

انا شفت فيلوستر واحدة والنترا
كان تقريبا الساعة 6 او قبلها
العربيات كانت بتترفع على الاوناش
الرفارف مرمية على الارض
وكان صاجها متكسر كانها بلاستيك

**mhDeeb** · 10-05-2012 02:58 PM

وانهاردة الصبح كان في حادثة على أول المحور اتجاة اكتوبر عربية 128 دخلت في نصف نقل ............ وللاسف العربية 128 اتخبطت جامد لدرجة ان الدريكسيون طلع للسقف وطبعا المحور كان واقف على الجانبين الصبح الساعة 10 ....

**S O P H O S** · 10-05-2012 04:40 PM

ربنا يستر علينا جميعا

**AboELsoud** · 10-05-2012 05:04 PM

يا جماعه البلد الاولى عالميا في عدد حوادث الطرق و عدد الوفيات من الحوادث
عايزين منها ايه
بجد بجد اسوء حاجه في مصر دلوقتي هي الطرق
انا لو شفت مرشح للرياسه جاب سيره الطرق و انها من اولوياته // هنتخبه على طول
انا مش عارف هما ليه بيتكلموا في كل حاجه و ينسوا الطرق
ماحنا لو عايزين نرفع معدل الصحه يبقى لازم طرق نضيفه عشان المريض يلحق يروح المستشفى
و لو عايزين تعليم جيد عايزين برضه نحافظ على التلاميذ و هما في الطريق
ولو عايزين اقتصاد جيد عايزين طريق نضيفه للحفاظ على العمال خاصه ان المصانع كلها على طرق السفر