الموضوع: teel amamy megane2

المشاركة الأصلية كتبت بواسطة momo10000

اتوماتيك ....كل 15000 كيلو
مانيوال .... من 20000 الي 25000 كيلو

زي ما مومو باشا قال كده وطبعاً بيختلف من استعمال للتاني وحسب حالة التيل نفسه عموماً انا غيرته عند 20000 بس كان فيه مشاكل وخشونه وانا اللي اخترت اغيره في صيانة ال 20 عشان اريح دماغي لكن كان ممكن اقعد بيه 5 كمان ولا 10 حتى...........وطبعاً الاوتوماتيك اعتقد قبل كده بشويه.

المشاركة الأصلية كتبت بواسطة Ahmed A.Maksoud

معلش هى لمبة فرامل اليد + لمبة الSTOP مش ال Service
و كمان بينورو لو مستوى زيت الفرامل قل عن الطبيعى

تمام كده يا احمد بس زي ما قلت في الأول برضه لو التيل اقل من الطبيعي او فيه مشاكل بينور اقصد لو متاكل زياده او الطنابير فيها مشكله وزي ما تايلر قال مع كل دوسة فرامل تعملك الفرح ده :) وطبعاً بجانب انها بتنور لو الزيت قل زي اي عربيه .

المشاركة الأصلية كتبت بواسطة Tyler_Durden

ايوة فعلا هايظهر في التابلوه اشارة فرامل اليد مع صفارة تحذير كل مرة بتفرمل..
انا منزل الكرسي ف مباشوفش STOP دي
انا لسه مغيره من اسبوعين كده على 58 الف ك و كنت غيرته قبل كده ع 30 الف يعني قعد 30 الف ك تقريبا

الحمد لله با تايلر لقيت حد بيعاني زيي :embarrassed2: انا كمان مش بشوف ولا لمبة Service ولا Stop والمشكله اني ارفع الكرسي احس اني هاخبط في السقف انزله احس اني مش شايف انزل الدركسيون معرفش احود .

المشاركة الأصلية كتبت بواسطة Ramy_Tantawi

الحمد لله با تايلر لقيت حد بيعاني زيي :embarrassed2: انا كمان مش بشوف ولا لمبة Service ولا Stop والمشكله اني ارفع الكرسي احس اني هاخبط في السقف انزله احس اني مش شايف انزل الدركسيون معرفش احود .

هههه
بس يؤسفني اقولك انك بتعاني لوحدك ..انا مظبط القعدة عندي تمام
ميزة الميجان ان الكرسي و الدركسيون بتحركو لكل حته هيا بس محتاجة صبر عشان تظبطهم و تحصل على وضعية القيادة المناسبة..و ماتنساش ان الدركسيون مش بس بيتحرك لفوق و تحت لأ ده كمان ممكن تشده عليك او تبعده عنك و ده بيساعد برضه