اكتشاف خطير جدا فى الفليشيا لازم تدخل ضرورى

بسم الله الرحمن الرحيم

السلام عليكم ورحمة الله وبركاتة

انا جت ليا خاطره كده قلت يمكن تحل مشاكل كتير اوى

وكلنا كفلشيويا ننبسط ههههههههه:wink10:

النهارده وانا بفتح الكابوت

لحظت حاجه كانت كل يوم بشوفها بس اول مره اخد بالى وتجى على بالى

ان المروحه عندنا فى الفليشيا او الففريت


ورها على طول مش بعيد اوى يعنى فلتر البنزين

طبعا انا سمعت ان البنزين لما بنمون العربية والجو حر بيكون بنزين مش جيد اوى غير لو الدنيا سقعه وتانك البنزين فى المحطه مش سخن بيكون البنزين الوحدات فيه كتير وبيكون افيد

ففكرت بقى بذكائى الخارق

ان المروحه لما بتتشغل بدخل على الماتور هوا سخن جداااااااااااااااااااا

لان الفليشيا عربية سخنه اصلا

يعنى فلتر البنزين كأنه بيعمل شعره بالسشوار بس كتير اوى لحد ما يسخن ولهلب كمان

يعنى البنزين الى بيكون فيه وبيروح علشان يتحرق بيكون سخن وممكن يكون اتكسف كمان

يعنى دا معنه السحب بيكون فسك لان البنزين بيكون مش حلو لانه سخن جدا بفعل الهوا الشديد السخن الى خارج من المروحه

ففكرت بقى اولا . هل كلامى دا صح ولا انا بفت وسرحت بخيالى ؟.
ثانيا لو غلفت الفلتر بحاجه بتعزل الحراره كده ببساطه جدا اظن حيكون افيد صح ؟

منتظر ردودكم . بس محدش يضرب:fun_10_9_134[1]: ههههههه

اختلف معاك لأن كل ما كان البنزين سخن كل ما كان معدل الحرق بتاعه أفضل

اقتباس:

---

المشاركة الأصلية كتبت بواسطة ahm662

اختلف معاك لأن كل ما كان البنزين سخن كل ما كان معدل الحرق بتاعه أفضل

---

ليه كل ما كان سخن كان حرقه افضل ؟

بالنسبة لموضوع السخونية اللي بتطول دورة الوقود فده أمر بيحصل بنسبة 100% لأي عربية في الكرة الأرضية، وعلى فكرة تانك البنزين بيسخن لما الحر ينورنا والعربية في الشمس يعني كدة كدة البنزين بيكون ساخن. الهواء السخن الللي بيجي من المروحة أفضل من كتمة الموتور، يعني ببساطة كدة تقدر تستحمل حرارة وسخونية الجلوس في العربية تحت الشمس وهي واقفة ولا وهي ماشية والشباك مفتوح والصهد داخل؟؟ أكيد الهواء الساخن أرحم من الحرارة الجامدة بدون تقليب هواء، ده رأيي المتواضع

اقتباس:

---

بالنسبة لموضوع السخونية اللي بتطول دورة الوقود فده أمر بيحصل بنسبة 100% لأي عربية في الكرة الأرضية، وعلى فكرة تانك البنزين بيسخن لما الحر ينورنا والعربية في الشمس يعني كدة كدة البنزين بيكون ساخن. الهواء السخن الللي بيجي من المروحة أفضل من كتمة الموتور، يعني ببساطة كدة تقدر تستحمل حرارة وسخونية الجلوس في العربية تحت الشمس وهي واقفة ولا وهي ماشية والشباك مفتوح والصهد داخل؟؟ أكيد الهواء الساخن أرحم من الحرارة الجامدة بدون تقليب هواء، ده رأيي المتواضع

---

ربنا يكرمك على المعلومات دى

بس الهوا الى خارج من المروحه بيكون اشد حراره من الى جى من الشباك لانه بيجيب سخوانه الميه السخنه الى فى الرديتاير مش من بره على طول

اقتباس:

---

اختلف معاك لأن كل ما كان البنزين سخن كل ما كان معدل الحرق بتاعه أفضل

---

ياريت فعلا اعرف السبب

لانى فعلا بسال مش بجادل . لان دى خاطره يعنى كده وسؤال مش جدال ومعلومة مؤكده عندى

وشكرا لحضورك الجميل

يبقى السؤال الادق .

هل البنزين السخن احسن ولا لما يكون بارد

البنزين السخن بيتبخر وهو في الخراطيم وبيعمل سحابة في بوابة الكربراتير بتعمل ظاهرة كدة اسمها vapor-lock

كونه يتبخر وهو جوة الخرطوم دى مشكلة كبيرة عشان الرداخ او الطرمبة مش هيعرف يسحبه في الحالة دى

والمشكلة دى كانت في العربيات زمان لحد ما حلوها بالخط بتاع الراجع اللى بيحافظ على ضغط البنزين وبيسمح له انه يتجدد باستمرار

اقتباس:

---

البنزين السخن بيتبخر وهو في الخراطيم وبيعمل سحابة في بوابة الكربراتير بتعمل ظاهرة كدة اسمها vapor-lock

كونه يتبخر وهو جوة الخرطوم دى مشكلة كبيرة عشان الرداخ او الطرمبة مش هيعرف يسحبه في الحالة دى

والمشكلة دى كانت في العربيات زمان لحد ما حلوها بالخط بتاع الراجع اللى بيحافظ على ضغط البنزين وبيسمح له انه يتجدد باستمرار

---

كلام جميل . يعنى لو تفاديت القصه دى كلها بأنى غلفت الخرطوم والفلتر بحاجاه تعزل

يبقى البنزين بارد ويكون احسن

ولا؟

Vapor lock is a problem that mostly affects gasoline-fueled internal combustion engines.
It occurs when the liquid fuel changes state from liquid to gas while still in the fuel delivery system. This disrupts the operation of the fuel pump, causing loss of feed pressure to the carburetor or fuel injection system, resulting in transient loss of power or complete stalling. Restarting the engine from this state may be difficult.
The fuel can vaporize due to being heated by the engine, by the local climate or due to a lower boiling point at high altitude. In regions where higher volatility fuels are used during the winter to improve the starting of the engine, the use of "winter" fuels during the summer can cause vapor lock to occur more readily.




بيقولك ان البنزين بيتبخر بسبب حرارة الموتور او حرارة الجو

و في الشتاء بيبقى له درجة تطاير مختلفة عن بنزين الصيف
ولو استخدمت بنزين الشتاء في الصيف بيبقى احتمالية حدوث المشكلة اكبر



بس ما جابش سيرة تأثيرها على الاداء الا في حتة ان التبخر بيقلل البنزين اللى جوة الكربراتير والطرمبة ما بتعرفش تشد البنزين في الحالة الغازية فالبنزين اللى داخل للموتور نفسه بيبقى اقل ..


وبقية الكلام هنا Vapor lock - Wikipedia, the free encyclopedia




بس انا في اعتقادى ولسة ما اتأكدتش منه ، ان حتى لو البنزين سائل ما اتبخرش ، كل ما كان بارد كل ما كان انفجاره بيولد عزم اكبر ، والهوا برضه نفس الكلام وبالنسبة للهوا معلومة اكيدة ومعروفة ..

بص حضرتك أنا أتكلمت مع ناس كتير في الحكاية دي و قاللولي نفس الكلام ده (ان البنزين يبقي بارد أحسن) . أنا اللي مجنني طب لو هو كده كانوا عملوا البدع عشان يعزلوا التانك و الفلتر .بعدين الفلتر كده كده هيسخن من الموتور . لما يكون سخن بيتهيئلي هيتحرق أفضل . اللي لازم يكون بارد الهواء اللي داخل لفلتر الهواء نفسه

اقتباس:

---

المشاركة الأصلية كتبت بواسطة Ahm662

بص حضرتك أنا أتكلمت مع ناس كتير في الحكاية دي و قاللولي نفس الكلام ده (ان البنزين يبقي بارد أحسن) . أنا اللي مجنني طب لو هو كده كانوا عملوا البدع عشان يعزلوا التانك و الفلتر .بعدين الفلتر كده كده هيسخن من الموتور . لما يكون البنزين سخن بيتهيئلي هيتحرق أفضل . اللي لازم يكون بارد الهواء اللي داخل لفلتر الهواء ‏

---