ممكن ولا لا .؟

**aboyahea** · 10-05-2012 02:17 PM

السلام عليكم اتمنا ان حد يقدر يفدني انا بسائل هل من الممكن ان الواحد يجمع عربيه من الالف الي الياء يعني اجيب صاج بس وابداء احط فيه الي يتناسب مع بعضه وفي نفس الوقت مايمنعشي من الترخيص ارجوا الافاده وشكرا

**M.Ayman** · 10-05-2012 03:54 PM

لو يعنى تقصد تجمع عربيه موجوده واحده يعنى مثلا تجمع قطع غيار كريستاله او فيرنا او .... الخ ولا حاجه من هنا على حاجه من هناك و فى الاخر تبقى عربيه ملهاش موديل معين ؟!

لو تقصد نوع واحد اه ينفع يعنى هتجمع جسم العربيه على موتور لانسر و عفشه و هيتبقالك رقم الشاسيه ملكش كده غير انك تجيبه زى ما اللى بيجمع انصاص بيعمل و تاخده لعربيتك -حاجه غير قانونيه بس بتتعمل كتييير للاسف - و ترخصها و كله يمشى

بس انا مش فاهم السبب يعنى اظن الحاور ده يكلفك كتيير قوى و مش مضمون جودة العربيه اللى متركبه كلها كده يعنى احسنلك حاجه مستعمله - كنبه - و نضفها و روقها على مزاجك مثلا

**Ahm662** · 11-05-2012 01:23 AM

حضرتك تقصد انك تجيب عربية دايو لانوس مثلا صاج بس و تجمع فيها (موتور ليجانزا و عفشة اسبيرو و صالون نوبيرا ) و تعمل عربية تجميع من نفس الماركة بس تأخذ أفضل حاجة من كل عربية . فكرة حلوة بس ال$$$

**aboyahea** · 12-05-2012 03:38 AM

شكرا علي الرد بس اولا ديه فكره وانا بحاول اجمع معلومات وانا خبرتي في السيارات مش كبيره بس كل حاجه ابتديت بفكره انا عاوز اجيب صاح عربيه قديمه والي في دماغي الصراحه ford gt500 واركبلها ماتور يتناسب معاها وابداء احط فيها الي يمشي مع العربيه وقوه الماتور والموضوع ده علي المدي البعيد يعني هياخد سنين بس ابقا راكب عربيه علي مزاجي والله المستعان

**M.Ayman** · 12-05-2012 11:28 PM

المشاركة الأصلية كتبت بواسطة aboyahea

شكرا علي الرد بس اولا ديه فكره وانا بحاول اجمع معلومات وانا خبرتي في السيارات مش كبيره بس كل حاجه ابتديت بفكره انا عاوز اجيب صاح عربيه قديمه والي في دماغي الصراحه ford gt500 واركبلها ماتور يتناسب معاها وابداء احط فيها الي يمشي مع العربيه وقوه الماتور والموضوع ده علي المدي البعيد يعني هياخد سنين بس ابقا راكب عربيه علي مزاجي والله المستعان

+11111111111111111
مادام معاك ورقها -يعنى رقم شاسيها- يبقى كله تمام باذن الله هتجيبلها موتور كده من المواتير الجباره بحاجته و ورقه و تعدل فرامل و عفشه و طقم جنوط محترم و تظبط الصاج سمكره و رش و فى الاخر يبقى معاك حاجه تحفه ما شاء الله بس طبعا لما تعوز تبيعها مش هيبقى موضوع سهل انك تلاقى اللى يقدر شغلك ده بسهوله