ماشاء الله سياره جميله
ماشاء الله سياره جميله
تقرير رائع بس الأروع منه صاحبه
مبروك يا حاتم
بس انت نسيت مياه الفوانيس اللى دوختنا ههههههه
بارك الله فيك اخي الكريم
و ان شاء الله هنزل لحضرتك صور مقربة للحساسات من الداخل و من الخارج بأذن الله في اقرب فرصة
تحياتي لحضرتك
اتفضلها يا فندم و الله تزيد عند حضرتك
و بارك الله فيك اخي الكريم
حبيبي الغالي بشمهندس عمرو الف حمد لله علي سلامتك
و عمرة مبرورة و ذنب مغفور بأذن الله
و ربنا يسعدك و يكرمك
طبعا انت كنت اول واحد يركبها انت و الغالي بشمهندس ياسر
و انا عارف اننا غلبتكم و ربنا ارسلكم ليا علشان اكتشف حاجات كتير في العربية مكنتش عارف انها موجودة و منها موضوع رشاشات الفوانيس اللي غلبتنا دي
و ياسر يقول و الله انا شفتها بترش حاجة ههههههههههههه
و انت طلعت مصارينها لبره و قلت اكيد البتاعة دي ليها استخدام مش ممكن تكون موجودة كده بدون لازمة ههههههههه
و انا فعلا سألت في التوكيل و اكتشفو السر الخفي
ان لازم يكون النور العالي في حالة شغل حتي يتم رش الفوانيس بالمياه
و كانت التجربة ناجحة بعد كده و كانت الناس هتنزل من عربياتها تضربني في الطريق و انا بجربها
ان شاء الله المرة الجاية عاوزك تركبها تاني يمكن يكون فيها ايرباج جانبي و خلفي و انا معرفش ههههههه
م.حاتم السباعي
بسم الله ما شاء الله تقرير رائع من مهندس رائع ربنا يباركلك فيها سؤال صغنن يا باشا هوا فتحة اليو اس بي موجودة في مسند السائق بجوار مكان الموبايل و لا ملغية و ايه هيا الكماليات الباقية في الهاي لاين اللي بفرش جلد عند الوكيل و لكم جزيل الشكر تقريرك اقنعني جدا بالعربية يا هندسة
ربنا يبارك في حضرتك و يعزك
و بالنسبة للاستفسارات فأوضح لحضرتك انها لا يوجد بها فتحة يو اس بي يوجد فتحة aux فقط
و انا بصراحة لا اعرف الكماليات الموجودة في الفئة الهاي لاين
و لو اني استطيع ان اشك ان الفئة الاخري هي نفس هذه الفئة و لكن يتم التعديل عليها من جانب الوكيل نفسه او الموزع نفسه
و هذا ما يجعل الفئة التي توجد في اوتو ايجيبت تختلف عن الموجودة في السبع
و توقعي الشخصي انها عبارة عن نفس الفئة ( البيزك ) و يتم ادخال الاضافات عليها هنا في مصر
هذا مجرد تخمين لا اكاد اجزم به
تحياتي لحضرتك
م.حاتم السباعي
مبروك يا باشمهندس حاتم ربنا يديك خيرها ويبعد عنك شرها يا رب
ليا لفة اعلم فيها على العربية الجديدة اهو انا اولي من الغريب هههههههه
والفلوس الفضة اللى في الكنسول الامامي دي بتاعتي على فكرة وقعت مني في الجيزة
ألف مبروك على العربية وربنا يرزقك خير ما فيها ويكفيك شرها وشر أعين الحاسدين .......
أنا سمعت حضرتك والزملاء بتتكلموا عن رشاشات في الفوانيس الأمامية ... هل هي زينون؟
أصل انا أعرف ان الرشاشات دي بتبقى في فوانيس الزينون ....
وكما سؤال تاني معلهش .. هل فيها مثبت سرعة؟ ولو مافيهاش هل ممكن يركب في التوكيل أو مراكز الخدمة وتظل السيارة في الضمان بكافة أجزائها ؟
الله يبارك فيك يا دكتور محمد
و انت وحشتني جدا و ان شاء الله نتقابل عن قريب
و العربية و صاحبها تحت امرك يا كبير و تزيد تحت رجليك يا دكتور
و الفلوس الفضة للاسف طلعت بتاعة واحد تاني برضه كانت واقعة منه و انا لميتها من جيبه الشمال ههههههههههه
تحياتي اليك اخي الحبيب
الله يبارك في حضرتك
و انا تحت امر حضرتك في اي سؤال دا اقل واجب يا فندم تجاه حضراتكم
و بالنسبة للفوانيس فهي فعلا زينون
و بالنسبة لمثبت السرعة فهي للاسف بدون مثبت سرعة و لا اتوقع انه بيركب في التوكيل و لكن ان شاء الله اسأل لحضرتك علي الحكاية دي في التوكيل بما انها ضرورية بالنسبة لك
تحياتي اليك
م.حاتم السباعي
مبروك يا باشمهندس حاتم ربنا يديك خيرها ويبعد عنك شرها يا رب
بس بعد اذن حضرتك انا ليا سؤالين هل العربيه مصفحه من تحت الماتور لحد اخر العربيه ويا ريت مقارنه سريعه بينها وبين الكايا سبورتاج وانا اسف على الاطاله .
انا فعلا محتاج رأى حضرتك المحايد علشان انا ان شاء الله نازل اشترى عربيه خلال اسبوع .
وتحياتى ليك يا باشمهندس