ايهم افضل بلنسبه لك وامتع فى القياده الفتيس العادى التقليدى ولا الفتيس الـــ cvt
وليه؟؟
ايهم افضل بلنسبه لك وامتع فى القياده الفتيس العادى التقليدى ولا الفتيس الـــ cvt
وليه؟؟
ال cvt معجبنيش بصراحه
يفضل الموتور ينعر ومفيش سحب
جربته فى لانسر زيرو
ايه الفرق بين الاثنين الاول عشان اعرف اختار
اعذور جهلى بالمعلومه
شكراً
الsimi auto
ويا سلام لو dual clutch
ال cvt لا لون ولا طعم
الاوتو العادي بيحسسك بأن العربيه بتنقل زي المانيوال
لده ولي ده
معنى كده ان مفيش فايده من التكنولجى ده غير توفير البنزين بس صح ولا لا ؟؟
الـ cvt بيقتل الاحساس بالسحب والتسارع
يا باشا الcvt الاى فى الإنسر ده عبرة عن نموزج اولى للنوع دة
أنا عندى فى outlander مختلف تماماً على لاى موجود فى لانسر ( على فكرة أنا كان معايا لانسر فى مصر )
و النوع الجديد الاى عندى فى العربية لما تمشى عادى من غير شد العربية بتنقل عادى زى اى عربية اوتوماتك
و لما تشد و تضغط جامد على البنزين العربية بتثبت على rpm و الاى cvt يشتغل
متتابع
جربت ال cvt في السيتي .. وحسيت اني راكب عجلبة ببدالاات ... Lol
+11111
هو ده الكلام
انت اكيد بتتكلم عن ال 2400 سي سي لان ال 3000 سي سي بتنزل باوتو عادي 6 سرعات
عموما ال cvt مش معمول للسواقين اللي ليهم في الشد و الجري لانه ممل جدا جدا
انا مجربه في اللانسر البومة و المورانو و كان بيخنقني و بفضل الاوتو العادي عليه
بس اعتقد لما تنقل للقياده اليدويه فى الفتيس cvt الاحساس بيفرق جامد صح ولا لا ؟؟
انا جربت تقريبا كل الفتيسات معادا الdsg
المانيوال حلو فالسحب بس الدبرياج خنييييق ومتعب
الاستبترونك ولا ليه اى تلاتين لازمه هو اتوماتك والمانيوال بتاعه اتوماتك بس بيضحك علينا سسواء تدوسعلى الزرار او الشفت عشان تنقل او تزوق العصايه قدام او ورا هو كده كده مش ممتع فالنقل او مش بيديك احساس انك بتنقل منوال
cvt ده بقى جربته فالانسر بومه ومن وجهة نظرى ودى اراء انا شايفه اسوئهم لانك اما تحب تشد تلاقى صوت عالى ومفيش سحب
الاتوماتيك العادى وده معايا حاليا وانا شايفه احسنهم راحه واما بتحب تشد بتلاقى سحب ومتعة المنيوال طب ازاى هقولك انا معايا الشارك الفتيس بتاعها حارات وعباره عن p r n d 3 2 L هو كده اتوماتيك عادى لو عايز تستمتع بالمانيوال تنزل على L وكده العربيه ماشيه اول عايز تانى انقل على 2 وكده انت على التانى عايز تالت انقل على 3 عايز الرابع هات ال D وكده انت على الرابع كده انت خدت سحب المنوال ومتعة نقل العصايه نفسها لانها فالشارك حارات فبتحس انك بتنقل فعلا من غيار للتانى وراحه الاتوماتيك
يارب اكون قدرت اوصلك قصدى وتحياتى ليك وكل الرجاله اللى منوره المنتدى
الى عاجنى فعلا زى الى فى الشارك مثلا الى فيه 1 23 و كده و حارات
بس من الاخر اان معايا مانيوال عادى
و الى يجيب عربية جديده مانيوال الصراحه عاوز ال@#$% علشان البلد دى و الزحمة دى مينفعش معاها مانيوال
امتع سواقه فعلا بتكون بفتيس ليه شفتات ف الدركسيون بس طبعا دا عايز طريق مرتاح شوية (شويتين الصراحة) طبعا بعدية المانيوال شغال ف المدينة و الطرق السريعة (بس طبعا ماينفعش ف القاهرة)
لكن الفتيس العملى هو الستب ترونك (حسب كل شركة مابتسمية) لانة بيجمع مابين راحة الاوتو و سحب و سهولة صيانة المانيوال
[QUOTE=yoko;3874387433]الحركة دي هتخلي الفتيس يسلم نمر بدري جدا
ليه يا يوكو انا بيتهيالى انك كده كانك بتحرق كل غيار بمعنى انك بتجيب اخر الاول والتانى والتالت والرابع وكده يعنى بس انا بعملها اما المزاااج بيكون راااااااااايق مره كل شهرين كده
لاء طبعا انا من عشاق المانيوال وهافضل عاشق للمانيوال ويوم ماركب ستيب ترونيك يكون 2500 او 3000 لكن الفين سي سي وال 1600 والكلام ده معرفوش
انا ب 1300 والتاني بيجيب ال 80 وال 90 وانا اللي بتحكم في العربية
انا سواقتي هادية تماما لكن في اوقات بحب اسمع فيها صوت الموتور وانا اللي اسوق العربية مش هي اللي تسوقني
ده انا دايخ على 320 مانيوال مش لاقي :-)
+111111111
امبارح انا اول مرة اسوق عربية اوتوماتيك
كانت فيرنا 2004 كورى
هى اينعم كورى مش يابانى ولا اوروبى والفتيس مش متطور
بس اسلوب السواقة نفسه خنقنى ، بينقل مع نفسه ومرة يفهمنى و10 لا ، وحاجة زفت
حسيت بالميزة الوحيدة لما الطريق وقف بنزين وفرامل بس بكل سهولة
انما كمتعة سواقة وتحكم في العربية ولا حاجة
وبيضعف عزم العربية وبيستهلك بنزين اكتر
عايز سواقة حريمى بس
الفيرنا اللى بتنط من ع الارض كان مخليها بطة مع تشغيل التكييف ، مش عارف ده عيب في العربية اللى انا ركبتها تحديدا ولا هو ده الفرق بين المانيوال والاوتو دايما
مانوال .......... ببساطة أنا اللى راكب العربية مش العربية هى ركبانى
أغلب اللى راكبين أوتو ........ إستسهال - ضعف فى القيادة
متعة إن أنا أدى الغيار ومعايا الــ rpm قدام عينى وصوت الموتور وأروح مدى النقلة التانية وأكبس وأطير ....... وخصوصا الغيار التالت ........... حبيبـــــــــــــــــــــ ـــــــــــــى ......... يا خراشـــــــــى
تحيـــــــــــــاتى
هو كده يا سقـــــــــــــا ........... صح يا صاحبى
على فكرة يا جماعة اسمحولي بس اللى بيقول ان الاتوماتيك العربية هي اللى بتسوقك
ده ماسقش اتوماتيك قبل كدة او بمعنى اخر معرفش يسوق اتوماتيك !!
الاتوماتيك انت بتعرف تعمل بيه كل حاجة
عايز تسقط نقلة واحدة بدوسة بنزين هتسقطها
عايز تسقط نقلتين بدوسة بنزين برضوا هتسقطها
عايز بعد كدة العربية تنقل غيار واحد لاعلى او العربية تنقل لاعلى غيار فيها برضوا كل ده بمجرد دواسة البنزين بتقدر تتحكم في العربية ونقلاتها بشكل كامل واسرع من المانويل بمليون مرة !!
معلش انا لما بشد مع زمايلي معاهم مانويل والطريق يقفل ويفتح تاني من قبل ماهما يسقطو الغيار بكون انا مدي ال Kick وطاير
ومهما كان اللى سايق مانويل سويق عمر ماسرعته في النقل ماهتوصل للفتيس الاتوماتيك
خصوصا الفتيسات الجديدة زي ال DSG
الحاجة الوحيدة اللى الفتيس الاتوماتيك بيعملها وتعتبر بتكتفك هي انك اول مابترفع رجلك من على البنزين العربية اتوماتيك بتنقل نقلة لاعلى عشان تريح الماتور !! فمش هتعرف تفضل على نفس الغيار
ودي ببساطة تتحل بانك تحرك عصاية الفتيس للغيار اللى انت عايز تفضل عليه ! او تحول العربية استيبترونيك
الاتوماتيك لما تتعود عليه بيديلك متعة وبيحسسك ان فيه عشرة ومحبة وعلاقة بينك وبين دواسة البنزين والعربية
وبتحس ان العربية فهماك ودواسة البنزين مع التعود عليها فهمت خلاص انت عايز تعمل ايه
وطبعا كل ده مابيجيش في يوم وليلة لازم تعووود وممارسة كتيير عشان تعرف تعمل بالاتوماتيك اللى انت عايزه
فطبيعي اي حد يسوق اتوماتيك مرة او اتنين او حتى عشر مرات هيحس انه متكتف وان العربية هي اللى بتسوقه !! لكن ده مش صحيح نهائيا
مش معاك يا أحمد في ردك في حاجات كتير
طب مانا برضوا ممكن اقولك بص على كل العربيبات الجديدة دلوقتي هتلاقيها اتوماتيك !! ؟
المانويل بدا ينقرض يا جماعة !! لو تبص على كل ال bmw والمرسيدس اللى بتنزل هنا في مصر 90% منها اتوماتيك ان ماكنش الكل
وباقي العربيات !! هتلاقي المانويل ده اول فئة فاضية ونااادرة لما تلاقي توكيل منزل مانويل فل اوبشن ! ؟
الشركات كلها دلوقتي بتتجه على انها تطور الفتيسات الاتوماتيك dsg و mmt وغيرهم !!
انا اتوقع في خلال العشر سنين اللى جايين مش هيبقى فيه حاجة اسمها مانويل
انا مش بقول ان الاتوماتيك اقوى من المانويل بس اللى اقصده ان الاتوماتيك برضوا بيشد وبيجري وبتعرف تتحكم فيه وبتعرف تجبر العربية تنقل ولا ماتنقلش تسقط نقلة ولا اتنين ولا تلاتة ! ؟
يعني مافيش حاجة اسمها الاتوماتيك هو اللى بيسوقك
بس الاتوماتيك عايز واحد اتعود على عربيته وعلى دواسة البنزين عشان يعرف يخرج بالعربية اقصى قوة ليها ويخليها تمشي بمزاجه وهو اللى يسوقها مش هي اللى تسوقه
dsg هو اصلا فتيس مانوال ولكن الكترونى و double clutching وكدة انت رديت على نفسك :Dاقتباس:
الشركات كلها دلوقتي بتتجه على انها تطور الفتيسات الاتوماتيك dsg
الشركات بتحاول تخلي الاوتوماتيك يبقى زي المانوال بالظبط او تضيف خاصية الاوتوماتيك للمانوال
من حيث انه بدبرياج كهربى ( مش محول عزم ) و بتتحكم في النقلات بنفسك مش مجرد الكيك داون او برمجة مسبقة للفتيس
الفتيس الهيدروليكى القديم المبسط خالص ده اللى انا اقصده في الاوتو ، وده اللى ما بحبوش وده اللى فعلا بيخلى العربية سايقاك
هتقوللى الاستب ترونيك بيخليك تتحكم في النقلة هقولك ده مشكلته في محول العزم يعنى هو اصلا مبنى على الاوتوماتيك القديم برضه
انما الdsg و الeasy tronic والحاجات الجديدة دى كلها اصلا اتبنت على المانوال واضافت خاصية التحكم بالنقلة والدبرياج الكترونيا او تلقائيا او من خلال زراير
وده يثبت فشل الاوتوماتيك القديم التقليدى
مين قالك كده يا احمد
دي ثقافتنا في مصر لان احنا شعب بنعتمد على الشعبية يعني زمان اخرنا كنا نحلم بشباكين كهربا ونقولو الله العربية دي قمة التكنولوجيا حبة حبة بقينا نطمع بمرايات ضم وبلوتوث وكاميرا
برة مبيبصوش على كده اهم حاجة عندهم لو حيجيبو عربية عادية توفير بنزين واداء مرضي وامان
بص في اوروبا حتلاقي مثلا عربيات زي رينج روفر ايفوك مانوال
بورش كايين مانوال
ميني كوبر مانوال
انا قصدت اقول دول عشان دول يعتبرو فقة سبورت
وعندهم سعر الاوتوماتيك في اوروبا بيقع على فكرة عن المانوال ^_^
ياراجل كان في الامارات اللاند كروزر الفي اكس ار في ناس كانت بتطلب التوكيل يجيبها مانوال
أنا لو الفتيس الأوتوماتيك بيخنقني مرة فالفتيس الCVT بيخنقني مية مرة هو تكنولوجيا وكل حاجة لكن متعته في السواقة صفر بدل مادوس عالبنزين وتستمع بصوت المتور وتستنى اآر بي إم يوصل للرد زون لأ بتسمع دوشة وإزعاج وخلاص وتحس إنك سايق كارو مش عربية وأهني هاني عالكلمة إللي قالها (ال cvt لا لون ولا طعم) هو صحيح أسرع في الكيك داون وأذكى كتير من الأوتو العادي لكن برده بكره عمى ونفسي أولع في إللي عمله وحتى الفتيسات ال cvt إللي نازلة بتروترونيك أما بتولها لللتبترونيك بتحس إن التفيس بيشتغلك وبيحور آل يعني بينقل
وللأسف الشديد برغم كرهي للأوتوماتيك عموما وعشقي للمانيوال لكن عربيتي الجديدة حتكون أوتوماتيك بسبب الزحمة قليلة الأدب بتاعت البلد دي
نسبة العربيات الأوتو للمانيوال متغيرتش كتير في خلال ال 30 سنة إللي فاتوا الناس مزاجات بره مهما كان سعر العربية بيعتبروا الأوتوماتيك ده بالنسبالهم أوبشن بحت زيه زي الزينون والفتحة يعيني في أوربا ممكن تلاقيها واحد جايب e-class فول أوبشن بس مانيوال عادي جدااقتباس:
انا اتوقع في خلال العشر سنين اللى جايين مش هيبقى فيه حاجة اسمها مانويل
معاك حق بس برده مش لدرجة إنه يبقى سبيشيال أوردراقتباس:
لكلام ده في اوروبا بس
المانيوال دلوقتي بقى بييجي سبيشيال اوردر في عربيات كتير ( في الخليج مثلا )
الاوتو دلوقتي اتطور وبقى بنفس دقة المانيوال ( dual-clutch )
معلش رديت بالخطا ^_^
مين قالك ان اوروبا شوارعها صغيرة وفاضية ؟؟؟؟؟؟؟؟؟؟؟
في شوارع زحمة وفي اماكن زحمة جدا جدا كمان بس الفرق بينها وبين مصر ان فيه نظام وفيه اولوية للمرور
وفكرة ان المانوال اريح من الاتوماتيك دي حاجة نسبية يعني هو اريح بالفعل من نحية قلة الحركة
لكن مش بيقلل الحمل العضلي على الرجل يعني مجرد مريح رجلك الشمال بل بالعكس رجلك ساعات بتنمل هههههههههههه
تيجي بقى تبص للرجل اليمين انا بحس ان رجلي الشمل في المانوال مرتاحة عن اليمين
انت بتتكلم في دوس بنزين ودوسة فرامل جامد وترجع تحرك رجلة عشان تدوس بنزين
وعلى فكرة انا عشت واتولدت في الخليج واحب اقولك قصيدة بسيطة توضحلك عشقهم بالمانوال
--------------
تشانك بغيت تجابل الناس شلك فتك لونها رمادي
مخفي وسيرها ماله قياس عليه صب وجير عادي
الفتك دي نيسان باترول ^_^
السلام عليكم ورحمة الله, انا ملاحظ ان معظم الردود عاطفية وبتبعد عن الموضوعية
احب اقولكم صفات كل من ال CVT وال DSG لاني قعدت فترة ادرسهم واحللهم:
CVT Continuously variable transmission وده معناه ان النسب بين سرعة المتور و السرعة اللي بتوصل للعجل متغيرة مش ثابتة, في المناويل والاوتوماتك العادي كلنا عارفين ان فيه غيارات كل غيار من دول بيأثر علي نسبة نقل السرعة من المتور للعجل زي الجدول ده مثلا:
Gear Ratio
1st gear 2.97:1
2nd gear 2.07:1
3rd gear 1.43:1
4th gear 1.00:1
5th gear 0.84:1
6th gear 0.56:1
reverse 3.38:1
ايه الجديد في ال CVT انه مابقاش فيه حاجة اسمها غيارات لا بقي بيتحكم في النسبة اللي بين المتور والعجل علي طول ويقدر يحصل علي اي قيمة ممكن تتخيلها و علشان كده بيقولوا انك تقدر تحصل علي عدد لانهائي من الغيارات
طيب ده ايه ميزته وايه عيبه:
الميزة: انك بتحصل علي نسب لم تكن تستطيع انك تحصل عليها في اي فتيس اخر وبتلاحظ ان حركة ال RPM مش عنيفة زي المناويل لا بالعكس ديه تقريبا بتبقي ثابته لان التغيير كل في النسبة اللي في الفتيس, وده طبعا بيريح المتور غير انه بيحافظ علي استهلاك الينزين في الحرق اللي مالوش لازمة.
العيب: المشكلة انه زي ما قولت عنده نسب كتير وبيتحرك بينهم بالتدريج ف النقل مش بيتم مرة واحدة نفترض انك عايز
تنقل من الاول للتاني في المنيول بتنقل مرة واحدة لكن في الCVT كمثال هتلاقي بتنقل كده 1 1.1 1.2 1.3 .... 2 طبعا ده بيأثر علي التسارع ويحسسك ان العربية مش بتجري لانه بياخدها بالتدريج
في DSG بيعملك زي علبتين تروس "للتبسيط" واحده فيها الغيارات 1 3 5 7 والتاني 2 4 6 R وعندك استوانطين دبرياج ومعظم الحاجات فيه منها اتنين, ايه الفكرة ؟ الفكرة انه اثناء استخدامك لغيار معين فيه دائرة الكترونية بتحسب ايه الغيار اللي متوقع ان العربية تحتاجه فيجهزوا علي المجموعة الاخري من الغيارات طبعا عرفتم ليه الفردي مجموعة والزوجي في المجموعة الاخري لانك بتنقل نقلة واحدة بس ف لو كنت في المجموعة الفردي هتروح للمجموعة الزوجي كده كده مثلا انت علي 3 هتنزل نقلة يبقي 2 هتطلع نقلة يبقي ال 4.
المزايا والعيوب:
المزايا: اختصار الوقت تحضير النقلة لان النقلة اللي جاية جاهزة علي المجموعة الاخري فبتنقل الغيار بسرعة اكبر من اي حل تاني "لاتقولي مانويل ولا اتومتك ولا العفريت الازرق هاها" المهم ان التسارع عالي جدا ولو لاحظت ال RPM هتلاقيه بينط بسرعة ومش بياخد نفس المسافة زي في المانويل.
العيوب: ياريت حضراتكم تروحوا علي جروب الفولكس فاجن وتشوفوا الشكاوي واحد معاه جولف 6 كان بيقول غير الفتيس مرتين خلال 27000كم والمشكلة كانت بتتحل بتغيير الفتيس علي طول , طبعا فيه ناس بتشكر فيه وفيه ناس بتقول ان مشاكله اتحلت, لكن المشاكل كانت معظمها في ان الطرق في مصر والوقوف المتكرر بيتعب الفتيس وساعات بتخليه يهيس "ما يعرفش النقلة اللي جاية ايه"
الخلاصة بين المثالين اللي فاتوا ان:
CVT: افضل من ناحية راحة المتور واستهلاك البنزين لكن ما بيحسسكش بالسرعة او التسارع اللي انت بتشوفه حتي في المنويل, لكنه مناسب اكتر للطرق في مصر "انسب في توفير البنزين واطالة عمر المتور"
DSG: رائع في انه اختصر وقت تحضير النقلة, وافضل حالة ليه انه يكون عندك طريق مفتوح وتجري زي الرهوان, لكن مشاكلة انه لا يتناسب مع الطرق في مصر وكمان شكاويه كتير وعمره الافتراضي يبدوا اقصر بكتير "انسب للتسارع والسباق"
ارجو ما كنش طولت عليكم, واحب اكرر ان ده من خلال التحليل ودراسة تصميم الفتيسين ولكن عمر الفتيسين لسه مش كبير وافكارهم جديدة, ولو فيه اي استفسار او نقض ارحب بيه
من اسبوع جربت الـ cvt في اللانسر
هو فكرته كويسة واه بيقلل استهلاك البنزين وبيحافظ على العزم ( ممكن تطلع على ار بي ام عالى وبسرعة جدا و من غير ما العجل يفرك منك )
بس تحسه خنيق شوية كدة ومفيش احساس خالص بالعزم والتسارع
اول انطباع لما دست بنزين جامد كأن العربية مورت وانت بتدوس بنزين ع الفاضى ، او كأن عربية ماانوال و الدبرياج عالي جدا او الاسطوانة فيها حاجة
اه العربية بتجري بس صوت الموتور عالى وخلاص او كأنه مكتوم كدة وبرضه احساسك بإن العربية بتجري فعلا مش اوى زي المانوال او الصوت الطبيعى للموتور
عجبنى في المشى الهادى والتسارع التدريجى بس ، يعنى تدوس بالراحة كدة تلاقى العربية صوتها هادى وبتجري وزي الفل ، اول ما تدوس جامد بقى يبتدى الملل :D