مسافر الي كينيا وعاوز نصايحكم

الحمد لله قبلت في احدي جهات العمل والمفروض اني هسافر الي كينيا علشان اعمل الانترفيو
في بلد اسمها نيروبي ( العاصمة)
دلوقتي معايا تذاكر الطيارة وقالولي الفيزا هتاخدها لما توصل مطار نيروبي وهتدفع 50 دولار امريكي
والاقامة لمدة اسبوع عليهم شاملة التنقلات والاكل والشرب والكورسات اللي هاخدها قبل الانترفيو

دلوقتي انا الحمد لله خلصت جيش ومعايا الشهادة وعاوز اعرف ايه الورق المطلوب مني اثناء السفر لان دي اول مره ليا اسافر
وقالولي ان في تطعيمات لازم تاخودها ف ياريت بره تقولولي اسال عليها فين دي
وهل لازم اجيب تصريح من الجيش بالسفر ولا ايه النظام؟؟؟؟؟؟ دا اسبوع يعني مش حاجه

وهيبقي ايه نظام اللبس شتوي ولا صيفي والبلد هناك فيها انقلابات ولا الاوضاع مستقره؟
يعني اللي عنده معلومة يقولها

بالله عليكم تفيدوني لاني بجد صباح التوهان
جزاكم الله خيرا

غالى
ممكن يتعملك انترفيو على النت على الماسنجر
وعملتها قبل كدة
انا شاكك ان الموضوع يكون فيه خطف اة نصب
اتاكد كويس

اتصل بالسفارة المصريه في كينيا و السفارة الكينيه في مصر و اتاكد من الموضوع الاول

محدش هايجيب حد عشان يعمله انترفيو و يصرف عليه وفي الاخر ممكن مايقبلوش

الموضوع شكله مش مظبوط

لو اول انترفيو يبقى فى حاجه مش مظبوطه بس لو التانى او التالت يبقى عادى
تصريح السفر مش هتخرج من المطار من غيره
التطعيمات فى مكتب الصحه بتروح تقولهم تطعيم سفر افريقيا هتاخد شوية حاجات مش هتخسر ... زى بتوع العمره و ممكن يزيد عليهم حاجات بسيطه ...

نيروبى بلد جميله و متحضره ... نص الكره الارضيه الجنوبى فالفصول عكسنا يعنى داخلين على الشتا هناك و مش حر زى ما ممكن تكون متخيل
مسمعتش ان فى اى مشاكل هناك بس الجريمه موجوده ... ربنا معاك

السلام عليكم
اخي نيروبي بلد جميلة و متحضرة جدا عيبها الوحيد السرقة التي يمكن ان تصل الي السرفة بالاكراة
بعد الساعة 7 مساء لا خروج من الفندق تحت اي ظرف
اللغة الانجليزية هي السائدة وافضل فندق هناك شيراتون طبعا وسعر الغرفة في حدود 60 $
من الاماكن اللطيفة هناك السفاري وارلد و مطعم كارنفور اوعي يفتوك
طبعا في الجنوب مدينة مومباسا اعظم منتجع سياحي في العالم و يوجد بة فنادق كثيرة و الامان جيد بها
ولكن يعيبها ان اغلب الفنادق ملك لولاد عمنا اليهود
عموما سفرة موفقة ان شاء الله واي شيء لا تتردد في السؤال اخوك تجول في افريقيا كلها من جيبوتي للصومال لهرجيسا لاثيوبيا لكينيا للسودان لجزر القمر

يا جدعان اللي مش متاكد بلاش يخوف الراجل عالفاضي


انا اعرف ناس بالعبيط شركات و هيئات سفرتهم على حسابها لانترفيوهات في تركيا و في الامارات و غيرها

مش قضية لانه مش فاضي يسفر فريق العمل اللي هيعمل الانترفيوهات و هيكلفوه اكتر

باشا خلي بالك من بتوع كنيا و بتوع افريقيا كلها عشان النصبين باهبل
انا جالي عقدين عمل في شركة بترول في كنيا و كنت طاير من الفرحة و كانت شركة ....l و شركة تنية مش فاكر اسمها بس الاعرفه انها بتنقل البترول علي المراكب و كان المرتب 10-15 الف دولأر و قالولي نفس الحوار بالظبط
تعالي يوم كذا المكان فالفلأني عشان الأنترفيو و بعد كدة يقول حول المبلغ الفلأني عشان نخلصلك الورق

انا عشان اتاكد بعت للشركتين بعتلهم و قلولي دول نصبين
تخيل لو كنت روحت

اكتب الحوار الحصلك ده و ابعتة علي السيت بتاع الشركة الأم عشان تتاكد
و لو طلع نصب تلحق نفسك و لو مش نصب توكل علي الله و ربنا يكرمك

اتاكدت لك من الاياتا (منظمة الطيران المدني الدولي)

الفيزا فعلا هناك و بخمسين دولار بس لازم يكون معاك 500 دولار غيرهم كاش توريهم لهم

ده من موقع السفارة الخاصه بهم فى مصر
سفارة جمهورية كينيا بالقاهرة:

اقتباس:

---

المشاركة الأصلية كتبت بواسطة kameluo

باشا خلي بالك من بتوع كنيا و بتوع افريقيا كلها عشان النصبين باهبل
انا جالي عقدين عمل في شركة بترول في كنيا و كنت طاير من الفرحة و كانت شركة ....l و شركة تنية مش فاكر اسمها بس الاعرفه انها بتنقل البترول علي المراكب و كان المرتب 10-15 الف دولأر و قالولي نفس الحوار بالظبط
تعالي يوم كذا المكان فالفلأني عشان الأنترفيو و بعد كدة يقول حول المبلغ الفلأني عشان نخلصلك الورق

انا عشان اتاكد بعت للشركتين بعتلهم و قلولي دول نصبين
تخيل لو كنت روحت

اكتب الحوار الحصلك ده و ابعتة علي السيت بتاع الشركة الأم عشان تتاكد
و لو طلع نصب تلحق نفسك و لو مش نصب توكل علي الله و ربنا يكرمك

---

لو باعتلين له تذكرة و مش طالبين فلوس يبقى صعب يكون نصب

السلام عليكم
شكرا جزيلا علي الرد والناس اللي خافت عليا
اولا يا جماعه انا اتاكدت من الموضوع دا من السفارة الاسترالية والكينية
موضوع التاشيرة دي فعلا بتتاخد علي الحدود ب 50 دولار
كل حاجه عليهم وهقعد في فندق هايد بارك في نيروبي اسبوع

اللي فهمته دلوقتي اني هاخد معايا ملابس شتوية
والتطعيمات من وزارة الصحة ......... بس فين مكتب الصحة دا يا باشا واروحه ازاي لانهم اتصلوا بيا ياكدوا علي موضوع التطعيمات دي
بجد جزاكم الله كل خير والموضوع لسه مطروح للمناقشة للي عنده معلومات ممكن يضيفها
السلام عليكم

وبالنسبة لنقطه الجيش دي ياريت بجد حد يفيدني فيها

بالنسبة للتذاكر انا اتاكدت منها النهاردا من مصر للطيران ذهاب وعودة علي حسابهم

بالنسبه للجيش لازم تصريح سفر ومش هتطلع من المطار من غيره , شوف اقرب مكتب صحه ليك واسال فيه او روح المصل واللقاح فى الدقى

نصيحتى
1-خد معاك ورنيش اسود لزوم تغير اللون---عاوز تبقه غريب عن شعب كينيا ولا ايه-
2-باروكه ليفه سلك
3- رمح علشان الاسود
4- ميه معدنيه مش هتلاقيها هناك
5- بالتوفيق ان شاء الله

اقتباس:

---

المشاركة الأصلية كتبت بواسطة korkor

بالنسبه للجيش لازم تصريح سفر ومش هتطلع من المطار من غيره , شوف اقرب مكتب صحه ليك واسال فيه او روح المصل واللقاح فى الدقى

---

معلش يا فندم التصريح بقي دا بيجي منين وازاي؟
وهل شهادة انهاء الخدمة العسكرية مش كافية
والموضوع دا هياخد قد ايه؟ لاني مسافر الثلاثاء ومش هبقي فاضي غير يوم الاثنين
اتمني الرد
شكرا جزيلا

شهادة الخدمة العسكريه لا تغنى الا اذا كنت انهيت خدمتك و ليس لك مدة خدمة كأحتياطى
(بعض الاسلحه ليس لها احتياطى)
او يكون مكتوب فى جواز سفرك انك غير مطلوب للتجنيد
اما تصريح السفر فده سهل
بتروح منطقة التجنيد الخاصة بك و بتطلعه فى نفس اليوم

اما الامصال فأعتقد انها فى هيئة المصل و اللقاح
Vaccines - The Holding Company for Biological Products & Vaccines VACSERA

تطعيمات السفر مش في المصل و اللقاح .... في مكتب تحصينات المسافرين بالمنيرة .... كلم 140 و خد العنوان منهم هما قريبين جدا من مستشفى المنيرة العام

كينيا هتحتاج تاحد الحمى الصفراء و الحمى الشوكية و هيدوك شهادة دولية تشيلها في عينيك زي الباسبور بالظبط و الا و انت راجع مصر هتتعلق 10 ايام في الحجر الصحي

بالنسبة للمالاريا لو مش هتخرج من نيروبي مش محتاج تاخد وقاية (مالهاش تطعيم بتاخد الدواء بشكل وقائي)

و لو هتخرج من نيروبي فيه حاجة من اتنين

1- لو قدامك فرصة شهر قبل السفر .... ابدا دلوقتي خد ال Lariam .... قرص كل اسبوع في نفس الميعاد بالظبط و تبدا 4 اسابيع قبل السفر و توقفه 4 اسابيع بعد العودة

2- لو ما قدامكش فرصة شهر قبل السفر .... ابدا قبل السفر بيومين Vibramycin 100 mg كبسولة كل يوم في نفس الميعاد .... و توقفه 4 اسابيع بعد العودة


لازم تصريح سفر من الجيش (الهايكستب او الزيتون) ..... تاخد معاك الباسبور و التذكرة و لو سالك عالتاشيرة قول له المصريين بيدخلوا كينيا من المطار ...... التصريح ساري للخروج شهر (بغض النظر انت راجع امتى) و حاول تعمله بدري لان ساعات بيطلع مشاكل (بتتحل بس بتحتاج اسبوع مثلا)

لازم 500 دولار كاش معاك توريهم للجوازات هناك

اقرا الصفحة

Kenya travel guide - Wikitravel

مفيدة جدا

اقتباس:

---

المشاركة الأصلية كتبت بواسطة أحمد كمال

تطعيمات السفر مش في المصل و اللقاح .... في مكتب تحصينات المسافرين بالمنيرة .... كلم 140 و خد العنوان منهم هما قريبين جدا من مستشفى المنيرة العام

كينيا هتحتاج تاحد الحمى الصفراء و الحمى الشوكية و هيدوك شهادة دولية تشيلها في عينيك زي الباسبور بالظبط و الا و انت راجع مصر هتتعلق 10 ايام في الحجر الصحي

بالنسبة للمالاريا لو مش هتخرج من نيروبي مش محتاج تاخد وقاية (مالهاش تطعيم بتاخد الدواء بشكل وقائي)

و لو هتخرج من نيروبي فيه حاجة من اتنين

1- لو قدامك فرصة شهر قبل السفر .... ابدا دلوقتي خد ال lariam .... قرص كل اسبوع في نفس الميعاد بالظبط و تبدا 4 اسابيع قبل السفر و توقفه 4 اسابيع بعد العودة

2- لو ما قدامكش فرصة شهر قبل السفر .... ابدا قبل السفر بيومين vibramycin 100 mg كبسولة كل يوم في نفس الميعاد .... و توقفه 4 اسابيع بعد العودة


لازم تصريح سفر من الجيش (الهايكستب او الزيتون) ..... تاخد معاك الباسبور و التذكرة و لو سالك عالتاشيرة قول له المصريين بيدخلوا كينيا من المطار ...... التصريح ساري للخروج شهر (بغض النظر انت راجع امتى) و حاول تعمله بدري لان ساعات بيطلع مشاكل (بتتحل بس بتحتاج اسبوع مثلا)

لازم 500 دولار كاش معاك توريهم للجوازات هناك

اقرا الصفحة

kenya travel guide - wikitravel

مفيدة جدا

---

شكرا يا دكتور احمد علي المعلومات دي
ان شاء الله هتصل بيهم واروح اخد التطعيمات
بالنسبة لتصريح السفر اعرف ازاي اني تبع الهايكست او الزيتون؟
وايه لازمة ال500 دولار وهل حضرتك متاكد من الموضوع دا لان انا مش هقدر اخد مبلغ كبير زي كدا معايا
وهل لو مش معايا مش هيدخلوني البلد مثلا مع العلم ان في مندوب من الهيئة اللي انا رايحها هيقابلني في المطار والمفروض ان يسهل الاجراءات
معلش تعبناك معانا يا دكتور

اقتباس:

---

المشاركة الأصلية كتبت بواسطة أحمد كمال

تطعيمات السفر مش في المصل و اللقاح .... في مكتب تحصينات المسافرين بالمنيرة .... كلم 140 و خد العنوان منهم هما قريبين جدا من مستشفى المنيرة العام

كينيا هتحتاج تاحد الحمى الصفراء و الحمى الشوكية و هيدوك شهادة دولية تشيلها في عينيك زي الباسبور بالظبط و الا و انت راجع مصر هتتعلق 10 ايام في الحجر الصحي

بالنسبة للمالاريا لو مش هتخرج من نيروبي مش محتاج تاخد وقاية (مالهاش تطعيم بتاخد الدواء بشكل وقائي)

و لو هتخرج من نيروبي فيه حاجة من اتنين

1- لو قدامك فرصة شهر قبل السفر .... ابدا دلوقتي خد ال lariam .... قرص كل اسبوع في نفس الميعاد بالظبط و تبدا 4 اسابيع قبل السفر و توقفه 4 اسابيع بعد العودة

2- لو ما قدامكش فرصة شهر قبل السفر .... ابدا قبل السفر بيومين vibramycin 100 mg كبسولة كل يوم في نفس الميعاد .... و توقفه 4 اسابيع بعد العودة


لازم تصريح سفر من الجيش (الهايكستب او الزيتون) ..... تاخد معاك الباسبور و التذكرة و لو سالك عالتاشيرة قول له المصريين بيدخلوا كينيا من المطار ...... التصريح ساري للخروج شهر (بغض النظر انت راجع امتى) و حاول تعمله بدري لان ساعات بيطلع مشاكل (بتتحل بس بتحتاج اسبوع مثلا)

لازم 500 دولار كاش معاك توريهم للجوازات هناك

اقرا الصفحة

kenya travel guide - wikitravel

مفيدة جدا

---

الكلام دا مهم جدا ليك اقراه كويس و بتمعن
و زيد عليه
نيروبي بلد جميله و هتتبسط في الغالب لكن
اوعى تنزل لوحدك سيرا على الاقدام تحت اي ظرف او اي مسمى بعد الساعه 5 او 6
ممكن بتاكسي
التطعيمات بتتاخد في المصل و اللقاح عادي جدا ماعدا الحمى الصفرا بتتاخد في المطار قبل السفر من الحجر الصحي
الفيبراميسين ككورس كويس جدا و مش هتحس بمشاكل منه غير شويه تعب بسيط في البطن مش هتحس بيه دايما ... لكن المهم انت هتقعد هناك اد ايه !!
بالتوفيق ان شاء الله و رحله سعيده

اقتباس:

---

المشاركة الأصلية كتبت بواسطة mustafavet

شكرا يا دكتور احمد علي المعلومات دي
ان شاء الله هتصل بيهم واروح اخد التطعيمات
بالنسبة لتصريح السفر اعرف ازاي اني تبع الهايكست او الزيتون؟
وايه لازمة ال500 دولار وهل حضرتك متاكد من الموضوع دا لان انا مش هقدر اخد مبلغ كبير زي كدا معايا
وهل لو مش معايا مش هيدخلوني البلد مثلا مع العلم ان في مندوب من الهيئة اللي انا رايحها هيقابلني في المطار والمفروض ان يسهل الاجراءات
معلش تعبناك معانا يا دكتور

---

مصطفى باشا :) انا مش دكتور :) بس مش مشكلة :)

الهايكستب او الزيتون الاتنين واحد الاقرب و الاريح ليك

ال 500 دولار دي تعليمات السلطات الكينية لدخول المصريين (احمد ربنا انها مش لبنان ..... لبنان 2000 دولار) معلش حاول تستلفهم من اي حد و ربنا يوفقك

جبتها لك من ال iata

اقتباس:

---

visa issuance:
Nationals of egypt can obtain a visa on arrival for a max. Stay of 3 months, provided passport contains at least one blank page for visa endorsement. Fee: Usd 50.- (also payable in eur or gbp). Extension of stay possible for additional 3 months.

Additional information:
Visitors are required to hold proof of sufficient funds to cover their stay (at least usd 500.-.) and ........s required for their next destination.

---

اقتباس:

---

المشاركة الأصلية كتبت بواسطة ابو سيف

الكلام دا مهم جدا ليك اقراه كويس و بتمعن
و زيد عليه
نيروبي بلد جميله و هتتبسط في الغالب لكن
اوعى تنزل لوحدك سيرا على الاقدام تحت اي ظرف او اي مسمى بعد الساعه 5 او 6
ممكن بتاكسي
التطعيمات بتتاخد في المصل و اللقاح عادي جدا ماعدا الحمى الصفرا بتتاخد في المطار قبل السفر من الحجر الصحي
الفيبراميسين ككورس كويس جدا و مش هتحس بمشاكل منه غير شويه تعب بسيط في البطن مش هتحس بيه دايما ... لكن المهم انت هتقعد هناك اد ايه !!
بالتوفيق ان شاء الله و رحله سعيده

---

الحمى الصفراء بلاش ياخدها في المطار لسببين

1- ساعات الستوك بيخلص

2- لو المدة بين سفره و عودته اقل من عشر ايام و هو راجع هيخلوه يكمل ال 10 ايام فسي الحجر الصحي

3- ال cdc بتقول ان مفيش مالاريا في نيروبي و مش محتاجة وقاية لو مش هيخرج برة نيروبي

اقرب مكتب صحه و خد تطعيم الحج هيكون كافى
كلام احمد كمال سليم تماماً ومفيش زياده عليه

جزاكم الله خيرا يا جماعه انكم نورتوني
وشكر خاص للاستاذ احمد كمال
السلام عليكم ورحمة الله وبركاته