الموضوع: coupe bmw e36 1994 ارجو الافادة

انا رأيى اخرها 80000 لو حالتها حلوه

و حاول تجيبها 2000 cc سواء اوريجينال او متعدلة علشان ال 1600 اللى فى موديل 1994 وحش اوى

انا معايا الموتور ده و لسه خاربوا علشان قرصت عليه شويه على طريق العين السخنة

و هى كعربية مفيهاش كلام

الفتيس الاوتو معنديش فكره بصراحة

دور كويس و متستعجلش و برضوا بلاش ال 1600 ال M40

المواتير القديمة سير كاتبينة كاوتش وكودها m40 وتبدأ من سنة 91 لسنة 94
المواتير الجديده سير كاتينة حديد وكودها m43 وتبدأ من سنة 95 لسنة 98

البى ام من موديل 91 ل 94 دى المكنة القديمه وعيوبها انها خشنه وبتاكل كامات مع الحرق الكتر عليها

من موديل 95 ل 98 المكنه الجديده وهى انعم فى صوتها وعالجو فيها مشكلة الكامات بالاضافه انهم عدلوا الفتيس كمان وبيزيد فى الموديلات دى الاى بى اس

دي نازله في الاي ثرتي من 1987 لحد 1990(الشعب سماها ام فورتي .. انما المكنه هيا اللي ام فورتي) ... و نزلت في الاي ثرتي سكس (الدبانه) من 1990 لحد 1994 ....
المكنه دي بتاكل كامات (جلب الكامات) و ممكن تؤدي الي اضرار جسيمه .. و عمرها قصير لا تتعدي ال 150 الف كم ..(لاحظ .. فيه مواتر بي ام عدت ال 300 الف كم علي العداد و لسه ماتعمرتش ... المكنه دي الوحيدع بقي اللي مش بتعيش) ...
لو بتتكلم في عربيه موديل اعلي من 1995 يبقي انت في السليم حيث ان نزل فيها الموتور الاحدث ...


بتأكل كامات يعنى بتستهلك تغيير كامات كثير و هذا ليس عيبا, و لا يحدث بين يوم و ليلة و لكن حسب القياده! و ليس المقصود السرعة و الجرى و لكن الأمريكانى و الدريفتات! و هذا إذا كانت كثيرة يعنى مش بحد معقول! بالنسبة لمعرفة إذا كان هناك عيب بالكامات أو لأ ده صعب من الظاهر لازم يتم فتح غطاء المحرك و النظر لمعرفة إذا كان هناك عيب بالكامة ولا لأ! هناك طريقة لمعرفة إذا كان هناك عيب و هى الضغط على دواسة البنزين الى الأخر و الثبات على هذا الوضع لمده لا تزيد عن 5 ثوان ثم سماع صوت المحرك إذا سمعت صوت مثل ن ن ن ن ن ن ن ن ن ن ن ن ن عندما يكون ال rpm على الأخر فهذا المحرك بحالة جيدة و إذا لم تسمع هذا الصوت ووجدت المحرك له صوت ثابت و ليس هناك تقسيمه للمحرك تعرف إن هناك و احد من ثلاثة عيوب و ربما عيبان فقط أو عيب واحد على الأقل
1- بلوف المحرك غير سليمة ( ثمنها 600 نوع ب جنية و نوع ب 800 جنية )
2- كامات المحرك
3- شواكيش المحرك

قد يكونوا الثلاث عيوب موجودين معا أو عيبان إثنان فقط أو على الأقل عيب واحد!
المحرك ال M40 من عيوبه إنه يسخن بسرعه و لذلك فهو يستهلك كامات كثير و لكن لا تشغل بالك فهناك من يشترى السيارة و تظل معه بال 5 سنين و يمكن اكثر دون حدوث مشاكل للمحرك!


[منقول من مشاركات الاعضاء للافاده]

اولاً : خلي بالك ان 90% من الكوبيه في مصر نصين
العربية الكوبيه جميلة و لو لقيت واحدة مش نصين هتعمل :
من 91 الي 95 ------- 85000 الي 90000
من 95 الي 98 ------- 110000 الي 120000

صدقني النصين مشكلة كبيرة لو عملت حدثة لا قدر الله او لبست مطب علي سرعة .

موضوع المواتير فا انا مع شريف في كل اللي قاله لكن في طرق لحماية المكنة ال m40 و هي
- تغير الزيت كل شهرين دون الانتظار لعداد الكيلو مع فلتر
- تنضيف البوابة كل 20 الف كيلو
- تنضيف المنافول كل 50000 الف كيلو

شوف العربية اللي عجباك و انا ممكن افيدك او حتي اقولك تروح لمين يكشفلك عليها
كلمني لو احتجت حاجة 01000240620

ahmed50020 : لو انت متمسك بموضوع الكوبيه ده اوى يبقى العربية دى مواصفتها حلوه بس خدها ب 85000 او 90000 كويس زى م شيكو بيقول و اتأكد انها مش نصين

لكن لو مش متمسك بالكوبيه ... ممكن تجيب سيدان و تظبطها بالمبلغ ده هتبقى خرافه و هتبقا عمليه اكتر

لو جبتها و سقط موتور...هتحتاج تغير سيستم كامل موتور بحاجته و عفشة 6 سلندر بالكورونه هتتكلف من 8000 الى 10000

رأيى : هات سيدان 2000 cc سواء اوريجنال او متعدله موديل 1997 و ظبتها بباقى الفلوس اللى معاك هتكون معاك عربية اكتر من رائعه و عملية جدا و فى نفس الوقت وفرت فلوس كتير و ضريبتها قريبة من ال1600

و هاتها جاهزه احسن و متوجعش دماغك بالتسقيط علشان فعلا و جع دماغ و مصاريف و مش مضمون 100 فى 100


sheko_2000eg : شيكو كلامك جميل بس برضوا احنا شباب و مش ملتزمين اوى اننا نغير زيوت و نحافظ على العربية اوى كدا...و قت لما الواحد يشد مع حد و لا يسخن شوية بيدوس بنزين و مبيبصش لموتور ولا كامات ولا rpm ولا غيرة و النتيجة الموتور بتاعى شغال ب 2 سلندر بس :)