هام: تحذيرات مختلفة من ظواهر أجرامية منتشرة اليومين دول

السلام عليكم

الحمد لله الذى عافانا مما أبتلى به كثيراً من الناس

وصلى مؤخراً خبر من مصدرين مختلفين ليس لهم علاقة ببعض

الخبر ملخصه أن تم خطف طفلين ( 5 سنيين + 9 شهور ) من داخل ستى ستارز

الأم كانت ماشية مع أطفالها و أثناء أنشغالها بالفرجة على المحلات لم تلاحظ أختفاء الطفل الكبير
بعد لما أخدت بالها ابتدت تدور عليه بس وجود رضيع معاها منعها من التحرك بحرية
جاتلها واحدة وقالتلها خللى الرضيع معايا على ما تشوفى أخوه و على ما يبدو كده أن الأم لم تفكر مطلقاً وتركت الرضيع للبحث عن الكبير
و طبعاً مالقيتش الكبير ولما رجعت مالقيتش الست التانية والرضيع

الخبر ده جالى من ضابط كان موجود فى القسم ساعة البلاغ و جالى مرة كمان عن طريق زوجة صديق لا تمت للضابط بصلة

الحاجتين التانين

1- فى العاشرة مساءً من كام يوم استضافوا ربة منزل ساكنة فى الرحاب و هى فى طريقها لبوابة الرحاب 1 وجدت طوب محطوط بعرض الطريق بطريقة لا تسمح غير بمرور عربية واحدة
الست هدت جداً عشان متخبطش فى الطوب و فجأة طلع شباب احاطوا بالعربية من كل ناحية و الست لم تدرى بنفسها الا وهى بتدوس بنزين على الأخر وبتهرب منهم و طبعاً مسابهواش تهرب من غير خساير فحدفو العربية بالطوب وكسرو الزجاج الخلفى والفوانيس

2- واحد صاحبى أخت مراته ساكنة فى التجمع
وهى ماشية بعربيتها من عند البيت لقت تاكسى متابعها ولما بعدت شوية بدأ يزنق عليها علشان يوقفها المهم فضلت ماشية بالعافية لحد لما وصلت للكمين اللى على أول شارع التسعين و كان التاكسى خلع طبعاً


اللهم أسترها معانا يا رب

لا حول ولا قوة الا بالله

ربنا يسترها معانا

فعلا الحوادث و السرقات كترت اوى اليومين دول !

دى مش حوادث .........دى كوارث

بس الحاجات دى قديمة و بتحصل من زمان كل يوم ايه الجديد ؟؟!!!!!!!!!!

نصيحة : متلبسوش اولادكم حاجات غالية ( دهب ) حتي لو خارجين معاهم .. لأن ساعات و في غفلة منك اللص ممكن يخطف الطفل عشان الحلق ولا السلسلة دي

و حسبي الله و نعم الوكيل في اللي بيحصل

اقتباس:

---

المشاركة الأصلية كتبت بواسطة fahd_628

لا حول ولا قوة الا بالله

ربنا يسترها معانا

فعلا الحوادث و السرقات كترت اوى اليومين دول !

---

ربنا يسترها معانا

اقتباس:

---

المشاركة الأصلية كتبت بواسطة solycar

دى مش حوادث .........دى كوارث

بس الحاجات دى قديمة و بتحصل من زمان كل يوم ايه الجديد ؟؟!!!!!!!!!!

---

الجديد أن الخطف مبقاش فى أماكن نائية لأ, ده بقى فى أماكن زحمة يعنى الخوف اللى كان بيبقى موجود عند الناس دى بقى شبه منعدم يعنى بقوا مستبيعين

انا خلاص حارجع من كتر القذارة و الارف اللى البلد بقت فيه

بتتلكموا عن مصر ولا شيكاغو ؟

اقتباس:

---

المشاركة الأصلية كتبت بواسطة zakiali

بتتلكموا عن مصر ولا شيكاغو ؟

---

و الله يا باشا مصر .. انا هحكيلك عن موقف يقف له شعر الراس !

وده حصل لناس معرفة ( واحد صاحب والدي )

الراجل ده مراته كان واخدة بنتهم الصغيرة (حوالي 3 سنين) و بتصلي في الجامع في الركن المخصص للنساء .. و هما قاعدين في الجامع الدنيا كانت حر فا كانوا عايزين يولعوا المراوح .. فا مكنش ينفع ست تعدي تخش منطقة الرجالة و تولع المروحة بنفسها .. فا بعتوا البنت الصغيرة و قالولها قولي لأي حد يولع المراوح .. قامت البنت اول ما دخلت واحد شافها كان طالع من الحمام .. لقي الحمام فاضي قام خد البنت و كتم نفسها و قلعها الحلق و السلسلة اللي كانت لابساهم .. بعد كدة البنت طلعت صريخ و عياط اول ما ساب بقها عشان يجري .. الستات اتخضوا و بصوا لقوا الراجل ده بيجري و البنت متعورة في ودانها لانه شد الحلق بالعافية و قاعدة بتعيط .. و للأسف الراجل جري و محدش لحقه و اتلخموا في البنت لا يكون عمل فيها حاجة

ايه رأيك .. في مصر .. و في عز الظهر و الزحام .. و جوة جامع كمان!!! حسبي الله و نعم الوكيل

لا حول و لا قوة الا بالله ..
ربنا يرحمنا برحمته .. و يعيذنا من كل سوء ..
عايز برضه انبهكم...

سواء كنتم لوحدكم او معاكم حد في العربية .. اقفلوا السنتر .. و خلوا الازاز لو مفتوح يكون نص علي الاقل .. دلوقتي بيفتحوا الباب و يخشوا العربية علطول و يثبت الركاب بسلاح .. و يقلب كل حاجة في العربية ...

ربنا يبعد عنا ولاد الحرام :(

تصدقوا بالله

انا بقيت اتخنق ادخل على المنتدى من كتر المواضيع المقرفة اللى تخنق و تحرق الدم

من سرقة الى ضرائب الى كوارث الى فساد الى الى الى ...................

مفيش اى حاجة تدعو الى التفاؤل

كلها حاجات نكد

و بردو مش قادر اقولكوا خفوا منها شوية لانها موجودة فعلا
يلا

ربنا يصبرنا على ما بلانا

اقتباس:

---

المشاركة الأصلية كتبت بواسطة solycar

تصدقوا بالله

انا بقيت اتخنق ادخل على المنتدى من كتر المواضيع المقرفة اللى تخنق و تحرق الدم

من سرقة الى ضرائب الى كوارث الى فساد الى الى الى ...................

مفيش اى حاجة تدعو الى التفاؤل

كلها حاجات نكد

و بردو مش قادر اقولكوا خفوا منها شوية لانها موجودة فعلا
يلا

ربنا يصبرنا على ما بلانا

---

لا داعى للخنقة ولا حاجة ريح نفسك ولا تدخل 000 لان هذه الامور مهمة فى حياتنا جميعاً وتعطى انذار للجميع وليس لفئة معينة ، ولكن الرجاء فى اى حكاية او قصة تحكى بالمنتدى ان يكون راويها وكاتبها غير مبالغ فى قصتة لان هناك اناس تتوهم وتخاف بصدق من هذه القصص
ولكن العيب اصبح فى الجانب الشرطى فى مصر وهوعدم الاهتمام بالجانب الجنائى ، والذى توارى بجانب الناحية السياسية ! واتمنى من الناس جميعاً ان تعود اليهم الشهامة والمروءة ولا يتفرج على مصيبة غيرهم ويقف مكتوف الايدى ( ويقول وانا مالى ) بالله عليكم هل هذا هو شعب مصر المعطاء الذى يمتلء بالشهامة والرجولة

معلش يا سولى ده تحذير لا بد منه

يعنى أحنا ممكن نقلل من الكلام على الفساد أو الحوادث أو أو أو لأنهم فى الأخر مش هيمنعوا ضرر بس تحذير من حاجة زى دى ممكن يمنع ضرر

ربنا يسترها معانا يا رب

لا حول و لا قوة الا بالله ..
ربنا يرحمنا برحمته .. و يعيذنا من كل سوء

بالعكس يا جماعة فعلاً المنتدى الاجتماعى دة اهم دور لية انة بيعرفنا اللى بيحصل
لاننا صعب اننا نتابع كل الاخبار اللى ماتسرش دى واحنا على المنتدى

الف شكر على الخبر يا احمد و على التنبية

اقتباس:

---

المشاركة الأصلية كتبت بواسطة SEATLOVER

لا حول و لا قوة الا بالله ..
ربنا يرحمنا برحمته .. و يعيذنا من كل سوء

بالعكس يا جماعة فعلاً المنتدى الاجتماعى دة اهم دور لية انة بيعرفنا اللى بيحصل
لاننا صعب اننا نتابع كل الاخبار اللى ماتسرش دى واحنا على المنتدى

الف شكر على الخبر يا احمد و على التنبية

---

العفو يا عمر
أنا معملتش حاجة

لا حول ولا قوة الا بالله.
زمان مش زمان اوي يعني كنت لما اسمع عن الحاجات دي مرتين تلاته كل كام شهر اقول يا رب ارحمنا وكنت اتهكم واسخر واقول هو احنا في شيكاغو ولا ايه !! الكلام ده بره لكن جوه مافيش الكلام ده احنا في بلد الامن والامان.

مابقتش اقول الكلمتين دول بعد ما بقيت اسمع عن الحاجات دي مرتين تلاته كل يوم مش كل كام شهر وبقيت حاسس ان الجماعه اللي في شيكاغو دول هايقولوا يا عم انت فاكرنا في مصر القتيل يتقتل والناس ماشيه عادي !! مش عاوز اكون متشائم اوي لكن والله انا في حاله نفسيه زي الزفت ومن يومين حصللي موقف هاحكي عليه كنت ناوي اسكت عشان ماخاوفش الناس لكن طالما الموضوع كده هاقول ...اول امبارح كنت راجع من مشوار بعيد شويه على 10 بالليل وقلت اريح شويه من السواقه المهم كنت في شارع المرغني قلت ادخل ناحية الشارع بتاع كلية البنات واريح شويه واهو لا شارع في مكان نائي ولا مقطوع ولا اي حاجه المهم فضلت 5 دقايق كده سرحان شويه بس لفت انتباهي اتنين على بعد امتار من عربيتي بيبصولي اوي ونظراتهم مريبه فانا قلت اخلي زجاج العربيه تلته مفتوح كفايه واتأكدت ان السنتر مقفول وقلت اجمد قلبي واشوف انا ليه قلقان وايه ممكن يحصل وفضلت اقرأ قرآن لغاية ما تأكدت ان هايحصل حاجه من الشباب دي فضلوا يلفوا حوالين العربيه مرتين تلاته قلت بلاش تلت الزجاج المفتوح ده كمان اقفله ونشوف وتعمدت والعيال دي قريبه من العربيه اعمل اني باتكلم في التليفون واعلي صوتي قال يعني باكلم النجده وقصدت اسمعهم ( يا فندم في في شارع كذا كذا شباب شكلهم مريب ومش عارف اعمل ايه ) تخيلت انهم هيخافوا مثلاً لكن مافيش وعي تقريباً المهم بعدوا شويه ولقيت واحد جاي من باب اليمين ورا وبيفتحه مافتحش وانا طبعاً مش عارف اعمل ايه هانزل من العربيه ولا اعمل ايه اختفوا على طول اول ما باب العربيه ما فتحش وانا مستحملتش ومشيت اصلاً .

الخلاصه مش قصدي احكي حكايه ونقول حسبنا الله ونعم الوكيل وبس ...تعالوا نساعد بعض احنا اكيد خبراتنا متفاوته واعمارنا متفاوته برضه وثقافاتنا صحيح كلنا مصريين وقريبين لبعض في الطباع لكن اكيد مننا اتعرض لمواقف علمته حاجه وهكذا.

موقف زي ده مفروض نعمل ايه فيه ؟ هل نجري ولا ننزل من العربيه والله اعلم بقى ناخدلنا ضربه بمطوه ولا اي حاجه ويتاخد اللي معانا ؟ ولا نكلم النجده ومفروض نقول ايه ؟ والنجده دي هاتنجدنا ولا مش هيردوا علينا اصلاً ولا ايه بالظبط ؟ طب احنا في عربيات وممكن نقفل على نفسنا ونطلع نجري ...........اللي ماشي على رجله ده مفروض يعمل ايه ؟ الناس بقت سلبيه بطريقه غريبه وصدقوني والله انا نفسي كمان حسيت ان صابني مرض التبلد ده في حاجات كتير من سنين كنت بانفعل لما بتحصل قدامي دلوقتي بقى عادي وحالي حال الناس كلها مفروض نعمل ايه والله ما عارف انا بجد مخنوق جداً ومش عارف اعمل ايه ولا افكر ازاي الحاجه الوحيده اللي كانت مصبراني على السيرك اللي عايشين فيه ده هو الامن اللي عايشين فيه هل ممكن نرجع الامان ده زي زمان ؟ هل ممكن طيب نحس بيه تاني ؟ وهل دي مشكلتنا احنا ولا مشكله حكومه وداخليه ؟ على فكره من اسبوعين تلاته كان في مشاكل في مدينة نصر وكانت اللجان والكماين للتفتيش كل شبر في عباس العقاد ومكرم عبيد ومصطفى النحاس......يعني تواجد امني موجود ايه المشكله ؟ صحيح كان مكثف لوجود مشكله الله اعلم بيها لكن اه موجود المشكله فين بقى ؟ انا حاسس اني بعد شويه هاحبس اهل بيتي والله العظيم وانا بس اللي هانزل بس وبعدين مش في اشغال ....بناتنا يروحوا فين امهاتنا واخواتنا هانعمل فيهم ايه ؟ مفروض نسلح كل واحده منهم ببازوكه مثلاً . عارفين انا جربت بس افهم والدتي انها تمشي بي صاعق كهربائي او حتى سيلف ديفينسر جالها صرع وقالتلي ايه يابني ده !! هو انا ماشيه في الشارع لوحدي الناس كتير حواليا .........المشكله ان الناس بقت موجوده ومش موجوده والله ايه اللي حاصللللللللللللللللللل ؟

انا آسف على انفعالي بس بجد انا في حاله نفسيه صعبه جداً وموضوع احمد ده خلاني انفجر وبصراحه ماليش مكان تاني اتكلم فيه واشكي حالتي النفسيه دي. جزاكم الله خير وربنا يبارك فيك يا احمد على الموضوع ويجعله في ميزان حسناتك ان شاء الله ويحفظك انت واهلك وكلنا اجمع ان شاء الله.

يا ساتر !!!

يا رب ارحمنا

إذا ضاقت الدنيا بك .. فصرت جائعاً .. خائفاً من الغد .. لا تجد مكاناً يؤويك ، ولا عمل ، ولا ضمير ، ولا تشعر بآدميتك .. فطبيعي أن تكون واحداً من ثلاث :
1. تحاول أن تصلح حال البلد بالتغيير السياسي .. ولأن منافذ التغيير السلمي تقريباً مغلقة وسكتها طويلة .. فلن تجد أمامك إلا التغيير القسري يعني تبقى إرهابي ، ووقتها هتلاقي الداخلية والحكومة كلها فوق دماغك .. وتموت بلا دية أو تروح ورا الشمس .

2. تحاول أن تحصل على حقك مستخدماً ذات الأساليب التي تعاني منها .. فتسرق وتنهب وتبلطج فتخيف الناس حتى تطمئن ، وتجوع الناس حتى تشبع ، وتاخذ ثمرة عمل الناس وشقاهم لأنك لا تعمل ، وتشعر بذاتك وأنت ترى أكابر الناس يستعطفونك أو يسلموك كل ما تريد والخوف في أعينهم فتحقق لذاتك ما تتمناه ، وتشبع غريزة التشفي والانتقام .. فتصير مجرماً في بلد لم تعد تتصدى للمجرمين من هذا النوع وتفرغت لمكافحة النوع الأول .

3. إنك (سوري يعني ) تتنيل على عينك .. وتقعد تتفرج ، وتنأى بنفسك عن الدخول في أي مشاكل أياً كان نوعها ، وتمشي جنب الحيط ، وتختفي منك قيم الشهامة والمروءة ونصرة الضعيف ، فتصير سلبياً وتقول دائماً : " أنا مش معاهم " .. وحين تختار النوع الثالث كما اخترناه جميعاً فلا يحق لك الشكوى ولا تنتظر لأبناءك مستقبل أفضل .. ووطن أجمل ..

تقبلوا خالص مودتي

اقتباس:

---

المشاركة الأصلية كتبت بواسطة محمد المشد

لا داعى للخنقة ولا حاجة ريح نفسك ولا تدخل 000 لان هذه الامور مهمة فى حياتنا جميعاً وتعطى انذار للجميع وليس لفئة معينة ، ولكن الرجاء فى اى حكاية او قصة تحكى بالمنتدى ان يكون راويها وكاتبها غير مبالغ فى قصتة لان هناك اناس تتوهم وتخاف بصدق من هذه القصص
ولكن العيب اصبح فى الجانب الشرطى فى مصر وهوعدم الاهتمام بالجانب الجنائى ، والذى توارى بجانب الناحية السياسية ! واتمنى من الناس جميعاً ان تعود اليهم الشهامة والمروءة ولا يتفرج على مصيبة غيرهم ويقف مكتوف الايدى ( ويقول وانا مالى ) بالله عليكم هل هذا هو شعب مصر المعطاء الذى يمتلء بالشهامة والرجولة

---

الشرطة في مصر هدفها الحالي تأمين المواكب وفرض الإتاوات على سائقي المركبات بجميع فئاتها، وهي أهداف سامية أسمى من أن يعرض جناب أمين الشرطة نفسه للخطر من أجل مواطن لن يطال من ورائه أبيض أو أسود !!

بالنسبة لأخينا رامي طنطاوي الذي يسأل عن الاتصال بالنجدة، من كام سنة حدث أن انهارت إحدى العمارات فقام أحد السكان الناجين (والعمارة متطربقة فوق دماغه) بالاتصال برقم الطوارئ لطلب النجدة فأجابه عامل السويتش "انت بتتصل من محمول، كلمنا من رقم أرضي عشان نقدر نبعت النجدة" !! الموضوع ده أكيد بسبب استظراف المصريين اللي عملوا رقم الطوارئ لعبة يدوشوا بيها الشرطة قامت الشرطة استنصحت وجعلت رقم الطوارئ للتليفون الأرضي وانشالله اللي واقع في ورطة بجد يولع.. ماحدش يقدر يضحك ع الحكومة!!
أنا ماعرفش الوضع دلوقتي إيه بس احنا اتعودنا إن الأوضاع تسير للأسوأ

أنا رأيي يخصخصوا الشرطة، بحيث يكون لكل منطقة فريق تأمين تتولاه شركة خاصة مقابل أجر من المواطنين (ودي تطوير لفكرة الفتوة الذي يقوم بحماية الحارة مقابل إتاوة)

الشرطة في خدمة ( 0000000000000000000000000)
http://www.postimage.org/aVeTGzJ.jpg

اقتباس:

---

المشاركة الأصلية كتبت بواسطة Ahmed A.Maksoud

معلش يا سولى ده تحذير لا بد منه

يعنى أحنا ممكن نقلل من الكلام على الفساد أو الحوادث أو أو أو لأنهم فى الأخر مش هيمنعوا ضرر بس تحذير من حاجة زى دى ممكن يمنع ضرر

ربنا يسترها معانا يا رب

---

اكيد طبعا
وانت جزاك الله خيرا على التنبيه

بس بجد الموضوع بقى صعب اوى

الواحد ينزل الصبح على حادثة

ويقرا خبر مهبب فى الجرنال

ويستلم المشاكل اليومية بدون توقف

ويجى على المنتدى يلاقى حاجات زى العثل:)وعاوز الواحد ميتخنقش:confused4:

الحوادث دى موجودة من زمان، بس كترت علشان الناس كترت، و اتعرفت علشان الجرايد و القنوات الفضائية كترت قوى.

الأنسان اول ما قتل، قتل اخوه، بس للأسف من ساعتها ناس كتير بتسمى أولادها "قابيل" و محدش بيسمى "هابيل"

اقتباس:

---

المشاركة الأصلية كتبت بواسطة Ahmed A.Maksoud

وصلى مؤخراً خبر من مصدرين مختلفين ليس لهم علاقة ببعض

---

لك جزيل الشكر على الخبر.

اللهم يا أرحم الراحمين
أرحم عبادك المقصرين.



.

طيب احنا عندنا مدينه صغيره فى الدقهليه اسمها منيه النصر فى خلال اسبوع واحد اتخطف منها ثلاثه بنات فى ثالثه اعدادى واولى وثانيه ثانوى و واحده منهم بس هيا اللى لقوها مغمى عليها فيييين .... فى شبرا والاتنين التانيين لم يظهر لهم اثر حتى الان ..
للاسف الغابه اللى احنا فيها تزداد توحشا كل يوم ومفيش صياد يعرف يصطاد الوحوش دى علشان الصياد مشغول بمهمه تانيه وهى تأمين قصر ملك الغابه