ادوات تغذيه لانوس للبيع

**amr_adel00** · 12-05-2012 11:39 PM

المشاركة الأصلية كتبت بواسطة islambana

انا ممكن اشتري الكومبريسور ب250 جنيه لو حضرتك موافق بس بشرط يكون كان شغال قبل ماحضرتك تفكه من الموتور

هو الكومبريسور بكام لو جيبته من بره طيب عشان تقولى 250 جنيه ؟؟
اكيد يا باشا لو مكانش شغال مكونتش هعرضه للبيع ولا انت شايف ان الغش و الفهلوه دى بقت حاجه طبيعيه ؟؟

**amr_adel00** · 12-05-2012 11:48 PM

المشاركة الأصلية كتبت بواسطة lanos_power

يا ترى الاقى عند حد حساس تى بى اس زياده لان اخوكوا تعب منو

ممكن تقولى طيب ايه اللى بيحصل عندك علشان تقول ان التى بى اس بايز ؟؟
لان انا فى حد قالى بردوه ان التى بى اس بايز عندى وشكرا

**islambana** · 13-05-2012 12:08 AM

المشاركة الأصلية كتبت بواسطة amr_adel00

هو الكومبريسور بكام لو جيبته من بره طيب عشان تقولى 250 جنيه ؟؟
اكيد يا باشا لو مكانش شغال مكونتش هعرضه للبيع ولا انت شايف ان الغش و الفهلوه دى بقت حاجه طبيعيه ؟؟

اولا:الكومبريسور بتاع حضرتك بيسموه خلع
ثانيا:الكومبريسور الاستيراد نمره واحد بتفكه من مكنه ب500 جنيه
ثالثا:فيه ناس بتبيع الكومبريسور وهو مثلا محتاج طقم اصلاح وغيره
رابعا :انا مش شايف الغش والفهلوه حاجه طبيعيه بس شايف ان من الطبيعي لما اشتري حاجه اسأل علي حالتها كويس

**lanos_power** · 13-05-2012 06:21 PM

المشاركة الأصلية كتبت بواسطة amr_adel00

ممكن تقولى طيب ايه اللى بيحصل عندك علشان تقول ان التى بى اس بايز ؟؟
لان انا فى حد قالى بردوه ان التى بى اس بايز عندى وشكرا

العربيه و انا بنقل و انا ماشى العربيه بلاقي الموتور عالى جدا و الار بى ام متعلق على واحد و نص و مش بينزل غير لما اقف خالص لمده ثانيتين او تلت ثوانى و لو جيت انقل و فضلت دايس دبرياج بلاقى الار بى ام بيفضل متعلق على واحد و نص و الموتور بيبقى عالى حتى لو مورت بيفضل برضه الموتور عالى

**ehabomar1987** · 13-05-2012 07:07 PM

انا كمان عندى مشكله حساس ال t p s بس هو مفيش منه جديد ولا كله استيراد

**lanos_power** · 13-05-2012 09:39 PM

المشاركة الأصلية كتبت بواسطة ehabomar1987

انا كمان عندى مشكله حساس ال t p s بس هو مفيش منه جديد ولا كله استيراد

فى جديد و فى استيراد على فكره

**kwasfy** · 14-05-2012 05:18 PM

عندي تابلوة لانوس 1 كامل للبيع لو حد عايزه كامل بعداداته و ضفيرته بس انا مش عارف سعره كام ..

**amr_adel00** · 15-05-2012 11:40 PM

المشاركة الأصلية كتبت بواسطة islambana

اولا:الكومبريسور بتاع حضرتك بيسموه خلع
ثانيا:الكومبريسور الاستيراد نمره واحد بتفكه من مكنه ب500 جنيه
ثالثا:فيه ناس بتبيع الكومبريسور وهو مثلا محتاج طقم اصلاح وغيره
رابعا :انا مش شايف الغش والفهلوه حاجه طبيعيه بس شايف ان من الطبيعي لما اشتري حاجه اسأل علي حالتها كويس

اولا:الكومبريسور بتاعى مش خلع لانه مش من الحاجات اللى مرميه على الارض.
ثانيا: الكومبريسور مفكوك من على المكنه اللى كنت ماشى بيها.
ثالثا: اى كومبريسور بتاع دايو لما بيتفك بيبقى محتاج 2 o ring وده بيسموه طقم اصلاح.
رابعا: من حقك تسأل عن الحاله طبعا.. لكن انت كنت يتشترط عليا انه يكون اصلا شغال.
خامسا: الكومبريسور نهائى ان شاء الله 400 جنيه..

**amr_adel00** · 15-05-2012 11:45 PM

المشاركة الأصلية كتبت بواسطة lanos_power

العربيه و انا بنقل و انا ماشى العربيه بلاقي الموتور عالى جدا و الار بى ام متعلق على واحد و نص و مش بينزل غير لما اقف خالص لمده ثانيتين او تلت ثوانى و لو جيت انقل و فضلت دايس دبرياج بلاقى الار بى ام بيفضل متعلق على واحد و نص و الموتور بيبقى عالى حتى لو مورت بيفضل برضه الموتور عالى

1-الكلام ده سواء العربيه بارده او سخنه ؟؟
2-بيحصل معاك ان ساعات تلاقى الار بى ام عمال يتحرك طالع و نازل بس تحت شرطة الواحد ؟؟

**lanos_power** · 16-05-2012 03:07 AM

المشاركة الأصلية كتبت بواسطة amr_adel00

1-الكلام ده سواء العربيه بارده او سخنه ؟؟
2-بيحصل معاك ان ساعات تلاقى الار بى ام عمال يتحرك طالع و نازل بس تحت شرطة الواحد ؟؟

الكلام دا فى الحالتين بس الطبيعى بتاعى انى مش بطلع الا لما تسخن او على الاقل تكون وصلت لنص الحراره الطبيعيه بتاعتها
اما موضوع انه بيتحرك تحت و فوق و هو تحت الواحد فدى مش بتحصل