كيفية الحصول على شهادة جامعية من الخارج ؟؟؟

**Ahmed_Gadalah** · 11-05-2012 04:28 PM

السلام عليكم ورحمة الله وبركاته ,
انا بستفسر عن طريقة الحصول على ماجستير او اى شهادة دراسات عليا من الجامعات الاوروبية او الامريكية , ديما من ايام الجامعة و الواحد بيسمع الكتور فلان معاه ماجستير من جامعة كذا فى دولة كذا وغيره كتير.
ياريت لو حد من الأعضاء عنده خلفية يفيدنى

**Ahmed_Gadalah** · 12-05-2012 05:13 PM

40 مشاهدة ومفيش ولا رد واحد !!!!!

**MASERATI** · 12-05-2012 05:29 PM

السلام عليكم و رحمة الله و بركاته

الموضوع بكل بساطة, انك بتراسل القسم اللى أنت عاوز تاخد فيه ماجستير و لا دكتوراة فى الكليات اللى فى الجامعات اللى أنت عاوز تاخد منها الشهادة.

الموضوع فيه عوامل كتير بتتحكم فيها:

أن الدراسة بتبقى بمصاريف طبعا و العيشة فى البلاد دى بتحتاج مصاريف كتير, فحاجة من اتنين, يا اما ربنا يوفقك أوى أوى و تلاقى حاجة زى منحة, أنك تروح تدرس و تعمل الأبحاث اللى أنت هتعملها و تاخد مرتب آخر كل شهر عشان مصاريف المعيشة, يا اما يقولولك أهلا و سهلا, تعالى و كل حاجة و كل المصاريف عليك.

الحاجة التانية, أنهم بيبقوا عاوزين حد أدنى من الدرجات اللى أنت جبتها لما اتخرجت, يعنى مثلا ممكن يكونوا مابيقبلوش أقل من 75% مثلا أو كده.

الحاجة التالتة, هى اللغة ودى بيطلبوا غالبا يا اما تويفل يا اما أيلتس و الدرجة بتاعت ده أو ده, ماتقلش عن حد معين.

الحاجة الرابعة, أنك ربنا ييسرلك الأحوال و السفارة بتاع البلد اللى أنت مسافرلها, مايعصلجوش معاك و يدوك التأشيرة من غير قرف كتير.

بص, الموضوع مش هييجى فى يوم و ليلة, أهم حاااااااااااااجة أنك تدخل عالنت و تدور كويس فى الجامعات اللى أنت عاوز تروحلها و تشوف شروطهم ايه و تستوفيها و ربنا ييسر الأحوال و مهما الموضوع طول, لا تيأس على الاطلاااااااااق.

ربنا يوفقك ان شاء الله.

**blazer** · 12-05-2012 08:54 PM

بدور فى الموضوع دا من شهر
بس كل الى بلاقيه بيبقى انك تدفع جزء والجزء دا بيبقى بالنسبه لى كتيييير :]
يعنى مثلا 1000 يورو فى الشهر !

**MASERATI** · 13-05-2012 01:34 AM

المشاركة الأصلية كتبت بواسطة blazer

بدور فى الموضوع دا من شهر
بس كل الى بلاقيه بيبقى انك تدفع جزء والجزء دا بيبقى بالنسبه لى كتيييير :]
يعنى مثلا 1000 يورو فى الشهر !

السلام عليكم و رحمة الله و بركاته

هو سيادتك خريج ايه ؟؟؟

**Ahmed_Gadalah** · 13-05-2012 11:06 AM

شكرا على الإهتمام

**blazer** · 13-05-2012 11:59 PM

المشاركة الأصلية كتبت بواسطة maserati

السلام عليكم و رحمة الله و بركاته

هو سيادتك خريج ايه ؟؟؟

كلية فنون تطبيقية
بس اشمعنى :d

**MASERATI** · 14-05-2012 02:22 AM

السلام عليكم و رحمة الله و بركاته

أنا مش عارف الفنون التطبيقية بالانجليزى اسمها ايه, بس, اللى أنا أقدر أقولهولك, أن على شهر يونيو الجاى, هينزل لستة الوظايف الجديدة بتاع هجرة كندا للسنة (12 شهر) من 6-2012 الى 6-2013, و دى ممكن تبقى تلقى عليها نظرة و تشوف لو كان فيها وظيفة تقدر تقدم تبعها و تجيب شهادات خبرة بيها.

ممكن تبقى تشوف لستة الوظايف اللى هتظهر فى 6-2012 فى اللينك ده:

Eligibility criteria for federal skilled worker applications as of July 1, 2011

**Ahmed_Gadalah** · 15-05-2012 01:55 AM

المشاركة الأصلية كتبت بواسطة maserati

السلام عليكم و رحمة الله و بركاته

أنا مش عارف الفنون التطبيقية بالانجليزى اسمها ايه, بس, اللى أنا أقدر أقولهولك, أن على شهر يونيو الجاى, هينزل لستة الوظايف الجديدة بتاع هجرة كندا للسنة (12 شهر) من 6-2012 الى 6-2013, و دى ممكن تبقى تلقى عليها نظرة و تشوف لو كان فيها وظيفة تقدر تقدم تبعها و تجيب شهادات خبرة بيها.

ممكن تبقى تشوف لستة الوظايف اللى هتظهر فى 6-2012 فى اللينك ده:

eligibility criteria for federal skilled worker applications as of july 1, 2011

شكرا ياباشا عالإهتمام , بس مفيش الا كندا ؟؟