بارك الله فيكم جميعا وحفظكم ... وجزاكم الله خيرا
عرض للطباعة
الف مبروك :)
اختيار موفق بأذن الله .
والف مبروك وفعلا هتحس اكتر بالعربيه فى السفر. و بالنسبه للانذار انا موش مقتنع بيه الى حد ما .
الله يبارك فيك ويحفظك
بس الإنذار كمعدل أمان أنا شايف إن مستواه ممتاز لإنه مرتبط بسيستم العربية ارتباط لا يقبل التجزئة ويعتبر جزء من الضفيرة بتاعتها وجزء من برمجة الكونترول يونت بتاعتها ... غير أي إنذار تاني خارجي ممكن تركبه
هو بس في حتة في البرمجة بتاعته أنا مش فاهمها ومش مشروحة بالتفصيل في الكتالوج للأسف يا إما بقى فيه عيب عندي ... مش فاهم إزاي يقفل العربية وفيه باب مفتوح أو الشنطة مين غير ما يعمل فضيحة .. من سكات كده !! ...
طيب إيه رأيك في النقطة بتاعة زرار الهواء الخارجي ... هل كل مرة بتشغل العربية فيها لازم تدوس عليه عشان تقفل دخول الهواء الخارجي
جرب تقف جنب العربية
اضغط ضغط مستمر من المفتاح علي زرار القفل ، حاول كذا مرة لحد ما تسمع صوت
لما تسمع صوت يبقي انت لغيت السيلنت
جرب بعدها تقفل باب نص قفلة وشغل الانذار (تشغل الانذار يعني تقفل العربية من الزرار اللي في المفتاح)
هتلاقي صوت مع القفل ،
الغي الانذار(يعني افتح الابواب تاني من زرار المفتاح) ، واقفل الباب كويس
وشغل الانذار ، مش هتلاقي صوت طلع مع القفل
==
بالنسبة للشنطة مجربتش في الحقيقة بس هبقي آخد بالي هل دة بيشتغل عليها بردو ولا لاءة .
==
الصفارة اللى العضو الفاضل بيقول عليها بتطلع عندي فقط لو سايب النور او سايب المفتاح فيها والباب مفتوح
نزلت جربت دلوقتي ... ولكن مافيش أي فرق ... عموما هي العربية بتعمل الصوت العادي بتاع القفل صوت صغير كدة لمدة نصف ثانية ... والصوت ده ساعات يطلع وهية مقفولة كويس وساعات لأ ... وبرضه ساعات يطلع وهية مش مقفولة كويس وساعات لأ ... يعني مالوش قاعدة محددة واضحة لسة ...
عموما هو الموضوع هياخد وقت لسة لغاية ما أفهم الليلة دي ... واحدة واحدة أعتقد هابتدي أشعر بالعربية أكتر
الف شكر ياباشا وجزاك الله خيرا
ألف مبروووووك
على كرة الكلام تقريبا فعلا طلع زي ما حضرتك بتقول .. لو في باب مفتوح أو حتى الشنطة وقفلت العربية .. بتعمل تيت سريعة ... ولو كل حاجة مقفولة تمام بتقفل من غير صوت خالص ... بقالي من الصبح مركز مع الموضوع ده وكل شوية أفتح وأقفل زي العيل اللى فرحان بالريموت :Copy of m-s5: