الزيت

**jemy_tnt** · 11-05-2012 11:16 PM

انا حاليا عندى جوان الكارتيره بتاعه زيت الموتور فيها مشكله و بينزل منها زيت و حاليا الزيت فى العربيه ناقص حوالى كيلو و الزيت اللى فيها كاسترول ماجنيتك 10-40 و انا عندى شويه زيت فى عربيه الحاج شل احمر احادى الدرجه 50
فكنت عاوز اعرف ينفع اذود الكيلو اللى ناقص ده من الزيت شل لغايه اول الشهر و لا الموضوع ده يعمل مشكله ؟؟؟

**tananybasha** · 12-05-2012 12:11 AM

مش عارف موضوع انك تحط معدنى على تخليقى ده
و طالما هنزود
ما تغير الفلتر و تحط اى نوع زيت لغاية ما تصلح التسريب و ترجع للزيت بتاعك
اصل برضوا اول الشهر لسه فاضل 20 يوم
و استنى اراء الزملا برضوا

**tananybasha** · 12-05-2012 01:52 AM

مش هاقدر اقول اه او لأ
مش عارف والله العظيم

**medo111** · 12-05-2012 06:09 AM

بص هو انا عملتها قبل كدا بس مش في كيلو كامل لا شويه صغيرين بس كنت حاطط كاسترول الي هو 5000 وزودت عليه شيل الجركن الاصفر بس محصلش حاجه عادي

**kar!m** · 12-05-2012 11:13 AM

بلاش أحسن .. أصلا بيقول لك بلاش تخلط الزيوت اللى مش من نفس اللزوجه .. تخيل بأه زيت نصف تخليقي أو تخليقي مع زيت معدني .. و أحادى اللزوجه كمان .. اللى هو شيل الأحمر أنا عارفه.

حاول تصلح المشكلة اللى عندك بأسرع وقت و تغير زيت و فلتر فى السريع و خلاص.

**ashrafnoby** · 14-05-2012 04:33 PM

المشاركة الأصلية كتبت بواسطة kar!m

بلاش أحسن .. أصلا بيقول لك بلاش تخلط الزيوت اللى مش من نفس اللزوجه .. تخيل بأه زيت نصف تخليقي أو تخليقي مع زيت معدني .. و أحادى اللزوجه كمان .. اللى هو شيل الأحمر أنا عارفه.

حاول تصلح المشكلة اللى عندك بأسرع وقت و تغير زيت و فلتر فى السريع و خلاص.

انا مع الزميل الفاضل فى كل الكلام الاى قالوه

**jemy_tnt** · 14-05-2012 08:23 PM

طيب يا ريت حد يفهمنى عشان انا خلاص قربت اتجنن من العربيه دى بعد موضوع الزيت الناقص سبتها يومين لغايه مشوف هعمل ايه و رجعتلها بعد اليومين و اقيس الزيت تانى لقيته رجع تانى مظبوط و تحت علامه الماكس ب كام مللى رغم انى لما قيسته المره الاولى لما كان ناقص كانت العربيه بردو مركونه يومين
حد عنده تفسير للكلام ده ؟