الأعضاء الكرام
السلام عليكم و رحمة الله و بركاته
لو سمحتم ممكن أعرف عمرة الماتور 1300 تتكلف كام و نصف العمرة تتكلف كام و ما هو الفرق بينهم؟
عربيتى بيتلز 1302 سنه 72 ألمانى
شكرا لمحبى البيتلز الكرام :boxing_smiley:
عرض للطباعة
الأعضاء الكرام
السلام عليكم و رحمة الله و بركاته
لو سمحتم ممكن أعرف عمرة الماتور 1300 تتكلف كام و نصف العمرة تتكلف كام و ما هو الفرق بينهم؟
عربيتى بيتلز 1302 سنه 72 ألمانى
شكرا لمحبى البيتلز الكرام :boxing_smiley:
فى مكانيكى شاطر جدا اسمه احمد عبد الحميد (حلاوة) ده فى شارع الشركات فى الزوايه خلف المطافى وده شاطرجدا غالى وشغال فى الشركه الفولكس وعنده ضمير واسعاره فى المصنعيه كويسه جدا .........
فى مكانيكى شاطر جدا اسمه احمد عبد الحميد (حلاوة) ده فى شارع الشركات فى الزوايه خلف المطافى وده شاطر جدا وصنيعيه وشغال فى الشركه الفولكس وعنده ضمير واسعاره فى المصنعيه كويسه جدا0101736043 .........
السلام عليكم و رحمة الله و بركاته
جزاك الله خيراً يا أستاذ/ حسام
الحقيقة إن الموضوع دا قديم جداً و مفيش حد رد من ساعة ما الموضوع إتعمل.
بصراحة أنا كنت بسأل الأول عشان آخد فكرة عن أسعار العمرة و نصف العمرة الخاصة بالبيتل عشان كنت شارى العربية من فترة قريبة من كتابة الموضوع , لكن الحمد لله حالياً إتعرفت على ميكانيكية و صنايعية بيتل كتير .
و حالياً أنا هاعمل عمرة للماتور ( سبيكة و طقم شنبر ) إن شاء الله لأن الماتور عندى بقى خشن و بسمع خبط لما بدوس دبرياج و غالبية الميكانيكية قالولى العيب فى الكرسى الخلفى أو السبيكة و طالما الماتور إتفتح يبقى لازم طقم شنبر.
و إن شاء الله ربنا وفقنى إنى أعملها عند الأسطى جمال عبده فرج اللى فى عمارات الفسطاط بمصر القديمة.
ناس كتير بتشكر فيه و هو مشهور بالأمانة و التميز و الصدق و أنا بصراحة كنت روحتلو فى رمضان اللى فات و مارداش يشتغلنى و قالى حرام نغير طقم كهربا و أعمل عليك شغل على الفاضى و قالى براحة على العربية لغاية لما ربنا يكرمك و تقدر تعمل عمرة السبيكة و كمان الأستاذ/ أيمن فتحى رشحهولنا و بيشكر فيه جدا و ربنا يقدم اللى فيه الخير.
و إن شاء الله هاحكيلكو تجربتى مع الأسطى جمال عبده ميكانيكى البيتل (0124904907) بس إدعولى المسألة تكون سبيكة و شمبر بس و العربية ما تفتحش بقها معايا :_Alshmokh22[1]:
ان شاء الله خير يا ابو حميييد .. و تطلع حاجة صغيرة و متفتحش بقهااقتباس:
إدعولى المسألة تكون سبيكة و شمبر بس و العربية ما تفتحش بقها معايا
ربنا يكرمك ان شاء الله يا احمد و ابقى طمنا عملت ايه
كلنا منتظرين نعرف اخر الاخبار والتفاصيل الكامله لكل حاجه عملتها
والاسعار وربنا يوفقك وماتفتحش معاك
ونتمنى نسمع خير عن الاسطى جمال
انا كمان ان شاء الله بعد كده هروحله ولو فعلا كويس هتعامل معاه على طول
دعواتك معايا يا حسينى باشا و ربنا يسترها و تكون النتيجة كويسة إن شاء الله
شكرا على إهتمامك و مساعدتك يا إيهاب باشا و ربنا يجازيك خيراقتباس:
ربنا يكرمك ان شاء الله يا احمد و ابقى طمنا عملت ايه
شكراً على مشاركتك يا هاشم باشااقتباس:
كلنا منتظرين نعرف اخر الاخبار والتفاصيل الكامله لكل حاجه عملتها
والاسعار وربنا يوفقك وماتفتحش معاك
ونتمنى نسمع خير عن الاسطى جمال
انا كمان ان شاء الله بعد كده هروحله ولو فعلا كويس هتعامل معاه على طول
و نتمنى من الله إنو يكون ميكانيكى ممتاز زى ما سمعنا عنو :U_thin1[1]:
و إن شاء الله هاقولوكو النتائج أول بأول طبعاً
أنا هاوديلو بطيطى المستريحة ( عربيتى يعنى ) هههههه :C_laugh[1]: النهاردة إن شاء الله بس هاطلب منو يديها بينج عشان ماتحسش بفتح الماتور :stink[1]:
على العموم لو احتجت تعمل اى مشوار او تشترى اى قطع غيار انا فى الخدمة باذن الله
السلام عليكم و رحمة الله و بركاته
النهاردة و ديت عربيتى للأسطى جمال عبده الميكانيكى عشان يبدأ العمره بإذن الله , و كان معايا الأستاذ/أيمن فتحى (amo400) و دى بعض الصور عند الميكانيكى أثناء فك الماتور::U_thin1[1]:
http://www.postimage.org/gxDlls9.jpg
http://www.postimage.org/aV1hMzoi.jpg
http://www.postimage.org/Pq1myUy0.jpg
http://www.postimage.org/aV1hPWpr.jpg
و إن شاء الله أستلم العربية بعد أسبوع من النهاردة , إدعولى ربنا يتمها على خير و يكون الأسطى جمال عبده ... هو الميكانيكى اللى ربنا يسهلها و نتعامل معاه على طول فى كل ما يخص ميكانيكا البيتل.:S_thum1[1]:
و بالمناسبة أنا و الأستاذ/ أيمن إتكلمنا معاه فى مواضيع كتير خاصة بالميكانيكا و العفشة الخاصة بالبيتل و إن شاء الله هاكلمكو عنها بالتفصيل قريب.
ان شاء الله تتطلع عروسة يا ابو حمييييييد ...انا ان شاء الله متفائل خير .....
كلنا منتظرين التفاصيل
وان شاء الله تستلمها عروسه من عنده
من كلامك انت والاستاذ ايمن واضح انه ميكانيكى فعلا متمكن
الف الف سلامه على البطه يااستاذ احمد
وان شاء الله تطلع عروسه وربنا يباركلك فيها
بس كان نفسى اكون معاك واشوف مراحل العمره واصور
ياريت تقولى وانت رايح تانى علشان اقابلك واجى معاك باذن الله
الف سلامة على عزيزة يا احمد و ربنا يقومها بالسلامة ان شاء الله
ياريت تعرفلنا منه تكايف عمره كامله بتكلف كام
وهل هو بيتعامل مع حد بيبيع مواتير بيتلز كويسه فى حال اذا كان حد من الاعضاء عاوز يشترى موتور كويس
يا ترى اخبار عزيزة ايه
ربنا يكرمك انشاء الله على فكره انا بشد العربيه كله سمكره ودوكو وسروجى وكهرباء وقولت بالمره اعمر الموتور عندى نفس المشكله صوت خشن فى الموتور والراجل الى بتاعمل معاه قالى ( سبيكة و طقم شنبر ) وتكلف حاولى الف جنيه 450جنيه سبيكة و300 الخراط و110 طقم الشنبر يعنى 1000 جنيه وعلى فكره العربيه على كده مشاء الله بتجرى وتسحب وتمام بس قولت اعمله بالمره طالما بشد :funny34d::funny34d:
فى سمكرى كويس شغال فى البيتلز اسمه عبد النبى فى امبابه خلف مطابع الاميريه والعربيه بيتلز75 والكهرباء عند الحج سيد عبد العظيم ده راجل كبير بس صنيعيه اوى وكان شغال فى الشركه زمان ده فى شارع السودن بعد المحكمه والسروجى عند الحج نبيل ده فى المللك الصالح ودول ناس متخصص فى البيتلز:B4_048::auto::driving::200312610483 5_wrc::2003126104835_wrc::3gears:
و المصنعيات اخبارها ايه
و انت بتعمل ايه بالضبط عند السروجى
هل بتعمل الكراسى و السقف و الارضية و لا حاجة معينة
و الخامات اللى بيستخدمها ايه
و يكرمك يا حسام باشا , و مرحباً بيك عضو جديد فى رابطة البيتل
طبعاً 1000 جنية من غير مصنعية ؟ ولا أنا غلطان ؟ !!!
طبعاً البيتل لما الماتور بيخف بتجرى صاروخ :auto: :B4_048:
و شكرا على المعلومات الخاصة بالسروجى و السمكرى و الكهربائى , و فعلاً أنا أعرف إن نبيل السروجى محترف فى البيتل.
ربنا يباركلك فيها و تخلص على خير إن شاء الله
السلام عليكم و رحمة الله و بركاته
يوم الإثنين 9-2-2009 روحت لجمال الميكانيكى عشان أطمن على بطتى ( عربيتى البيتل ) و لكن للأسف لقيت الماتور لسه عند الخراط لأنو هايركب كرسى صلب قبل السبيكة و بصراحة مش عارف دا كويس و لا لأ ؟؟؟؟؟؟
لكن لما جمال الميكانيكى لقانى زعلان طلبلى شاى و قعد يقنعنى إن الكرسى الصلب مصلحة للماتور و إنو إن شاء الله لما يستلم الماتور هايسهر عليه لغاية لما يقفلو , و ربنا يسهل و يخلصو على خير . :_Alshmokh22[1]:
لكن اللى فرحنى و سعدنى اليوم دا إن الأستاذ المحترم/ إيهاب باشا ...و الأستاذ الخلوق/ هاشم باشا ... كلمونى و قابلونى عند الأسطى جمال الميكانيكى , و طبعاً قعدنا نتكلم كتير مع جمال الميكانيكى فى حاجات كتير جداً و إتفقنا على حاجات هانعملها إن شاء الله فى عربياتنا . :satelite:
و بالعافية لما أقنعنا جمال الميكانيكى إنو يتصور معانا لأنه بيخاف الصور تطلع على التليفزيون !!! :C_laugh[1]: قصدى النت :,:
http://img153.imagevenue.com/loc563/..._123_563lo.jpg
الأول من اليمين : الأسطى محسن أخو الأسطى جمال
الثانى من اليمين : الاستاذ/ هاشم
الثالث : الأستاذ / إيهاب
الرابع : الأسطى جمال الميكانيكى ( طبعاً كان بيفكر هانعمل إيه بالصور :U_thin1[1]: )
http://img178.imagevenue.com/loc185/..._123_185lo.jpg
التانى من اليمين : العبد الفقير إلى الله :colsmil:
http://img161.imagevenue.com/loc829/..._123_829lo.jpg
جمال الميكانيكى بيقول يا رتنى ماتصورت :B4_556:
بس بصراحة محترم جداً و أمين و فاهم و بيقدر الزبون :S_thum1[1]:
و إن شاء الله هاقولكو كل اللى بيحصل و بالصور بس إدعولى الماتور يخلص على خير و العمرة و التليين يعدو بسلام.
المكانيكى اسمه احمد عبد الحميد ده فى الزاويه شارع الشركات خلف المطافى وده شاطر جدا وشغال فى الشركه وده تليفونه0101736043 اما بنسبه للحاج نبيل لسه إن شاء الله بعد الدوكو وهيعملى سقف وارضيه وانا اشتريت 2 كرسى تويوتا كرولا على التركيب ولو حد يعرف طقم السبيكه رقم 830 بكام يعرفنى
ان شاء الله يا ابو حمييييييد العربية تخلص علي خير و ترجع احسن من الاول .... و التليين كمان يعدي علي خير ... بس متبقاش تعدي ال 140 :36_1_1[1]:اقتباس:
بس إدعولى الماتور يخلص على خير و العمرة و التليين يعدو بسلام.
السلام عليكم و رحمة الله و بركاته
يوم الأربعاء 11-2-2009 روحت للاسطى جمال الميكانيكى و الحمد لله لقيته بيقفل فى الماتور و كان شىء ممتع بجد بالرغم من إن غالبية الميكانيكية مش بيحبو يقفلو الماتور قدام الزبون , لكن بصراحة جمال إتفق معايا إنو يقفل الماتور قدامى و قد صدق .
و اللى إتعمل فى الماتور التالى:
1- طقم سبيكة ألمانى ( أول خرطة للماتور و الحمد لله ).
2- طقم جوانات كامل ألمانى.
3- طقم شمبر ألمانى كامل ( 18 شمبر ) و مش عارف غير الأربعة بتوع البساتم.
4- طقم صبابات ألمانى إستيراد.
5- طقم أولسيهات جديدة ألمانى.
6- خرط للماتور و تركيب كرسى صلب.
7- روديه للصبابات.
8- تجليخ للديسك الخاص بالدبرياج.
9- علبة شكمان جديدة + 2 ديول جديدة
10- إضافة 3 كيلو زيت ماتور نظيف للتليين
تم تجميع و تقفيل الموتور و الحمد لله و تركيبة فى العربية و دورنا و الحمد لله تمام و هى الآن عند جمال الميكانيكى للتليين على الواقف.
و دى شوية صور أثناء التقفيل و بعد رفع الماتور للعربية:
http://www.postimage.org/Pq1VrJm9.jpg
و دى علبة طقم الشمبر
http://www.postimage.org/Pq1VrTkJ.jpg
و دى صورة الأسطى جمال أثناء التقفيل
http://www.postimage.org/gxT2_L0.jpg
و كمان لاحظت إنو بيستخدم نوع صمغ أمريكى للتقفيل
http://www.postimage.org/Pq1VsoLA.jpg
و دى صورة بعد رفع الماتور للعربية و الدواره
http://www.postimage.org/Pq1VsyK9.jpg
بس للأسف نسيت أصور علبة الشكمان الجديدة بعد التركيب و كمان أصور الماتور بعد التقفيل النهائى ( كنت تعبت بصراحة ).
و إن شاء الله العربية هاتحرق 20 لتر كمان على الواقف و أستلمها على خير و تبدأ فترة التليين.
حمدا لله على سلامة البطة و ربنا يبارك لك فيها ان شاء الله
حمد الله علي سلامة البطة المستريحة ياابو حمييييد .... يا رب تلين و تعدي علي خير و ترجع احسن من الاول
الله يسلمكو يا جماعة و يباركلكو فى عربياتكواقتباس:
حمد الله علي سلامة البطة المستريحة ياابو حمييييد .... يا رب تلين و تعدي علي خير و ترجع احسن من الاول
على فكرة : جمال الميكانيكى طلع إبن الأسطى عبده فرج ميكانيكى البيتل المشهور ( الله يرحمه ) و اللى فاتح 3 ورش فولكس فى مصر القديمة.
العمرة الكاملة للبيتل تتكلف فى حدود 3500 جنية بأسعار اليومين دول طبعاً و بيكون كل حاجة جديدة جوه الماتور.
انا كنت هناك عند جمال النهارده وحبيت بس اكون حاضر مع اخونا احمد حسن والمفاجئه انى لقيت حبيبى احمد الحسينى كمان هناك
وشوفت عربية احمد حسن بعد ماخلصت وسمعت صونها كان ماشاء الله عليها
الف مبروك مقدما يااحمد باشا وان شاء الله تلين وتطمنا عليها وتريحك بأذن الله واضح ان جمال فعلا راجل كويس ومحترم جدا
واسف جدا يابو حميد انى مشيت بسرعه بس والله كنت فعلا مجهد جدا ومش قادر اقعد وياريت تطمنا على العربيه بعد التليين
و الله يا هاشم إنت عارف أنا بعزك و بحبك أد إيه إنت و باقى الأعضاء الكرام , و صدقنى ببقا فى منتهى السعادة لما بشوفكو تشاركونى بالتليفونات و الرسايل و الشات و الحضور عند الميكانيكى كمان و إنتو فعلاً و نعم الأخوة و الصداقة , سواء كان حضرتك و الحسينى و إيهاب باشا و أحمد سالم و أيمن فتحى و ربنا يديم علينا الحب و الأخوه و تزيد معرفتنا أكتر بباقى اعضاء البيتلز الكرام.:S_thum1[1]::lovlie02[1]:
و ألف سلامة عليك يا هاشم باشا
و ألف سلامة عليك من نزلة البرد يا أيمن باشا
و ألف ألف مبروك المولود الجديد يا أحمد باشا سالم و يتربا فى عزك و يكرمك فيه و يكون من الذرية الصالحة إن شاء الله :_Alshmokh22[1]: :unhappy::coool::120105~352::10D5C8~1107:
و مستنيين تعزمنا على العقيقة بتاعتو بأمر الله بعد ما تطمن على والدتو على خير بإذن الله .
إمبار الخميس روحت للأسطى جمال الميكانيكى و الحمد لله كان بيلين العربية على الواقف من 12 ظهراً لغاية لما روحتلو الساعة 4 العصر و ريحها شوية و بعدين دورها لغاية 9 مساءاً تقريباً.
و بعدين غيرلى بوجيهات و وطى صوت العربية و رجلش الفرامل و الدبرياج علاه شوية و ققرت على تيش الدريكسيون و ركب الطاسات و المرايات اللى كان خالعها من العربية و نده لواحد غسل العربية و نظفها من جوه و بقت زى الفل الحمد لله.
و إن شاء الله هاروحلو يوم السبت عشان أغير زيت و بعدين أكمل تليين تانى.
و طبعاً شرفنى بالحضور أحمد باشا الحسينى و هاشم باشا و كنت سعيد جداً بحضورهم طبعاً و شافو العربية و إنبسطو جداً من صوت الماتور و صوت الصفارة اللى من الشكمان الجديد.
و الحمد لله رب العالمين ... الأسطى جمال عبده فرج الميكانيكى راجل محترم جداً و كريم و زوق و فاهم لأنى بسم الله ما شاء الله حسيت بفرق كبير فى صوت الماتور و سحب العربية بعد العمرة :S_thum1[1]:
و إن شاء الله هابلغكو بنتائج التليين أول بأول و ربنا يسترها معايا فترة التليين.
و طبعاً أخدت شوية صور لليوم دا :
دى صورة أحمد الحسينى و الأسطى جمال:
http://www.postimage.org/aV1QD320.jpg
و دى صورة العربية قبل الإستلام :
http://www.postimage.org/aV1QDm_9.jpg
و إدعولى ربنا يسترها معايا فى فترة التليين :_Alshmokh22[1]:
ان شاء الله ربنا يكرمك فيها ويكفيك شرها
والف مبروك لاخونا احمد سالم على المولود ربنا يباركلك فيه ويجعله من الذريه الصالحه ان شاء الله
الف مبروك يا أحمد باشا يا كبير
اهم حاجة في الف كيلو الاولاني تتابع الزيت واللمبة وتجنب المشي في الحر علي سرعات بطيئة والمطالع والذي منه والاحمال
وفعلا هتحس بفرق في العربية بعد العمرة
بس في سؤال ليه الخراط عمل كراسي في حين ان دي اول خرطة؟؟؟؟ سؤال مهم
لأن معني انه ركب كراسي يعني الماتور استنفذ عدد مرات المسح والخراطة وبالتالي لجأ للكراسي لتعويض الفرق .
الله يبارك فيك يا أحمد باشا
الخراط عمل كرسى عشان الخبط كان موجود من فترة و انا طنشت بصراحة و كنت بسافر بيها كتير و بجرى كتير كمان , كل دا أدى إن مكان السبيكة ناحية ترس الفولام تتاكل جامد و دا اللى فهمتو من الميكانيكى و الخراط .
لكن الماتور و الحمد لله أول خرطة ليه من كلام الميكانيكى و الخراط.
طبعاً فرق كبير قبل العمرة و بعدها من حيث الصوت و السحب و النعومة, و طبعاً حاجات تانية هاتبان خلال فترة التليين إن شاء الله خير.
و شكراً على إهتمامك و مشاركتك و معلوماتك القيمة و منورنا و الله :k49:
اشكر جميع اخوانى على التهنئه
اشكر الاخ احمد حسن حبيب الملايين
واشكر الاستاذ الكبير الاستاذ هاشم
وسررت جدا بتهنئه استاذنا الاخ احمد عزب
اشكركم جميعا وعقبال عندكم
الف حمدا لله على سلامة البطة و ربنا يديلك خيرها و يكفيك شرها
أ / احمد سالم الف مبروك على المولود ربنا يجعله من الذرية الصالحة ان شاء الله