أستفدت أية من حياتك العملية؟

**shaddadfalcon1** · 14-05-2012 07:51 PM

لازم تتعلم تقول لآ

متفرحش باللي يفضل يمدح فيك وفي الأخر يشيلك شغل قد اللي المفروض تاخده مرتين وتاخد فوقهم شغل زمايلك وفي الأخر لو فيه تقدير بتاخد اكتر منهم حاجات بسيطه جدا متجيش واحد من الالف من الشغل اللي انت عملته ومع اول موقف وحش بتعمله كل ده بيضيع

**wel00000** · 14-05-2012 08:10 PM

1- دافع عن شغلك ما دام واثق فيه
2- اسلوبك و طريقة حوارك مع الناس هى الى بتجبرهم على احترامك
3- اهتم بالعلاقات الانسانية مع شركاءك فى العمل
4- فعلا لا تؤجل عمل اليوم الى الغد
5-الانطباع الى بيتاخد عنك انك جاد و خايف على مصلحة العمل بيوفر عليك مشاكل كتير
6- الراحة النفسيه اهم كتير من الماديات بفرض ان الماديات مححقة الحد الادنى من الرضا
الكلام ده من خبرة 6 سنين عمل فى القطاع الخاص

**mohdamin18** · 14-05-2012 08:16 PM

المشاركة الأصلية كتبت بواسطة phantom0xx0

لو فضلت في نفس الوظيفة من غير أي ترقية فترة 5 سنين ، لازم تغير المكان و تشوف حالك في مكان تاني .... التغير صعب بس مطلوب
متخليش حد يسحبك في معركة من غير متكون جاهز ..... لو فيه إجتماع و أنت عارف انك مش جاهز ، حاول تكون جاهز أو إنت ألي تحدد الوقت
لو داخل إجتماع مش خاص بك بس فيه top management... لازم تكون جاهز بالرد علي أي حاجة علشان كدة كدة مش هتتساب و رجلك هتيجي في أي موضوع
أوعى ترد علي أي ايميل و أنت متنرفز ، خد وقتك و رتب أفكارك و دايماً علي طول - stick to facts

أخر حاجة

life is not fair

طب مش 5 سنين كتير ؟
اعتقد 3 سنين لو مفيش ترقية يبقى المفروض اشوف مكان تاني ... مش عارف .. انا لسة في بداية الطريق

**Ghosts** · 14-05-2012 08:45 PM

المشاركة الأصلية كتبت بواسطة wel00000

2- اسلوبك و طريقة حوارك مع الناس هى الى بتجبرهم على احترامك
3- اهتم بالعلاقات الانسانية مع شركاءك فى العمل
5-الانطباع الى بيتاخد عنك انك جاد و خايف على مصلحة العمل بيوفر عليك مشاكل كتير
6- الراحة النفسيه اهم كتير من الماديات بفرض ان الماديات مححقة الحد الادنى من الرضا
الكلام ده من خبرة 6 سنين عمل فى القطاع الخاص

أسمح لى أرد على النقاط دى:
1.مش من الضرورى أنك تلاقى الناس بتحترمك عشان أسلوبك معاهم راقى وشيك ....
فى ناس فى الشغل فعلآ واطية ومهمآ كنت كويس معاهم مش هتلاقى منهم غير السفالة دة يمكن الناس اللى زى دول مابيخافوش غير من اللى يديهم على دماغهم

(صوابعك مش زى بعض) ....

2.لازم الواحد يهتم بالعلاقات الأنسانية مع زمايلة فى الشغل بس أبعد عن الستات لأن العلاقات الأنسانية معاهم ساعات بتتحول إلى كوااااااااااارث أنسانية و حتى زمايلك الرجالة كمان لازم بردوا يكون فى حدود بينك وبينهم وماتتعشمش فيهم أوى عشان ماتتصدمش وماتقولهومش على كل حاجة عنك عشان ماتتحسدش

....

3. ساعات كتير بتلاقى صاحب العمل بيبقى مش فارق أوى معاة أنة يشوفك خايف على الشغل أهم حاجة عندة أن الشغل يمشى وهو جيبة يبقى عمران

واللى بيشتغلوا معاة مايطلبوش فلوس كتير فمفيش داعى توجع قلبك مع ناس ماتستاهلش (معظم أصحاب العمل فى بلدنا كدة) ....

4. زمان كنت بقول زيك كدة أن الراحة النفسية أهم من الماديات بس دلوقتى بقول لأااااااااا

و ألف لأااااااااااااا كمان لأنى أكتشفت أن الماديات أهم مليون مرة من الراحة النفسية فى الشغل

يعنى لو قلت لك أنك فى المكان دة هتلاقى ناس هترتاح معاهم جدآ وهتخرجوا مع بعض و هتسألوا على بعض كل شوية وهتحس أن دول أقرب لك من أهلك بس هتقبض 1000 جنية فى الشهر

ولا هتختار مكان شغل تانى مفيهوش كل اللطافة دى ومش هتبقى مضايق ولا مبسوط
(الناس اللى حواليك أبرد من التلج) بس هتقبض 10000 جنية فى الشهر
أوعى تقول لى أنك هتختار اللطافة وال 1000 جنية عشان الحالة النفسية ....

الكلام دة عن خبرة 12 سنة فى القطاع الخاص ....

**Ghosts** · 14-05-2012 08:54 PM

المشاركة الأصلية كتبت بواسطة mohdamin18

طب مش 5 سنين كتير ؟
اعتقد 3 سنين لو مفيش ترقية يبقى المفروض اشوف مكان تاني ... مش عارف .. انا لسة في بداية الطريق

أهم من الترقية المرتب الكويس ....
يعنى أنهى أحسن أنك تبقى مدير بمرتب أى كلام ....
ولا موظف عادى فى شركة محترمة بتوفر لك مرتب هايل كل شهر؟؟!!
أهم حااااااااااااااااااجة النهاردة وبكرة وفى كل وقت هى الفلوس مش الترقية ....

**mohdamin18** · 14-05-2012 09:53 PM

المشاركة الأصلية كتبت بواسطة ghosts

أهم من الترقية المرتب الكويس ....
يعنى أنهى أحسن أنك تبقى مدير بمرتب أى كلام ....
ولا موظف عادى فى شركة محترمة بتوفر لك مرتب هايل كل شهر؟؟!!
أهم حااااااااااااااااااجة النهاردة وبكرة وفى كل وقت هى الفلوس مش الترقية ....

طب على كدا موظف عادي ليك مدير في شرطة ضخمة ولا في شركة صغيرة تبقى انت ماسك القسم (و ليكن الحسابات) ؟؟ اعرف واحد يعتبر مدير للحسابات في شركة صغيرة برة مصر المرتب مش قد كدا بس بيقولي انك تبقى مدير نفسك دي بفلوووس ... اية رأيكم في الكلام دا ؟

**Ghosts** · 14-05-2012 10:02 PM

المشاركة الأصلية كتبت بواسطة mohdamin18

طب على كدا موظف عادي ليك مدير في شرطة ضخمة ولا في شركة صغيرة تبقى انت ماسك القسم (و ليكن الحسابات) ؟؟ اعرف واحد يعتبر مدير للحسابات في شركة صغيرة برة مصر المرتب مش قد كدا بس بيقولي انك تبقى مدير نفسك دي بفلوووس ... اية رأيكم في الكلام دا ؟

كلام سليم طبعآ ....
أنا نفسى أكون مدير نفسى و ملاقيش حد ملوش أى تلاتين لازمة بيتنطط عليا و يقرفنى ....

**wel00000** · 14-05-2012 10:17 PM

المشاركة الأصلية كتبت بواسطة ghosts

أسمح لى أرد على النقاط دى:
1.مش من الضرورى أنك تلاقى الناس بتحترمك عشان أسلوبك معاهم راقى وشيك ....
فى ناس فى الشغل فعلآ واطية ومهمآ كنت كويس معاهم مش هتلاقى منهم غير السفالة دة يمكن الناس اللى زى دول مابيخافوش غير من اللى يديهم على دماغهم

(صوابعك مش زى بعض) ....

2.لازم الواحد يهتم بالعلاقات الأنسانية مع زمايلة فى الشغل بس أبعد عن الستات لأن العلاقات الأنسانية معاهم ساعات بتتحول إلى كوااااااااااارث أنسانية و حتى زمايلك الرجالة كمان لازم بردوا يكون فى حدود بينك وبينهم وماتتعشمش فيهم أوى عشان ماتتصدمش وماتقولهومش على كل حاجة عنك عشان ماتتحسدش:o_stupid[1]: ....

3. ساعات كتير بتلاقى صاحب العمل بيبقى مش فارق أوى معاة أنة يشوفك خايف على الشغل أهم حاجة عندة أن الشغل يمشى وهو جيبة يبقى عمران

واللى بيشتغلوا معاة مايطلبوش فلوس كتير فمفيش داعى توجع قلبك مع ناس ماتستاهلش (معظم أصحاب العمل فى بلدنا كدة) ....

4. زمان كنت بقول زيك كدة أن الراحة النفسية أهم من الماديات بس دلوقتى بقول لأااااااااا

و ألف لأااااااااااااا كمان لأنى أكتشفت أن الماديات أهم مليون مرة من الراحة النفسية فى الشغل

يعنى لو قلت لك أنك فى المكان دة هتلاقى ناس هترتاح معاهم جدآ وهتخرجوا مع بعض و هتسألوا على بعض كل شوية وهتحس أن دول أقرب لك من أهلك بس هتقبض 1000 جنية فى الشهر

ولا هتختار مكان شغل تانى مفيهوش كل اللطافة دى ومش هتبقى مضايق ولا مبسوط
(الناس اللى حواليك أبرد من التلج) بس هتقبض 10000 جنية فى الشهر
أوعى تقول لى أنك هتختار اللطافة وال 1000 جنية عشان الحالة النفسية ....

الكلام دة عن خبرة 12 سنة فى القطاع الخاص ....

طيب انا هرد على كلامك بردة الى جايز يكون صح بس مش فى كل الاماكن او المجالات
1-زمان واحد قالى حكمة ... الناس المحترمة بتجبر اى حد بينهم انه يكون محترم عشان ميبقاش منبوذ
2-الناس مش هتحترمك عشان انت بتديهم بالجزمة و الطريقة ديه فى التفكير جايز هى الى بتوصل الناس انها تتعامل معاك بطريقة متكونش حاببها.. احترامك بيفرضه شخصيتك و اسلوبك و كفائتك فى عملك و حط تحت الكفائة ديه خطوط كتير
3-ماهو احساس صاحب العمل انك خايف على الشغل مش هيجيله غير لما يلاقيك فعلا شايل الشغل م وبتسلم المطلوب منك فى معادة وبالتالى هو هيقدرك على الاقل عشان ميخسركش... طبعا ديه بتختلف من شخص للتانى ممكن واحد يقدرك ماليا و واحد تانى يبقى تقديرة معنوى وطبعا انا معاك ان ديه مش قاعدة عامة..
4- انا معاك فيها فى حالة ان الفرق يكون 10 اضعاف طبعا... بس ده فرق صعب تلاقية بين مكان و التانى فى نفس الكارير لنفس الخبرة ... الفروق بتبقى مش مبلغ كبير ممكن تتنازل عنة لصالح الراحة النفسية
واخيرا مش كلامى ولا كلامك ممكن يتاخد قاعدة عامة لان زى ما انت قولت فى عنوان الموضوع كل واحد بيحكى تجربتة الشخصية وديه تجربه 6 سنين عمل فى القطاع الخاص منهم سنه فى مصر و الباقى برة مع ادارة مصرية واستاف مصرى كامل .....

**Ghosts** · 14-05-2012 10:24 PM

المشاركة الأصلية كتبت بواسطة wel00000

واخيرا مش كلامى ولا كلامك ممكن يتاخد قاعدة عامة لان زى ما انت قولت فى عنوان الموضوع كل واحد بيحكى تجربتة الشخصية .....

ما هو لو كان فية فى الحياة العملية قواعد نمشى عليها مكانش فى حد تعب ....
كلام حضرتك وكلامى وكلام أى حد تانى قد يحتمل الصواب والخطأ ....

**wel00000** · 14-05-2012 10:37 PM

المشاركة الأصلية كتبت بواسطة ghosts

ما هو لو كان فية فى الحياة العملية قواعد نمشى عليها مكانش فى حد تعب ....
كلام حضرتك وكلامى وكلام أى حد تانى قد يحتمل الصواب والخطأ ....

تمام يبقى الواحد يعمل الى عليه فى شغلة و التقدير لو مجاش فى مكان اكيد هتلاقية فى مكان تانى و صدقنى لو انت متميز فى مجالك هتجبر صاحب العمل على تقديرك ...