الموضوع: هام جدا لملاك كيا سبورتج

المشاركة الأصلية كتبت بواسطة m1988

ياراجل حرام عليك ده الطارق عندنا فى اسكندريه الا هوه اغلى واحد بيبعها بى 201 الف الا هى الفئة التانيه وقالى ممكن ننزل الف يعنى 200 الف وجنبى اروح الاقاهره اجيبه من هناك وكمان اغلى 4 الف جنيه انت اكيد بتهزار

طيب خلينى اوضحلك فى الاول انى حبيت اساعد بس .. لانى اجازه من شغلى فى الاحمدى الفتره دى عشان الامتحانات .. فاكيد مش متباع اسعار السوق دلوقتى ... وبالنسبه للسعر انا قولت لحضرتك ان شاء الله هاينزل وقت التنفيذ بس توصل لكام لو موجود فى المعرض الفتره دى ومتابع الاسعار هاقولك .. حضرتك يوم ماتنوى تنفذ ان شاء الله هاجبلك النهائى بتاع السوق وقتها .. وعلى العموم سعر ال 200 الف من الطارق حلو جدا ... وفى الاخر انا اتشرفت بحضرتك

المشاركة الأصلية كتبت بواسطة temoon

تسلم ايدك استاذ غزالى على مجهودك فى الموضوع بس فى حاجة انا عاوز اقولها لكل الاعضاء الى عاوزين يشترو الكيا سبورتاج
حرام لما ادفع فرق كبير فى عربية زى دى لانى فى الاخر هخسر فى اعادة البيع جامد جدا بسبب ان النفس بالانسان بتلح على دا يا جماعة دى مش جاجوار ولا مرسيدس ولا حتى لكزس دى فى الاخر كيا فا نصيحه من انسان نفسه فى كيا سبورتاج بردو بس انا مش اهبل عشان ادفع 20 الف جنية فرق عشان اوفر برايس عشان اشتريها فا ياريت ما نغلطش غلطة السيراتو والتجار والوكيل يلعبو بالناس والجنية فى الزمن دا مش بيجى بالساهل فا حرام الى بيحصل دا واحنا الى ساعدنا التجار والوكيل على دا بسبب الاقبال على شراء السياره

الف شكر لحضرتك .. نقطه عريبه زى دى لا دى عربيه محترمه جدا جدا .. من وجه نظرى عيبها الوحيد الماتور الصغير ... وبعدين الاوفر برايس الى مخلى سعرها فى السما ... وللاسف من كتر حب الناس فى العريبه و شده الطلب عليها الوكيل بيجيب سواء كتير او قليل والموزعين يعطشوا السوق .. بس شهرين او 3 تنزل عريبه جديد هاتشد السوق منها بالظبط نفس حال القشقاى المانوال اول لما نزلت كانت ب 175 الف جنيه .. وبعدين لما قل الطلب عليها و نزلت الاسبورتاج رجعت تانى ب 160 الف جنيه زى سعرها الرسمى

المشاركة الأصلية كتبت بواسطة hussein_ramdan

+1111
والله انا نفسى فى السبورتاج لكن انا مش عارف ابعلها منهم ان اما يركنى ست شهور
او ادفع
20 الف اى الارض
تانى مرة الكلام مش موجة لغزالى باشا عشان مش هو المسؤل عن الموضوع دة الى مسؤل هو جشع التجار
دة غبور محترم اكتر منو
معلش اللنترا الجديدة قبل ما تنزل انا حجزتها من الوكيل خدها بعديها باسبوعين
ومعلش الاقبال على الالنترا اكتر من الاسبورتاج
وكمان دفعت فلوسى وتم تثبيت السعر وبالفعل العربية غليت 4 الف
ولم يطبق عليا السعر الجديد
غبور محترم جدا فى الحتة دى
لكن الى كيا بتعلمو دة هرتلة منها ومن التجار وقلت ادب

استاذى استاذ حسين .. خبط فيا براحتك ولا يهمك المهم ان شاء الله تجيب العريبه اجربها .. :d
وفعلا نقطه الاقبال دى هيا الى فارقه مع فرق انت تبكلم على فئتين متخلفتين خالص ... فامفيش وجه مقارنه خالص و نقطه الوكيل المحترم اللعبه بتحصل ازاى ... العريبات بتيجى الوكيل بيسلمها للموزع بالسعر الرسمى بس بيطلع كميات قليله ( زى وكيل فولكس مثلا ) بيطلع للموزع مش التاجر لا الموزع الى التاجر بياخد منه بيطلعله عربيه او 2 عشان يشوق السوق للعريبه ويعرف يلعب فى السعر ... المهم الوكيل يطلع العريبه للموزع بعد اما الشوق خلاص هايتجنن على العريبه .. يقوم حاطط الاوفر برايس و كل واحد بنسبه سؤاء الوكيل او الموزع والتاجر هوا الى بيضيع فى النص ..

المشاركة الأصلية كتبت بواسطة mahmode

هوا الزفت الأوفر برايس اللي على السبورتج مش حيخلص ولا ايه. أنا فاكر في المعرض اللي كام أول السنة كان الكلام على حجز واستلام خلال 5 شهور يعني في حدود شهر 5 أو 6 بالكتير. عموما أن عن نفسي مادفعش جنيه أوفر برايس. هوا احنا بنلاقي الفلوس ولا إيه!!!!

مش قبل اول السنه .. لو لحد اما تنزل عريبه جديده تشد منها السوق وافتكر لو السكودا نزلت عربيتها فى اتوماك وكلت من الناس يبئى الاسبورتاج هاتريح جدا وترجع تتباع بالاسعار الرسمى