لنهارده روحت لجينز كار على المعاد المتفق عليه.......وطبعا طبعا سيبت الاولاد في البيت علشان اليوم الطويل ده

واول حاجه سالني عليها الحاج احمد :فييين الاولاد؟؟؟؟؟
المهم بعد واجب الضيافه العالي جدا....جدا.... تم فك كراسي العربيه وبصراحه منظر صعب جدا على ضعاف القلوب امثااالي......العربيه كانت بكيسها...وبعد خمس دقايق بقت صحرا....

لكن بعد ما شوفت الصاج ايللي في الارضيه وازاي ماكانش متغطي باي حاجه خالص حمدت ربنا ان قريت فى المنتدى عن موضوع العزل...
وبداو الشغل في العربيه زي مانتوا شايفين



طبعا ده الحاج احمد بنفسه....(صوره في الخباثه كده)


وده طبعا التهريج ايللي اتفاجأت بيه....العربيه فرش الارضيه بتاعها على الصاج ...مفيش اي لباد غير في مكانين بس زي مانتو شايفيين



وده سمك اللباد ايللي اتحط وشكله وهو بيتقص...








وده بقى فرش العربيه...بصراحه احنا اختارنا اللون ده علشان يوسع شكل العربيه ومانبعدش كمان عن الشكل الاصلي للفرش وطبعا فكره اللونين مع بعض اشيك بكتير لكن احنا استقرينا على لون واحد



الكرسي اليمين ده..القديم والشمال طبعا هو الجلدالجديد بخياطته المميزه


طبعا الكراسي بقت مريحه جدالانها بقى فيها فيبر ...وعاليه (وده شئ كنت محتجاااه اوي)












وفرق الصوت اكتر من رائع لان طول الطريق ل بنها ماسمعتش الوش المعتاد من الصاج
وطبعا فرش الشنطه كان جميل ومظبوط

لكن بصراحه مارضيتش اعمل الباب لان الحاج احمد قاللي ان الباب مش بيتغطى لكن بيتشال الفرش القديم ويتحط جديد...فقلت مالهاش لازمه لما استهلك الاصلي بتاع العربيه ابقى ارووح اغيره خاصه ان مفيش فرق في اللون

والحاج احمد يعجز الكلام عن وصف احترامه وذوقه واخلاقه ...تحس فعلا انك تعرفه من فتره طويله....ماشاءالله قمه قمه فى التواضع والصبر وطووووووله البااااااااااال
والكرم...
.(مش عارفه اتكلم عن كرم الضيافه ولا الاستقبال ولا هدايا الاطفال بالرغم من عدم مجييهم ولا هدايا العربيه......ماشاءالله..)

وسعدت جدا جدا بمقابله اتنين من صقور المنتدى
Ahmed.TV (ايللي بادر بعرض المشوره والنصيحه والتوصيااات بدون اي سابق معرفه وادانا رقمه )
وايضا SonaSteel (المهندس حسين) ايللي تعابناه معانا بسبب مشكله الريموت خاصه ان حصلت قدامه......وبمجرد سؤاله عن بعض الاستفسارات بادر باعطاءنا هدايا (ستاره ومعطراات)


على قد سعادتي بالفرش الجديد والنيو لووكك لكن الاشخاص ايللي اتعاملت معاهم النهارده فرحه معرفتي بيهم انا وزوجي كانت اكبر واكبر واكبر
النهارده كان يوم اكتر اكتر من رائع وحسيت بجد اني اشتريت عربيه وفرحت بيها
وشكرا شكرا لكل الصقور