لسة جايب سيفيك وعاوز مساعدة من خبراء الهوندا؟

**mostafa basha** · 13-05-2012 03:29 AM

السلام عليكم

الحمد للة بعد عناء فى البحث عن عربية بقالى شهرين وبعد كا كونت محتار اجيب زيرو ولا مستعمل ربنا وفقنى واشتريت هوندا سيفيك 2007 وبصراحة عربية جامدة على الرغم من انى مكونتش بفكر فى الهوندا خالص ... فعلا قمة الحيرة حتلاقيها وانت بتشترى العربية

المهم ان انا عاوز شاشة تركب للعربية ويكون فيها camera gps touchscreen dvd bluetoooth يعنى الاوبشنز دى او اقل شوية مش مشكلة بس مش عارف اجبها منين وبكام
انا قريت ان كلاريون عامل عرض انك تستبدل الكاسيت القديم بالشاشة الجديد بـ 2500 جنية بس الصراحة انا عاوز حاجة اقل من كدة وتكون بردة على نفس مقاس تبلوة العربية يعنى تكون الشاشة مخصصة لسيفيك 2007
وشكرا ليكم لو حد يدلنى على المكان بس يكون متاكد لانى قاعد يومين بس فى القاهرة وعاوز اجب قبل مسافر علشان الكماليات دى مش متوفرة عندى

**SAMEH_FOUAD** · 13-05-2012 09:44 AM

اولا الف مبروك ياباشا ربنا يديك خيرها ويكفيك شرها وفعلا الهوندا سيفيك اختيار جامد بس انا عايز اقولك على حاجة كدة وبعديها هتلاقى الدنيا حاجة تانية

انت ان شاء الله بعد فترة كدة تغير الجنبين اللى ورا وتحولهم لديسكات بدل طبلة هتفرق معاك فى كل حاجة وهتحس انك ركبت عربية بفرامل تانية خالص والتكلفة بالمصنعية 1800 جنية

بالنسبة للشاشة فية عندك ( سبير كار ) عندة حاجات جميلة جدا وعلى حسب الاسعار

وشوف بردة رد هيثم كمال باشا عشان هو كان جايب واحدة واكيد عارف احسن الاماكن والاسعار

**Land_Cruiser** · 13-05-2012 12:13 PM

الف مبروك و اختيار جميل و ربنا يباركلك فيها.

**mostafa basha** · 13-05-2012 03:12 PM

المشاركة الأصلية كتبت بواسطة semsem kane

اولا الف مبروك ياباشا ربنا يديك خيرها ويكفيك شرها وفعلا الهوندا سيفيك اختيار جامد بس انا عايز اقولك على حاجة كدة وبعديها هتلاقى الدنيا حاجة تانية

انت ان شاء الله بعد فترة كدة تغير الجنبين اللى ورا وتحولهم لديسكات بدل طبلة هتفرق معاك فى كل حاجة وهتحس انك ركبت عربية بفرامل تانية خالص والتكلفة بالمصنعية 1800 جنية

بالنسبة للشاشة فية عندك ( سبير كار ) عندة حاجات جميلة جدا وعلى حسب الاسعار

وشوف بردة رد هيثم كمال باشا عشان هو كان جايب واحدة واكيد عارف احسن الاماكن والاسعار

اللة يبارك فيك يا باشا
بس انا مش فاهم موضوع الجنبين دة تقصد يعنى ان الفرامل مش ديسكات
انا جربت الفرامل بتاعتها وجميلة الصراحة وفا abs و ebd
اما بخصوص الشاشة فانا افتكر ان سبير كار عندهم شاشات بس معتقدش ان عندهم شاشة على مقاس تبلوة العربية يعنى انا عاوز شاشة على قدمقاس الكاسيت بالضبط فياريت حد يفيدنى فى الموضوع دة واعرف اجيبها منين من القاهرة لانى مسافر بالعربية بكرة ومش عارف حرجع القاهرة تانى امتى

**ahmedeihab** · 13-05-2012 03:27 PM

المشاركة الأصلية كتبت بواسطة mostafa basha

الله يبارك فيك يا باشا
بس انا مش فاهم موضوع الجنبين دة تقصد يعنى ان الفرامل مش ديسكات
انا جربت الفرامل بتاعتها وجميلة الصراحة وفا abs و ebd
اما بخصوص الشاشة فانا افتكر ان سبير كار عندهم شاشات بس معتقدش ان عندهم شاشة على مقاس تبلوة العربية يعنى انا عاوز شاشة على قدمقاس الكاسيت بالضبط فياريت حد يفيدنى فى الموضوع دة واعرف اجيبها منين من القاهرة لانى مسافر بالعربية بكرة ومش عارف حرجع القاهرة تانى امتى

طالما الفرامل عجباك يبقى خلاص
اما بلنسبه للكاسيت
فا عندك حل
انك تشوف مقاس الكاسيت و تنزل اى توكيل تشوف هناك الدنيا هتمشى ازاى
ان شاء الله هتلاقى
عندك توكيل بايونير فى وسط البلد
و عندك توكيل كلاريون و حاجات تانيه كتير فى توكيل واحد فى شارع احمد عرابى المهندسين
و انصحك تروح ده علشان عنده موديلات كتيره اوى من كل حاجه
تحياتى
^_^

**mostafa basha** · 13-05-2012 09:24 PM

المشاركة الأصلية كتبت بواسطة ahmedeihab

طالما الفرامل عجباك يبقى خلاص
اما بلنسبه للكاسيت
فا عندك حل
انك تشوف مقاس الكاسيت و تنزل اى توكيل تشوف هناك الدنيا هتمشى ازاى
ان شاء الله هتلاقى
عندك توكيل بايونير فى وسط البلد
و عندك توكيل كلاريون و حاجات تانيه كتير فى توكيل واحد فى شارع احمد عرابى المهندسين
و انصحك تروح ده علشان عنده موديلات كتيره اوى من كل حاجه
تحياتى
^_^

شكرا يا باشا
انا كلمت الناس بتوع كلاريون فى النزهة وان شاء اللى اركبة بكرة قبل ماسافر
السعر : 2300 جنية وبيركب فى مكان الكاسيت الفابريقة كانة جاى مع العربية بمعنى انة بيشيل وش الفبريكة كلة وبيحطة مكانة+ وش تانى لون تابلوة العربية وموجود لكل نوع عربية جهاز ولو عاوز تزود كاميرا بيزيد 200 جنية
انا شايف ان السعر كدة مناسب لان مثلا سبير كار بيركبلك شاشة ومش شرط تكون نفس مقاس عربيتك وبـ 2000 جنية دا غير انة تقريبا صينى

**refaat78** · 13-05-2012 10:46 PM

فين كلاريون النزهه ده يا باشا؟

**ahm128** · 14-05-2012 12:48 AM

عايزين نعرف التفاصيل لوسمحت لانى عندى 2008 ونفسى اعمل زيك تماما وياريت لو تنزل صور واضحة للموضوع ده

**mostafa basha** · 14-05-2012 02:31 AM

المشاركة الأصلية كتبت بواسطة ahm128

عايزين نعرف التفاصيل لوسمحت لانى عندى 2008 ونفسى اعمل زيك تماما وياريت لو تنزل صور واضحة للموضوع ده

اولا تابلوة 2008 زى 2007 ولا لا؟

ثانيا الشاشة بتركب مكان الكاسيت الفابريكة تماما وبيتغير الوش يعنى اكنها اصلية وانا حركبها بكرة ان شاء اللة و دى صورة تقريبا حتكون زيها