-
لف الدريسكيون ع الآخر
وانا بركن العربية المساحات معايا ضيقة فبلف الدريكسيون ع الآخر هل دا خطر مع العلم انى بركن يعنى السرعة بطيئة بس بجيب الدريكسيون جايبه ع الآخر مع العلم ان دريكسيونى باور كهرباء وبالمرة عايز أعرف الفرق بين الدريكسيون الباور الكهرباء والباور الهيدروليك وأيهما أفضل ؟ ؟؟ كصيانة وأعطال ومرونة ؟
-
متااااااااااااااااااااااا اااااابع
-
-
فين الناس الحلوين اللى هنا ؟
-
لو جبت الدريكسيون على الاخر و انت بتركن مش خطر لأن دة من احدى وظائف نظام التوجيه فى العربية , المهم انك ما تسيبش العربية مركونة و الدريكسيون كاسر على الاخر.
و بالنسبة للباور الكهربا بيبقى عبارة عن مجموعة من الحساسات راكبة على عمود الدريكسيون بتتعرف على وضعيته و العزم الواقع عليه و بتبعت البيانات دى لكمبيوتر مخصوص اللى على اساس البيانات دى بيبعت اشارات لموتور كهربائى صغير راكب على عمود الدريكسيون فبيقوم بتوجيه العربية على حسب العزم اللى وضعه السائق على عجلة القيادة.
اما الباور الهيدروليك دة عبارة عن طرمبة بتسحب من خزان زيت الباور و بترفع من ضغطة و تدفعه الى صمام دوار rotary valve بيكون راكب فى اخر عمود الدريكسيون و قبل ترس البنيون الصغير اللى فى الاسكاترا , و وظيفة هذا الصمام انة لما بيلف فى ناحية (حسب توجيه السائق لعجلة القيادة) بيعدى الزيت المضغوط من الطرمبة فى الناحية اللى لف فيها و يمنع مروره من الناحية الاخرى و دة عن طريق وصلات راكبة ما بينه و بين الاسكاترا وبالتالى الزيت المضغوط دة بيزق بستم صغير جوة الاسكاترا ناحية الاتجاه المراد.
و طبعاً ما أقدرش اقوللك ايهم الافضل , لأن الاتنين بيستخدموا فى انواع عربيات كتير, دة تصميم و دة تصميم.
-
طب انا بسمع صوت صفارة عند كسر الدركسيون على الاخر سواء يمين او شمال دة عادى ؟؟ ولا انا عندى مشكلة ؟؟؟
-
وانا كمان بحس بصوت تزييق عند اللف لليمين
-
عندى نفس المشكله
صوت صفارة عند كسر الدركسيون للاخر
Content Relevant URLs by
vBSEO 3.6.0 PL2