الموضوع: فريق هوندا فى بورسعيد^_^

السلام عليكم رجاله الهوندا
امبارح بفضل الله
بعد عناء كبير جدااااا اننا نطلع بورسعيد انا و سامح و علام دام اكتر من شهر و نص
كل يوم نقول بكره السبت اللى جاى لاء لاء اللى بعده
الحمد لله رحنا امبارح
اخدنا العربيه الشقيه
شاهين 1300 سى سى ( خلتنى اسب و العن و انا سايق ) بس طلعت اصيله
رحت انا و سامح و علام و والدى
عديت على سامح اركب يا موحه
موحه مش عارف يركب
طب اطلع بلكرسى قدام شويه يا حاج
اركب يا موحه ركب موحه
رحنا طلعنا الدائرى و عدينا على علام
ايوه يا عم علام انت فين انا اهى جاى (الراجل جه مشى بتاع مسافه كيلو فى عز النار )
ازيك يا علام حبيبى واحشنى و انت كمان و الله يا هوبا
اركب يا علام مفيش علام
اطلع بلكرسى يا عم احمد حاضر يا سيدى
احمد ركبه تلزق فى الطاره
اتكلنا على الله و رحنا على بورسعيد
مشينا على سرعه 100 كيلو
محدش يستغرب هما 100 كيلو مفيش غيرهم علشان اكتر من كده العربيه هتعمل معانا السليمه
كل ما انزل على 120 او 130 العربيه بيحصل فيها حاجات غريبه
ده غير الثبات طبعا العالى بتاعها اللى مش موجود اساسا ( سواقه الحاج بقا مش محتاج اكتر من 80 كيلو )
وصلنا الحمد لله بورسعيد بلسلامه
لقينا الجو نار بصراحه و الواحد دماغه كلته من الشمس بس معلش كله يهون علشان الهوندا
لفينا شويه كده فى بنك الاسكان على موتورh22a مفيش ولا واحد عنده و حاجه يعنى زففففت
رحنا عند ظاظا
ازيك يا عم ظاظا عامل ايه
يقولك عامل خط و ماشى عليه
طب صباح الفل يا كبير مفيش حاجه من اللى مخلياك اسماعيل ياسين على الصبح دى
طبعا مفيش الحاج معانا
عندك كذا يا عم ظاظا
لاء معنديش
يا عم انا عايز h22a
يا عم ما تاخد f22 يا سيدى لاء انا عايز h22a
يقولى انت غاوى يعنى وجع قلب و بتاع و الكلام ده
قولتله طب عند فيك انا عايز h22a
موجود عنده
عربيه SI كامله
موتورها زيييييييييييييييييرو قعدنا اتفرجنا عليه امبارح اكتر من ساعه
العربيه كلها عامله 169 الف كيلو و الموتور لسه ب علامات الفابريكه فى كل حته
يعنى الموتور ده متفتحش بكام يا سيدى ده ب 8500 جنيه و الله يا بلاش على المكنه دى
علام ايييييييه 8500 جنيه ده انا المكنه دى بتاعتى و ان شاء الله علام هياخدها لانها نضيفه بجد
لقينا عنده موتور b18c3 موتور نضيف جدا جداااا بصراحه الراجل ده بيشترى حاجات نضيفه هو اه غالى شويه بتاع 500 جنيه بس و الله مش خساره فيه علشان النضافه اللى المواتير فيها دى
يا عم b18c3 خدها و الله جمده
يا عم انا عايز اوصل لحاجه معينه ( الحاجه دى شكلها مش هتتم بصراحه لانه مش موجود ال h22a )
خد يا عم ظاظا تعالى هنا
ايوه يا عم علام
عندك جنبيبن SI اه موجودين كاملين ب 600 جنيه
ايه يا عم الجمدان ده
عنده مواتير ال 1500 بتاعت السيفيك الهاتش باك منهم موتورcvcc
مواتير قمه النضافه بصراحه تقريبا الموتور قال ب 3500 او ب 4000 بس مكنش مركز معاه
كنت فى دنيا تانيه
هجيب ال h22a منين و جو كده
مشينا من عنده لفينا عند كام واحد كده تانى مفيش
كله يقولى اتصل بينا فى ححاويه جايه و لميت كروت قد كده
رحت عند بتاع الجنوط اللى يحيي قال عليه ملقتهوش هناك بس الراجل قالى ادخل اتفرج
شفت جنط enkie بس بردو 16
بس بصراحه كنسلت حوار الجنوط المره دى علشان فى نازله لبورسعيد تانى
بعد مناوشات و مشاورات مع سامح و علام
يا احمد بلاش h22a مفيش حاجه هنا و خليك فى ال b18c3
يا جدعااااااااااان لالالالالالالالالالا انا عايز h22a
يا عم احمد لاء يهديك يرضيك لاء
بعد كده بعد ما سامح قالى جمله كده قال ال b18c3 بيشبه حاجات كتير من ال SIR
كده ابتديت افكر يعنى قطع الغيار متوفره
انا كنت فاكر انه زيه زى ال h22a ملوش قطع غيار فا قلت هيبقى زي قلته يعنى
بس انا بفكر فى ال b18c3
بس بعد مباحثات لقيت ان فى مواقع بتقول المكنه دى
178 حصان و مواقع تانيه بتقول 200 حصان
و سامح بيقول 190 حصان
فا انا عايز اعرف انهى صح لسه ببحث فى الكلام ده علشان اوصل للكلام المنطقى المظبوط
و اخدنا بعضنا و اتكلنا على الله رجعنا على مصر
نزلنا علام عند البيت عنده
قالى هوصفلك و انت خارج
هتمشى على طول لحد ما هتلاقى حيطه فى شمال و بعدين يمين
و انا اصلا مش معاه و عمال اقوله ماشى ماشى ماشى عرفت
بعديها واحنا بنوصل سامح
وقفنا على الدائرى بتاع ساعتين ماشى على الاول بس و اقف شويا
اما رجل الواحد ورمت و قعده الكرسى مش قاااااااااادر منها و عايز
و فين و فين اما وصلنا عند اللى كان موقف الطريق و الاقى
البهوات بيرصفوا الطريق و مخليينه حارتين بس (و الله عالم متخلفه )
بعديها دوست بنزين شويه وصلنا عند سامح وصلناه البيت
و بعدين قمت واخد بعضى و طالع على البيت عندى
جسمى اخد وضع الكرسى مش قادر امشى خاااااااالص لحد ما طلعت اخدت الدش الجميل
و قمت ناااااااااااااااااااااايم لحد النهارده
و دى كانت قصه فريق هوندا فى بورسعيد تحياتى
^_^