ليون .. مازدا3 .. سيفيك

**crazylambada** · 17-06-2008 02:29 AM

بالمناسبة انتا مقولتناش عملت ايه في الانترفيو الاخير
على العموم جيبها يا سيدي على ضمانتي و انا ضامنها برقابتي
و لو معجبتكش يا سيدي انا المحقوق و هتهالي
بس دلوقتي انا عاوز اجيب بوستربتاع المنتدى اجيبه منيييييييييييييييين

**SAbuhashem** · 17-06-2008 02:33 AM

رائع يا عمرو واسمحلي اشيل الألقاب خلي البساط محمدي :)

تقييمك دقيق واقعي لكن لي بعض الاستفسارات عن وجهة نظرك في بعض نقاط التقييم وإن كنت لا اعترض إن مفيش عربية كاملة وحتى البنز عمرها ما هتجيب ٥/٥ في كل نقاط التقييم

قوة التحمل : * * * 5/3
البدى الخارجى : * * * 5/3
نظام حقن الوقود : * * * 5/3
الاحساس بالارتفاع : * * * 5/3

بالنسبة للسرعات العالية فهي تستحق فعلاً ٣ / ٥ لأن الفتيس Very Close Ratio ودة بيخلي التسارع عالي لكن على السرعة العالية ال RPM بيكون كمان عالي

Thanks
Eng.Sherif Shaker

**Eng.Sameh** · 17-06-2008 02:33 AM

بالنسبه لآخر انترفيو ، زي ما قلتلكم كان في كلام عام متعرفش منه انت كويس ولا لأ ،

ولسه متصلوش بيه ، واذا ربنا ارد واتصلو هيكون اتصال الأوفر ( يا رب ) ، ادعولي عشان انا خلاص تعبت من كتر الأنترفيوهات والأنتظار .

بالنسبه للبوستر ، انا مجبتوش وتقريبا لسه الجديد منزلش

**mohamed ibiza** · 17-06-2008 02:34 AM

المشاركة الأصلية كتبت بواسطة justs

صحيح هوه موضوع ان السرعات العاليه في الليون ده مش كويس ، معناه ان التحكم على سرعات عاليه مش كويس قوي ، ولا معناه انها مبتجبش سرعات عاليه ( 200 مثلا )

ويا ريت اي حد جربها يقولي بردو كل انطباعاتو عنها

التحكم فيها بيبقي فوق الممتاز علي السرعات العالية و ثبات مرعب و تحكم زي الفل و العربية وزنها تقيل 1205 علي الطريق مش في حالة الثبات عربية تقيلة الموتور ال 1600 اللي فيها ممتاز طبعا و ادائه رائع بس الليون الصح 2000 سي سي طيارة بمعني الكلمة انما تجيب سرعات عالية تجيب ال 200 عادي مفيش مشاكل

**crazylambada** · 17-06-2008 02:35 AM

يا جستز المشكلة ان العربية وزنها اتقل من الاوكتافيا A5
بره بينزلوها بمواتير 2000 سي سي فيما فوق
غير شواحن التربو و موضوع تاني خالص
انا في رايي تستنى سنة كمان
لاني عندي معلومات ليست مؤكدة مئة في المئة ان الليون او بمعنى اصح ان كل سيارات مجموعة الفولكس ستنزل بمواتير 1400 سي سي 140 حصان Tsi
عدا الاوكتافيا و الرومستر

**Eng.Sameh** · 17-06-2008 02:36 AM

المشاركة الأصلية كتبت بواسطة SAbuhashem

رائع يا عمرو واسمحلي اشيل الألقاب خلي البساط محمدي :)

تقييمك دقيق واقعي لكن لي بعض الاستفسارات عن وجهة نظرك في بعض نقاط التقييم وإن كنت لا اعترض إن مفيش عربية كاملة وحتى البنز عمرها ما هتجيب ٥/٥ في كل نقاط التقييم

قوة التحمل : * * * 5/3
البدى الخارجى : * * * 5/3
نظام حقن الوقود : * * * 5/3
الاحساس بالارتفاع : * * * 5/3

بالنسبة للسرعات العالية فهي تستحق فعلاً ٣ / ٥ لأن الفتيس Very Close Ratio ودة بيخلي التسارع عالي لكن على السرعة العالية ال RPM بيكون كمان عالي

Thanks
Eng.Sherif Shaker

يا ريت يا باشمهندس شريف ، تشرحلي بصورة مفصلة موضوع السرعات العاليه ده ، عشان مش فاهم بالظبط ، يعني مثلا هيه اخرها 184 فعلا ، ولا المشكله ان التسارع على السرعات العاليه بيكون ضعيف ، ولا ايه ؟

**crazylambada** · 17-06-2008 02:39 AM

التسارع على السرعات العالية ليس رياضي

**Eng.Sameh** · 17-06-2008 02:40 AM

المشاركة الأصلية كتبت بواسطة crazylambada

يا جستز المشكلة ان العربية وزنها اتقل من الاوكتافيا A5
بره بينزلوها بمواتير 2000 سي سي فيما فوق
غير شواحن التربو و موضوع تاني خالص
انا في رايي تستنى سنة كمان
لاني عندي معلومات ليست مؤكدة مئة في المئة ان الليون او بمعنى اصح ان كل سيارات مجموعة الفولكس ستنزل بمواتير 1400 سي سي 140 حصان Tsi
عدا الاوكتافيا و الرومستر

الموتور ده موجود من دلوقتي في عربيات فولكس ، وموجود بره في الليون ،

بس مشكلته انه رسمي لازم 95 ، عشان معدل الضغط فيه عالي عن المواتير التانيه ، وانا مش حمل 95 يا محمد يا اخويه ، ده انا بمشي يوميا حوالي 150 كيلو ل 200

**crazylambada** · 17-06-2008 03:05 AM

اسلام مشهور لما جرب فولك جولف بالموتور الجديد قال ان 92 يمشي معاها لكن مش حيبقى بنفس الكفاءة
و متنساش كمان ان العربية استهلاكها في البنزين حيبقى قليل قوي
لانها في الاول و الاخر 1400 سي سي

**fahd_628** · 17-06-2008 03:48 AM

يا ريت يا باشمهندس شريف ، تشرحلي بصورة مفصلة موضوع السرعات العاليه ده ، عشان مش فاهم بالظبط ، يعني مثلا هيه اخرها 184 فعلا ، ولا المشكله ان التسارع على السرعات العاليه بيكون ضعيف ، ولا ايه ؟

قصد البشمهندس شريف ان نسب التخفيض فى التروس مش عالى يعنى فى بعض العربيات لما تمشى 100 تلاقى ال Rpm على 2750 و فية عربيات على 3000 و فية عربيات على 3500 حسب كل جيربوكس فى كل عربية و العربية الى على 2750 بتكون جايبة 100 دية نسبة التخفيض فيها عالية و الى مثلا بتجيب 100 على 3500 دية بتبقى منخفضة و دية الليون حسب كلام المهندس شريف ( مش معناة ان اللين عند 100 بتكون على 3500 Rpm دة مثال فقط ) هوة التخفيض مهم فى استهلاك البنزين بس مش مفيد فى التسارع خالص يعنى حتلاقى الموتور مخنوق و علية حمل تقيل و لو التخفيض مش عالى حتلاقى ان على السرعات الصوت بتاع الموتور عالى لأنك حتلاقى على 120 - 140 ال Rpm ممكن يوصل 4500 فا حتلاقى طبعا الصوت عالى + انة اجهاد للموتور انك تمشى كتيير على Rpm عالى

مشاهدة نتائج الإستطلاع: أيهما افضل اجمالا

الموضوع: ليون .. مازدا3 .. سيفيك

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مازدا3 و سيفيك من وجهة نظر مازداوية

مساعده :سيفيك ام ليون ؟

سيفيك 2009 vs مازدا3 2010 vs بي إم 2004

تقييم المستخدمين ل(سيفيك-كورولا-مازدا3) فيديو

سيفيك ولا امبريزا ولا مازدا3.

الكلمات الدلالية لهذا الموضوع

المفضلات

المفضلات

ضوابط المشاركة