انا عارف انه غلط امشى بيها بس المشكله الكبوت مش بيتفتح ولازم انزل اجيب الخزنه بتاعت الباور واجيب سمكرى يفتح الكبوت ... فمش عارف امشى بيها من مدينه نصر للحرفيين واعملها هناك ولا هيبقى خطر على الطرمبه ؟؟
وراجل فعلا ابن مره علشان يدوس فرامل بكل قوته واكيد مبصش وراه .. ومعندهوش نور ورا والخبطة حدفته فى نزلة النفق وانا مع الخبطه والارتباك ركنت وهوه كان طار :@
العربيه بقى بى ام الفئه الخامسه موديل 92 -97 عضمها ناشف :@
يلا الحمد لله وعامة النفق ده بيحصل عنده مهازل .. وانت خارج من التجمع النفق اللى بيطلعك اتجاه المعادى
تلاقى ناس تقف مره وحده وترجع بضهرها سواء ركن على اليمين او الشمال مش فارقه واللى بيجى عكسى بوشه وحاجات ما يعلم بيها الا ربنا مع انه لو دخل شارع التسعين هيلف من غير ميعرض نفسه او غيره للخطر بس اقول ايه ثقافه شعب عمرها ما هتتغير .. حسبى الله ونعم الوكيل
المفضلات