الموضوع: عملت حادثه يا رجاله :((

المشاركة الأصلية كتبت بواسطة ahmedeihab

الف سلامه عليك يا كبير
شيل بقا الصوره مش ناقصه عين و الله يا عم وائل انت عارف ان الهوندا محسوده يا كبير
المهم انك كويس و فداك اى حاجه فى الدنيا
انا و الله لو عندى حاجه اساعدك بيها بس للاسف انت عارف انا بريليود
^_^

الله يسلمك يا ابو حمييد ... الحمد لله على كل شئ يا باشا ويا باشا من غير اى حاجه انا عارف ان كل الرجاله هنا تسد فى اى حاجه ربنا يديم المحبه يا كبير تسلملى :)

المشاركة الأصلية كتبت بواسطة semsem kane

الف سلامة عليك ياوائل والحمد لله انها جت على قد كدة , وانا كلمتلك واحد قالى هيشوفها موجودة ولا لأ ويبعتهالى ,

ونصيحة منى الرفرق دة يتغير احسن تمنة 250 جنية هاتة من عند zoza فى الحرفيين حاجاتة كويسة ورخيصة وانا بعت حمدى لية الاسبوع اللى فات والحمد لله لقى عندة اقل الاسعار مقارنة بالخارج كان عامل 250 جنية او 275

وطبعا زى ماقولتلك فى التليفون ماتمشيش عليها عشان مايبوظش الطلمبة والاسكاترا , واى حاجة ياباشا نجيبهالك لحد عندك والله مش كلام وبجد

[color="rgb(139, 0, 0)"]خلاص يا سمسم هغير الرفرف وامرى لله ..والكبوت برضه بايظ خالص عامل تمويج كتيير واصلا هوه كان وحش وكنت هغيره وانا بشد العربيه علشان واخد معجون كتيير مش عارف برضه اغيره ولا هيتظبط ؟ مش باين اوى فى الصور هبقى اصوره كله ...وبالنسبه لعلبه الباور خالد فوكس قالى عنده واحده مخرجين دى تركب عندى ؟ علشان مش فاكر بصراحه كام مخرج !!
ويا باشا من غير حلفان والله عارف تسلملى يا هندسه لو فيه اى حاجه اكيد هكلمك :)[/color]

المشاركة الأصلية كتبت بواسطة no comment

قدر الله وما شاء فعل ... معلشى يا وائل الظاهر انه دور وبيلف علينا .

[color="rgb(139, 0, 0)"]اه مش عارف فيه ايه :((( .. على فكره يا جدعان محمد ممدوح عمل حادثه جامده وكان فى المستشفى لسه عارف من شويه :( [/color]

المشاركة الأصلية كتبت بواسطة wellfine

قدر الله ما شاء فعل
ودايمآ فى قضاه رحمه و الحمد لله
الرفرف مش هيرجع تاني زاى الاول ولكن ممكن تسمكر بس هبوظ شكل العربيه
المهم لو محتاج سمكري موجود
لو محتاج اي حاجه تانيه إنشاء إحنا معاك

[color="rgb(139, 0, 0)"]انا يوم الجمعه ان شاء الله هشوف حوار العلبه ده واظبط الدنيا وبصراحه لسه مش عارف اعملها فين وربنا يخليك يا كبير والحمد لله طبعا على كل شئ ... الحمد لله انها جت على قد كده [/color]

المشاركة الأصلية كتبت بواسطة ahmed_hamdy

خير يا وائل الف سلامه لسه طارق حكيلي امبارح الحمد الله انك بخير

[color="rgb(139, 0, 0)"]الله يسلمك يا ابو حميد .. الحمد لله بسيطه :)[/color]

المشاركة الأصلية كتبت بواسطة haythamkmal

الف سلامة و الحمد لله انها جت على قد كده ، انا لسة على الصحراوى تاكسى اسكندرية طلع من ملف و قطع الطريق قدامى وانا ماشى على 160 بس ربنا ستر وعرفت افاديه .

انا مش هضيف على الى الناس قالته بس الافضل انك تغيير الرفرف ، متمشيش من غير زيت باور

[color="rgb(139, 0, 0)"]
بالله عليكم يا رجاله كله ياخد باله اليومين دول وهوه سايق علشان فيه حبه اغبياء بيسوقوا اليومين دول :@ ربنا يستر طريقنا كلنا والف شكر يا هيثم باشا وخد بالك ربنا يسترها معاك ان شاء الله [/color]

المشاركة الأصلية كتبت بواسطة abo-berry

قدر الله وماشاء فعل ,حمدلله على سلامتك يا ويللو
بس شكلك عملت حاجه وحشه فى عيد ميلادك يا خلبوس

متقفشوش بقا كده يا عم يحيي سيب الراجل يعيش عيد ميلاده اللى مقالش عليه
عمتا انا دلوقتى مش عارف اقولك كل سنه و انت طيب ولا ربنا معاك
^_^

ألف سلامة عليك
وقدر الله وماشاء فعل
الحمد لله انك بخير
وربنا يسترها علينا من الاغبية دول