يا ريت ملاك جين 2 يشاركونا بخبراتهم ضرورى
اولا انا بشكركم جدا كل اعضاء الجروب لانكم فعلا فدتونى جدا فى معرفه مزايا جين 2 الجميله فعلا :beat5::beat5:
ثانيا : انا من المنصوره و بشتغل فى شركه ادويه و الاسبوع دا هجيب عربيه على اقساط 5 سنين
فا انا حيره كبيره جدا لانى فعلا معجب بالجين 2 و بامكانيتها الرائعه و كمان ركبتها كتير على طرق مع واحد صاحبى و فعلا ثباتها ممتاز و مميزه جدا بنسبالى كسياره :Copy of m-s5:
لكن انا قلقان جدا من موضوع قطع الغيار لان العربيه هتكون قسط على 5 سنين و انا مش هكون حمل مصاريف كتير مع الاقساط :brn::brn:
واغلب الناس بتنصحنى بفيرنا لان سعرها مناسب و قطع غيارها متوفره و رخيصه جدا :fun_10_9_134[1]:
فا انا عاوز من ملاك جين 2 انهم يفيدونى فى اسعار قطع الغيار و هل هى متوفره برا التوكيل و فين و اسعار القطع الاستهلاكيه او الفوانيس و المساعدين و المرايات و القطع المعرضه للتغيير واسعارها مثلا
يعنى مثلا اقدر احط ميزانيه كام لقطع الغيار و الصيانه فى الشهر تقريبا كام علشان اكون عامل حسابى خصوصا انى ملتزم باقساط شهريه مش صغيره و كمان تأمين
و بالمناسبه لو حد عنده نصيحه بخصوص شركات التأمين او افضل شركه أأمن معاها و أمن تبع المعرض ولا دايركت من شركه التأمين افضل لانى محتار بين " مصر للتأمين و كونتاكت كار "
معلش لو كنت طولت عليكم بس انا محتاج اخد قرار نهائى الاسبوع دا ضرورى :00020191: