يا ريت ملاك جين 2 يشاركونا بخبراتهم ضرورى

**mina_888** · 14-05-2012 04:03 AM

اولا انا بشكركم جدا كل اعضاء الجروب لانكم فعلا فدتونى جدا فى معرفه مزايا جين 2 الجميله فعلا

ثانيا : انا من المنصوره و بشتغل فى شركه ادويه و الاسبوع دا هجيب عربيه على اقساط 5 سنين

فا انا حيره كبيره جدا لانى فعلا معجب بالجين 2 و بامكانيتها الرائعه و كمان ركبتها كتير على طرق مع واحد صاحبى و فعلا ثباتها ممتاز و مميزه جدا بنسبالى كسياره

لكن انا قلقان جدا من موضوع قطع الغيار لان العربيه هتكون قسط على 5 سنين و انا مش هكون حمل مصاريف كتير مع الاقساط
واغلب الناس بتنصحنى بفيرنا لان سعرها مناسب و قطع غيارها متوفره و رخيصه جدا

فا انا عاوز من ملاك جين 2 انهم يفيدونى فى اسعار قطع الغيار و هل هى متوفره برا التوكيل و فين و اسعار القطع الاستهلاكيه او الفوانيس و المساعدين و المرايات و القطع المعرضه للتغيير واسعارها مثلا

يعنى مثلا اقدر احط ميزانيه كام لقطع الغيار و الصيانه فى الشهر تقريبا كام علشان اكون عامل حسابى خصوصا انى ملتزم باقساط شهريه مش صغيره و كمان تأمين

و بالمناسبه لو حد عنده نصيحه بخصوص شركات التأمين او افضل شركه أأمن معاها و أمن تبع المعرض ولا دايركت من شركه التأمين افضل لانى محتار بين " مصر للتأمين و كونتاكت كار "

معلش لو كنت طولت عليكم بس انا محتاج اخد قرار نهائى الاسبوع دا ضرورى

**a7mednour** · 17-05-2012 03:09 AM

والله ياباشا توكل على الله واشتريها ... انا برده من المنصورة زيك ..والحمد لله العربية مطلعه عيني بس على

قلبي حلوة ومش قادر استغنى عنها ... بس انا علشان كنت جايبها مستعملة ... بس حضرتك طبعا هتشتري

زيرو .. ربنا يحفظهالك .. فما تشيلش هم قطع الغيار الا بعدها بفترة الا من غياار زيت وفلاتر وده ممكن تعمله

عند اي حد ... اما المشاكل الكبيرة لا قدر الله تروح التوكيل ... وبخصوص قطع الغيار الحمد لله هي متوفرة نوعا

ما في المنصورة وفي اكتر من واحد فتحوا في المنصورة تخصص بروتون .. انوي انت بس وتوكل وان شاء الله

ربنا يكرمك وترتاح معاها ...وربنا ييسرلك اللي فيه الخير ..

**saint2011** · 17-05-2012 02:59 PM

قناة السويس للـتأمين شركة محترمة جداا ونسبتها حوالى 4.25 % وطبعا دى نسبة مش قليلة عشان بروتون كماركة بيعتبروها مش منتشرة وقطع غيارها غالية نسبيا فتوكل على الله