من قهرتي ومن وكستي قلت اجي اشتكيلكم .يابلد.
هيا أيه حكاية البلد ؟! .كل ماتروح مكان. اول حاجة يقولهالك .حضرتك حاجز أو في ميعاد ، سواء رايح مستشفى ولا عيادة. ولا توكيل ولا حتى مركز صيانة .ادوات منزلية ولا حتى رايح تقابل اخوووك في شغلوا ولا حتى رايح تحلق شعرك !!!!.

حضرتك حاجز ولا في ميعاد مسبق تقولهم لأ .... يقلولك معليش احنا اسفين ... بالحجز ساعدتك .ياحبيبي. يا حبيبي وياحلاوة يا ولاد .وتقول ياسلام على النظام .والكمبيوتر والتكنلوجيا وياحلاوة على الادب يا ولالالالاد .، .المهم. فاشوف اقرب موعد واحجز فيه .واقول معليش اصلِ مش عايش في الفلاحين .ساعتي والمسئلة مش فوضى النظام حلووووووو .برضو ؟ .طيب خودلي يا ابني موعد ويديني موعد. ويقلي ارجوك متتاخرش على ميعادك. اقولوا من عنيا وانزل ابل ميعادي بتلات ساعات .ولمن اوصل للمكان الي رايحلو. .واوصل بالدقيقة والثانية. ها الدكتور جه .انا واخد موعد .وجيت بالدقيقة والثانية زي ما حضرتك قولتيلي .... ابص الاقي الواد السكرتير ولا البت السكرتيرة او التمرجية. .الاقيها تدحك .وتقلي واللهِ انتا زي العسل اتفضل استريح .زمانوووو جي ، .وابصلها بنظرت استغراب واقول يالهووووووووي هو لسه مجاش اساساً. .اومال الناس الي قاعده دي كلها .هتخش ايمتى !!!!!.

ابص الاقيها تقولي لا مهما حاجزين زيك تماماً .اتفضل ساعدتك اترزع معاهم .لغايت مالدكتور يجي .... وبعد ساعتين ساعتين. الاقي الافندي شرف وابص الاقيه يرمي السلام كده من غير نفس حتى مايعتذرش على التاخير. ولا. كان في شوية بهايم وبقر كان قاعدين مستنينووو من بدري ، طيب عبرنا حتى .واطلبلنا اتنين شاي ده ريقنا نشف من كتر القاعده ..

المهم المشكلة مش بس في الدكتور ياريت الموضوع موضوع دكتور كنا قلنا اهو دكتور برضووووا وشايف نفسوو ... .
لكن اني اروح احلق عند حلاق مشهور واقول خليه يزبطني والناس بتشكر فيه والاقي .الحلاق بيقولي حضرتك متصلطش ليه قبل ما تيجي .... أاااااا أ الله !!! هو انا جي عند حلاق يا خويا ولا جي ازور خالتي ... ابص الاقيه اتنرفز ويقولي لأ ارجوك انا مش حلاق ، كوااااااافير لو سمحت !!! ههههههههههههه واللهِ عشنا وشوفنا الحلاق بقه اسمو كوافير !!! ياسعت الكوفير اساساً اساساً. اسمك مزززززين .... وابص الاقيه لابس البدلة بتاعتو وفوقيها بالطو ابيض تقلش دكتور بسلامتووو وقاعد ياكولي شعره من هنا وشعرة من هنا تشيك شاك ....

ده حتى .ياراجل يامؤمن .استغربتلك لمن العربية باظت وبدل مالتوكيل يخلي عند امو دم ويبعتلي ونش يشيلها. علشان يصلحها. جايب العربية على ونش للتوكيل وابص الاقي الواد الي على البوابة يقولي حضرتك هو فيه حجز !!!!!.

ده حتى لو خدت مراتك لاي دكتور ولاده وهيا بتولد لازم بالحجززززز .... مينفعش تيجي كده على طول ... وإلا خودها عند اي مستشفى طوارئ !.

حجز حجز حجز حجز ... تحسسك ان البلد دي فيها نظام وفيها مواعيد ... والمصريين يا مشالله .أخر حاجة يفكرو فيها .هيا الالتزام بالمواعيد ... يمكن يفكر في لمعت وورنيش جزمتو اذا كانت جزمتو متلمعه ولا لأ وعمرووو ابداً مايفكر .يعني ايه في ميعاد وفي ناس مستنياه ومواعيد لازم تحترم !!!.

واذا اتاخر عليك وشافك زعلان منووو يبتدي يفتحلك دوسيه وارشيف الاعذار معليش مقدرتش اجي اصل جوز خلتي .تعيش انتاااا ، اصل امي تعبت ، اصل ابويا كان بيولد ، اصل العربية عجلتها فسيت واطريت اروح اصلحها كانو بيعمل عمرة للعجلة .... اصل الطريق كان زحمة وواقف رغم انك جي من نفس طريقوا والدنيا سالكة ....

وعلى هذا الحال يا عبدالعال .... مفيش احترام للمواعيد ابداً
طيب سؤال هنا يامصريين يا ولاد المصريين مدام انتو مبتحترموش مواعيدكم اومال بتقولولنا احجزوووووووو ليه .... .ايه فايدت اني احجز ميعاد وانتا مش هتحترم الميعاد ده خالص . ويمكن متجيش ... ها حد يجووووووبني !!! حد يفهمني !!! انا هتجننننننن !!!