الموضوع: دليل الصنايعيه الشطار الطيبين

اخوانى الدايويين
سلام الله عليكم ورحمة الله
يوم الجمعه نزلت اوصل جوز اختى وهو صديق بالمنتدى برضه عشان عربيته كانت بعافية وبعد ما وصلته ربنا رزقنى برجل كبير فى الثمانين كده بالمستريح قرر فجاءه يعدى ضربت فرملة والحمد لله هو بخير وعدى وهو بيبص على الحادثه باستغراب
المهم انا اتخبطت بس الحمد لله الخبطه جت فى الاكصدام منكسرش بس انبعج شويا والشنطة فكت شويا من ناحية الاكصدام انا كنت ناوى على شد العربيه ورشها والحمد لله انى استنيت
دلوقتى انا ليا طلب من كل قلبى محتاج سمكرى وبوهيجى كويسين ولاد حلال شطار بجد مش اونطه وفى نفس الوقت مش سفاحين عشان اشد العربيه
وكمان عندى زرجينه فى القنطره وشغل فى الكبوت كان واحد سمكرى قالى يتغير بس انا شايفه مش محتاج فعاوز صنايعى يتقى الله وفاهم يشتغل فى العربيه افيدونى افادكم الله واهو ممكن نعمل دليل للصنايعية والمراكز المحترمه ونصنفها واهو تعم الفايده علينا كلنا ولا اراكم الله مكروه فى اكصدام لديكم.....

مش مهم المكان انا ساكن فى السلام
بس موضوع السمكره والدوكو ده حوار كل واحد سعر ولازم تكون مجرب الصنايعى وواثق من شغله انا صاحبى كره نفسه من موضوع شد العربيه وكمان فيها حوارات واشتغالات كتير عاوز حد فاهم وعنده ضمير ومش مهم المكان