الموضوع: سؤال للابيزاوية وارجو الرد

المشاركة الأصلية كتبت بواسطة mado4ever

الف شكرا يا رجالة عالمتابعة وسرعة الرد بس كان عندى سؤال اخير بس ولو فيها رزالة
لو حبيت اجيب نص زى ما الاستاذ ايهاب منصور بيقول دة حيبقى فى حدود كام كدة ؟؟

طبعا كلام المهندس ايهاب صح 100%
وانا أؤيده الرأي في موضوع النص دة

واهو منها كمان تقلبها شكل ال98 ويبقي ناقصك اكصدام خلفي بس

بص يا باشا
النص كامل بجميع محتوياته هيتراوح بين ال6500 وال7000 وان كنت اتوقع انه هيبقي اعلي من كدة بشوية نظرا لأرتفاع الأسعار الملاحظ اليومين دوول وقلة الأستيراد

انا شخصيا ارشحلك ال1400 الأنجيكشن
لأن بردو مع ال1600 هتضطر لتغيير اشياء كتير زي ال2000 بالظبط

لكن لو ال1400 مش هتحتاج لا لنص ولا لربع ولا اي حاجة غير المكنة وشوية رفايع
ولو الميكانيكي بتاعك شاطر هيجيبلك الكلام دة كله من نص

انا شخصيا اشتريت موتور محلول
بس ماهتمتش لأني مغيرتش مسمار غير الموتور

ركبته علي فتيسي وكنترولي وضفيرتي وفراملي وعفشتي وكل شئ بالظبط
موتوري كان 1000 انجيكشن

ربنا يوفقك لما فيه الخير

الموتور ال1400 كامل متكامل بيعمل في حدود ال3000 جنيه بكل حاجته
الكنترول بتاعه بحوالي ال250 - 300
الضفيرة بحوالي 200
التانك بالعوامة مش اقل من 500 جنيه
الموبينة متهيألي بردو سكة 150 - 200

يعني الليلة كلها هتدخل في 4800 - 5000 بالكتير بالمصنعيات

بس اهم حاجة العربية سعرها كويس ولا هتبقي محملة معاك ؟؟؟

لو هتحمل معاك سيبك منها وهاتها علي ابوها وكبر دماغك من قصة التسقيط والتغيير والقرف دة لأنها شغلانة مقرفة وبنعملها مضطرين

يعني لو العربية واقفة عليك بأكثر مثلا من 22000 يبقي كبر دماغك وش
لأنك لما تبيعها مش هتعرف تعلي عن ال26 - 27 بالكتير مووت

والله الموفق والمستعان
،
،

المشاركة الأصلية كتبت بواسطة mado4ever

الف شكرا يا معلم , انا تاعبك معايا والله
هو صاحبها بيتكلم فى 27 قابل للتفاوض و انا كنت ناوى اخلصها منه على 23 الف كدة مش اكتر
بس حوار التسقيط دة شكله متعب وشكلى كدة حغير رأيى واشوف حاجة على ابوها زى ما حضرتك قلت عشان انا عربيتى القديمة شبعتنى من الوقفة عند الصنايعية ومش عايز اجيب حاجة تدوخنى تانى

بالظبط كدة

خير ماعملت
الكلام دة كنت تعمله لو كان سعرها لقطة
يعني لما تقف عليك بعد كل المصاريف ب 27 يبقي حلو اوي
وتركب وتستمتع
لكن اجيبها ب 23 واصرف عليها قيمة 5 -6 وبعدين اجي ابيع تجيب 25 يبقي حرام عليك

انت ممكن تجيبها واقفة علي حيلها زي ما بيقولوا ب 25 - 28 اخرها
ولو قابلت حاجة تاني قولنا عليها

والله المستعان
،
،