طب ما تشوف اللوجان بر ضو
عرض للطباعة
طب ما تشوف اللوجان بر ضو
إلى السي محتار :
توكل على الله وإشتري الBYD ... ممتازة بامتياز كبير أيضا"..
أنا من سورية ... وأنا رح إشتري ال BYD F3 AUTOMATIC يعني ( فول اوبشن ) المواصفات جميلة جدا" وأنا دوّرت با لنت كتير قبل ما قرر .... واخيرا" قرار نهائي غير قابل للطعن : BYD وبس ...:S_thum1[1]:
اللة ينور عليك
عندك بوتون ساجا 62 الف ممتازة
السيارة لولا إنها رائعة وليس بها عيوب الصناعة العجيبة كباقي السيارات الصيتية لكان التوكيل فشل في بيعها نهائيا لأنه مش عامل لها أي دعاية أصلا فهي عاملة لوحدها دعاية لنفسها
العربية دى حلوة وقطع غيارها مضمونة وموجود اليابانى بتاع كل قطعة وموجود الصينى بتاعها الموتور ميتسوبيشى وممكن تتاكد من رقمة فى النت والعفشة عفشة الكرولا 2005 والبودى موجود فى التوكيل ولو رجعت للمواضيع الخاصة بها هتلاقى اسماء محلات قطع الغيار وارقام تليفونهم كلمهم واعرف منهم تانى عربية ارشحهالك الاسبرينزا 516 موديل 2010 تم تلافى كل عيوب العفشة فية راجع قسم الاسبرينزا فى المنتدى اول 10 صفحات فية اما الانوس فدى تكنولوجيا قديمة وسفاحة بنزين وكماليتها على ادها والفيرنا موتورها محترم جدا بس ضيقة وملهاش ثبات على السرعات العالية وفراملها ضعيفة ومفيهاش اى بى اس اة اى بى دى او ايرباج وبرضة مش موجودين ى الانوس وعلى فكرة شكل الفيرنا قديم جدا وفكر واسئل الناس اللى ركباها والناس اللى كاتبة عنها فى المنتدى
انا عملت بيها لحد الان 35 الف غيرت مساعد بس علشان كنت خبطت فى مطب محترم فخرب واحد فيهم غيرته بتويوتا كرولا و كشفت على عفشتها اللى ورا برضوة تتغير بتويوتا كرولا
انا حقولك حاجة وحده
اول لما نزل اليابانى فى مصر كل اللى كان عايز يشترى كانت الناس تقوله خليك فى الامريكى او الالمانى او حتى الفيات فى هذا الوقت
وبعدين حقق نجاح كبير وسعره بقى عالى
ثم نزل الكورى نفس اللى اتقال على اليابانى وبعدين ايضا نجح وسعره ارتفع برضة
ولما نزل الصينى برضة نفس اللى اتقال على المركات السابقة وبرضوا نجح و سعرة بيعلى كل يوم
الخلاصة اننا شعب بيخاف من كل ماهو جديد
وللى طلع اشاعة عن ان الصينى او اليابانى و حتى الكورى هما الميكانيكية علشان يكلوا عيش لان خبرتهم فى التكنولوجيا الحديثة محدودة و اللى بيفهم منهم راح اشتغل فى معظم التوكيلات الحديثة لهذه المركات
سيبها على الله و توكل انا مش بدافع عن العربية لان عندى منها ولكن الامانة مهمة بصراحة
العربيه فوف الممتازة وبكرة الايام حتثبت للناس .
يا ريت تفيدنا بكل المعلومات اللي حضرتك جبتها ...علشان كلنا نستفيد ... بس مش من مواقع صيني لو سمحت .... من موقع مشهورة لو سمحت ...وبعدها حارد على حضرتك ,
أما الأخ اللي بيسأل ... ابعد عنها لانها عربية تعبانة ..... بص على خامة تابلوه العربية وشكله .... سيبك إنه شبه الكورولا .... خامته تعبانة ... الصاج ممكن يبقى كويس كحديد , بس العربية دي مشهورة إنها بتفك من بعضها.... بص في الشارع حواليك وشوف العربيات اللي بقالها سنة ولا 2 وإنت حتفهم أنا قصدي ايه ؟
نسيت اقولك حاجة ....
كوريا وقبلها اليابان لما جم يعملوا عربيات كان السوق اللي حاطينه في دماغهم اوروبا وامريكا , الصين السوق اللي بتفكر فيه العالم التالت وده مش علشان يساعدوهم , لأ علشان عارفين إنهم هناك ممكن يبيعوا أي حاجة طالما رخيصة , مهما كانت جودتها , وحتى لو معدلات الأمان فيها وحشة .... من باب هم لاقين ... يحمدوا ربنا ...
ولإن أغلب الدول ومصر أولهم ملهاش مواصفات معتمدة وقياسية للعربيات ...هم حاولوا يبيعوا في اوروبا وامريكا واتمنعوا من البيع هناك علشان موضوع المواصفات وال جودة .... بس هنا كله ماشي
الظريف إنك لو شفت اخواتنا بتوع ال byd حيقولوا إن السبرانزة زبالة وال صيني كله زبالة ماعدا ال byd ولو سألت بتوع اسبرانزة حيطلعلك في الصيني القطط الفاطسة .... ماعدا الاسبرانزة .... والإتنين صح ماعدا في نقطة واحدة ...الصيني كله تعبان وحرام فيه الفلوس مش لا دي ولا دي
التوكل على الله وهات عربية زي اللوجان, ولا الساجا..... أو حتى اللانوس مع إني لا احبذها ... بس ارحم من الصيني كله