العربيه byd f3عجبانى موووت بس انا خايف اشتريها عشان هى صينى وبعدين قطع غيرها بكاااام بصراحة انا محتار هى ولا لانوس 2008 الاتنين بنفس السعر تقريبا ممكن حد ينصحنى ويفدينى دى اول عربيه اشتريها شكرا
عرض للطباعة
العربيه byd f3عجبانى موووت بس انا خايف اشتريها عشان هى صينى وبعدين قطع غيرها بكاااام بصراحة انا محتار هى ولا لانوس 2008 الاتنين بنفس السعر تقريبا ممكن حد ينصحنى ويفدينى دى اول عربيه اشتريها شكرا
انصحك تجيب حاجة مستعمل بالفلوس دى هات اوبل فيكرتا او كورولا او لانسر تعسينااااات
اصلى انا هجيبها على البنك 25% مقدم عشان كده قررت اجيب جديد
لو قسط خليك في المضمون معاك فترة القسط
و متخاطرش
لانوس او فيرنا
بلاش صيني قسط بدل ما العربية يحصل فيها حاجة و تبقي مركونة و انت لسة بتدفع اقساطها .. هات لانوس احسن
صدقني يا صاحبي العربية ال f3 عربية ممتازة انا بعد تجربة وتنطيط ومقالات علي النت واحصائيات انا قررت اجيبها بجد عربية ممتازة انت ممكن تبعت اميلات هنا بالمنتدي للي معاهم العربية دي وتسألهم وده فعلاً اللي انا عملته وكانت النتيجة ممتازة اكتر من ممتازة كمان دوس وتوكل علي الله .
خليك خايف احسن
هات لانوس او فيرنا احسن من الصيني100 مرة
متجبش عربية صينى قبل مرور على الاقل 7 سنين على تجربتها فى مصر...انت عارف ان التجربة فى مصر و سككها و مطباتها غير فى اى منطقة تانية فى العالم...خليك فى اللانوس او الفيرنا فيفا..او ممكن تشوف البروتون ويرا لو فى منها انتاج جديد
رايي من راي الجميع
لانوس او فيرنا
انت خايف من المتانة ولة من الريسيل؟
المتانة ممتزة متخفش منها لكن لو على الريسيل فده طبعا بيكون فى علم الغيب و اللى خلانى اجيبها انها المتور ميتسوبيشي يعني قطع الغيار بقت معروفة للمتور و العفشة كورولا يعني برضوة بقت معروفة
غير انها حتتجمع فى مصر قريبا ان شاء الله و ده ميزة انها حتنتشر ان شاء الله يعني ان شاء الله حيكون لها ريسيل والله اعلم بالغيب طبعا
و طبعا الصيني حينتشر غصب عن اى حد ادىالاسبرانزا انتشرت و كان الواحد بيقول اكيد حتفشل
زى اليابانى زمان برضوة ادى اليبانى مولع نار فى السعر بعد لما كان رخيص