اجيب ايه لانوس s ولا byd f3

**walidexbo** · 14-06-2008 05:34 PM

هشترى عربية ومش عارف اعمل ايه الصينى جميلة اوى بس مخوفانى مووووووت

**eng / AhmeD** · 14-06-2008 06:20 PM

حضرتك قصادك اختيارات كتير
عموما ال f3 كويسة و محدش اشتكي منها
بس توكيل مش جامد اوي
و عدم انتشار يقلق (مع العلم انه بيتقال انها هتتجمع هنا و لو ده صح يبقي فل اوي)
عكس طبعا الانوس المحفوظة و المنتشرة و قطع غيارها في متناول الجميع
و عندك الفيرنا المصري
و الفيفا
و الافيو
و الاسبيرانزا
و الشيري a15
و في احتيارات كتير

عموما لو هتجيب قسط فكر في المنتشر و المضمون عشان قطع الغيار و اعادة البيع
عشان يبقي امان ليك اثناء فترة التقسيط

**Ahmad Allawy** · 14-06-2008 07:08 PM

لو اشتريت صيني هتبقي رميت فلوسك في الارض..
الصيني لخد دلوقتي منظر علي الفاضي.. الا قليل قوي منه..
وه من كلام ناس معاهم عربيات صيني.. مش باقول كلام من دماغي ولا باعادي العربيات الصيني..
ليه تجازف لما قدامك اختيارات تانية معروفة و متجربة.. و سعرها ماسك نفسه في السوق..
و توكيلاتها معروفة.. و كفاءتها معروفة برضه..

وحتي لو هتتجمع هنا.. ده يبقي اسوأ.. يعني العربية اصلا لو كانت مش حلوة.. يبقي هتبقي ضايعة.. و احنا عارفين معني التجميع المصري ايه.
يعني التقفيل الصيني يمكن ارحم بكتير..