هههههههههههههههههه
بص .. انا مش هقارن بحد خلاص. كل واحد مبسوط بعربيته ربنا يباركله فيها وعمرنا ما هنتفق على حاجه :]
جبت انا كده المفيد :d
بصراحة انا اركب النترا 2012 (او i30) و مركبش السيفيك الجديدة دي خالص و الله لو بنفس السعر كمان !!!
عارفين لية عشان اللي عملته هوندا مع السيفيك دا اسمه قلة أدب و استخفاف بالعملاء بتوعها ... يعني اية جيل جديد كلياً ينزل بنفس المجرك و الفتيس و نفس كل حاجة من جوا !!!!!( ولو في مصر و الشرق الأوسط بس انا معرفش في امريكا اية النظام)
العربية مصرفوش عليها مليم يا جماعة غير انهم بوظوا شكلها من ورا و كمان نزلوها بجنوط اصغر في البيز لاين و كمان اغلى من الأقدم
هوندا لو كملت في الإتجاه دا هيبقى مصيرها زي تويوتا = BORIIIIIIIIIIIIIIIIIIING
في كوريا الكوري مكتسح , في اليابان الياباني مكتسح , وماليزيا الماليزي مكتسح , وهكذا
في اوروبا الكوري ملوش سوق ولا الاسيوي على بعضه
في امريكا بقى الياباني والكوري عاملين شغل عالي ( خد بالك ان الكروز والالنترا والباسات ومعظم العربيات هناك تقفيل امريكي ) يعني صناعة البلد هي دايما اللي بتتصدر
هو انا كدة مش حيادى دة انا بشتم فى السيفيك 2012 اعمل اية اكتر من كدة تانى انا اعتبرت ان السيفيك 2012 مانزلتش اصلا , مافضلش غير حاجتين اعملهم عندك حق فعلا ( اشوف اى حد معاة سيفيك 2012 اولعلة فيها + اعمل ثورة يوم الجمعة القادمة واعلن فيها تسقط تسقط سيفيك 2012 + حملة مقاطعة على ال face book للسيفيك 2012 )
شوف ياباشا من قديم الازل والسيفيك سابقة عصرها لدرجة ان مافيش حد يقدر يحدد موديل العربية لو مايعرفش عنها هل هو قديم ولا جديد
بالنسبة للسيفيك 2012 طبعا شكلها تقليدى جدا والالنترا احسن منها وعصرية فى الشكل انا ماقولتش حاجة , والخامات مع ان الاتنين بلاستيك بس بلاستيك الالنترا افضل من اللى موجود فى السيفيك 2012 , الاوبشن طبعا اكتر فى اللالنترا , السعر اقل فى الالنترا كل دة انا معاك فية
بس لما وجيت بقى عملت الكلام على السيفيك 2010 ال vti هاقولك انسى السيفيك 2010 افضل بمراحل من الالنترا 2012 وعن تجربة ( مسألة الشكل ازواق ودية وجهة نظر حضرتك ) بس فية حاجة عايز اقولها شكل الالنترا حلو انك تبصلة اول مرة بعد كدة مافيش الجاذبية اللى تخليك تبص عليها , بعكس شكل السيفيك 2010 تحب تبص عليها حتى مع مرور 5 سنوات على نزولها الاسواق وانتشارها فى الشوارع ودية بردة وجهة نظرى
باشا انت على طول بتقول خامات الالنترا بلاستيك و وحشة... مش الالنترا فئات؟؟؟ اركب بقة فئة فولى لودد و شوف مستوى التشطيب و جودة الخامات اللى كلها جلد... نور التابلوة باليل و اتفرج على روعة التصميم و الجمال... جرب تقفل البيبان و شوف بتقفل بلمسة ازاى!!!! انا بتحداك تجبلى عربية فئة النترا 2012 يبانى (سواء كورولا - لانسر - هوندا - مازدا - نيسان) خاماتها و جودة الفنيش فيها افضل من النترا فولى لودد... العربية تصميم خارجى و داخلى و جودة خامات ابهار بمعنى الكلمة بالنسبة لفئة السيارات الكومبكت الاقتصادية و مش حتلاقى اكتر من كدة فى الفئة دى و بالسعر ده.... لو شايف حاجة يبانى افضل اتفضل قولى عليها و قولى افضل لية.
يعنى الالنترا الفولى لودد سعرها 155 الف (اقل من اول فئة سيفيك بخامات و اوبشن زباله) و خاماتها افضل بمراحل من السيفيك اعلى فئة اللى سعرها 200 الف!!! و افضل من اعلى فئة كورولا و شارك و مازدا كمان... معقولة بعد ده كله تقول خاماتها سيئة!!! هى دى الحيادية!!! سبحان الله
طبعا ده غير الاوبشن اللى بالهبل و وسع الصالون اللى تكتسح الالنترا بيهم اى عربية يبانى فى الفئة دى و بسعر افضل بمراحل بالمقارنه بالمنافسين دول... يبقى نرفعلها القبعة و نشكر فيها و نعترف بتفوقها و لا نفضل نتكلم على الماضى و تاريخ اليابانى و الاوربى!!!
أستاذ/ محمد ...
بالنيابة عن كل أعضاء "هيونداي تيم" و كل نجوم هيونداي
بأشكرك بشدة و بأحييك علي موضوعك الجميل و مقارنتك الحيادية و أن كان هناك أكثر من تعليق علي بعض النقاط التي ذكرتها و ليس المجال لذكرها الان
لكن بشكل عام الموضوع جميل و حيادي و مثال للمقارنة الصحيحة و أطلب من أعضاء "هيونداي تيم" ترشيح الموضوع ليكون من المواضيع المرشحة للقب افضل موضوع تقييم لشهر مايو و في هذه الحالة سيتم منحك لقب "نجم هيونداي الذهبي" لشهر مايو
انا بشكر حضرتك وكل الزملاء فى قسم هيونداى او الاقسام الاخرى وبجد كفاية تقديركم لمجهودى ويارب اكون موفق دائما وحيادى فى عمل موضوعاتى فى قسم هيونداى وان ربنا اراد ومنحت اللقب فدة تقدير كبير منكم ومن ادارة المنتدى ودة حاجة اعتز بيها وتقبل منى فائق التقدير والاحترام لحضرتك ولكل اعضاء قسم هيونداى .
devil storm انا معاك فى اللى بتقوله ومقتنع جدا بالالنترا وان هيونداى بجد متجدده جدا وسابقه عصرها بس صدقنى انا ركبت هيونداى النترا هاى لاين ومعايا شارك هاى لاين فرق السعر مع الامكانيات طبعا للالنترا لكن صدقنى فرق ركوبه وفرق عربية ثبات و شكل من وجهة نظرى و خامات للشارك بكتييير وشكراا ليك