الموضوع: مغامراتى فى الحرفيين و اسعار خياليه ^_^

[justify]حبيت احكى تجربتى مع بتوع قطع الغيار اللى فى الحرفيين
طبعا كلكوا عارفين انى بدور على موتور h22a المهم مفيش مكنه فى مصر توحد ربنا
غير عند زوزا و مش كامله و مش حلوه اساسا
قلت بلاها ناديه و ناخد سوسو
استقريت على b18c type r or b18c3 gsr
المهم بسم الله اتكل على الله على الحرفيين
اول واحد مجدى الدسوقى
دخلت لقيته قاعد بيتفرج على التلفزيون
السلام عليكم و عليكم السلام
عايز موتور b18c or c3
قالى ده موجود و ده موجود
قولت عنب الكلام ده عايز بقا اتفرج عليهم
قالى ماشى استنى الولا ييجى
استنيت لحد ما الولا جه
اخدنى و روحنا اتفرجنا على الموتور
لقيت فعلا موتور b18c بس بوش لونه اسود مش type r يعنى قولت و مالو
بس رايح النار و الموتور ده جرى بره اما قال يا بس لدرجه ان البويه اللى على الوش محروقه
قلت بلاها سوسو خلينا فى ناديه
رحت اشوف ال b18c3
لقيت نفس الكلام مواتيره هلكانه على الاخر و كلها زيت و مرشحه زيت من كل حته
قمتا واخد الولا ده ورجعنا تانى على المحل
ايوه يا عم مجدى مطلوب كام 10 الاف جنيه
ايييييييييييييييييييييييي ه ليه يا عم
ده الموتور مرشح زيت
ضحك كده و قالى هو ده اللى عندى
طب شكرا يا عم سلام عليكم
و قمت رايح عند كذا واحد كده سامح قالى عليهم مشهور و كريم ابو اصه
و كريم ابو اصه عنده مكنه بس انا مشوفتهاش لانه مكنش معاه مفتاح المخزن
و قالى عليها ب 13 الف جنيه b18c3
قلت بقا ايه اما اجرب كده اروح لمسعد و عدلى
قمت داخل عليه سلام عليكم
عايز موتور b18c or b18c3
قالى لا ده عندى ولا ده عندى
قلتله طب الاقيه عند مين قالى كمال نصااااااااااار خلى بالكوا بقا من الاسم ده
لان اللى فات كوم و اللى جاى ده كووووووووم تانى
رحت يا سيدى لمييييييييين عمكوا كمال نصااااااار
طلعت الدور التانى
سلام عليكم و عليكم السلام
عايز مكنه b18c or c3
قالى عندى مكنه type r زيرو
قالى بس استنى شويه
استنيت شويه
بضرب بعينى جوه لقيت ما شاء الله
انصاص ايفو بلعبيط و مواتير بلعبيط ايفو
انا مليش اصلا فيهم فا مرضتش اسأل على سعرهم
قالى اؤمرنى كنت عايز ايه
قلت يا فرج الله الراجل ده بيقولى انا اؤمرنى شكلك راجل محترم و شكلى هنفعك
قالى تعالى كده
روحت معاه قالى اتفرج
المكنه الله اكبر b18c type r على ابوه بلعفشه ال خمسه مسمار قدام وورا بلوش الاحمر
و موتور زيرو الزيرو مفيش فيه خدش
و من جوه الزيت متحرقش اساسا الزيت لسه بلونه
فا قلت ايه بقا اسأل بقا بكام و الله لو قالى ب 10 الاف لاخدها
قالى بلعفشه ولا من غير قلتله لاء طبعا بعفشتها
قالى طب انا هحسبهالك ب ب ب ب ب 32 الف جنيه
ايييييييييييييييييييييييي ييييييييييييييييييييييييه جاتلى خطه ووقفت باصص فى وشه اكتر من 10 ثوانى من غير ما اتكلم
جالى تقريبا صدمه فى دماغى قولتله طب ده رخيص اوى
اروح ابيع العربيه و اجى اخده منك
ايه يا عم السعر ده ده غالى جدا جدا جدا جدا جدا جدا جدا
قالى معلش اصل هو جاى غالى
كنت عايز اقوله كلمه اعتراضيه
بس قلت عيب مش هينفع
قمت نازل و انا واخد الصدمه قمت مكلم سامح و يحيي صدمتهم معايا اصل انا مش هاخد الصدمه لوحدى يعنى
لقيتهم هما كمان اتصدموا
بصراحه قفلنى من كل حاجه
سامح قام قايلى روح لواحد اسمه مانو
رحت لمانو بصراحه راجل محترم اوى اوى اوى
و قالى بص يا ابنى متتعبش نفسك
انا كان عندى gsr قعده 3 سنين كل بدلل انى ابيعها
و اللى عنده type r هينفخك
قولتله ما انا لسه شايف منفاخ حالا
قالى عند مين قلتله عند كمال نصار
قالى قالك كام
قولتله 32 الف جنيه ههههههههههههههههههههه ضحك و قالى تتربى فى عزه
سبته و مشيت و ركبت العربيه و انا مصدوم
و طبعا اليوم ده كله و يحيي و سامح معايا على الفون مسابونيش لحظه و يحيي كل شويه يكلمنى يقولى خد الرقم ده بتاع هوندا كلمه كل دقيتين و الله جدع جدااااااااا شكرا يا عم يحيي على الهوا اهو
و انا من كتر الاقام اللى اديهالى مبقتش عارف ده رقم مين و ده رقم مين و تهت وسطيهم
و طبعا سامح اللى انا داوشه على طول شكرا يا عم سامح على الهوا اهو بردو ربنا يخليكوا للهوندا يا رب
ادى قصه الاسعار المتخلفه اللى موجوده فى بورسعيد
و الله بيحسسونى انى كائن فضائى معاه ملايين و جاى اشترى منهم
تحياتى ليكوا يا هونداويه
^_^



[/justify]

المشاركة الأصلية كتبت بواسطة totti78ali

تسلم يا باشه على الدعوه الجميله و يارب تعمل كل الى انت عاوز تعملو فى عربيتك و تخليها 300 حصان

ربنا يخليك يا كبير
بس صعب هتييجى 300 حصان بدون شواحن
لما اشحنها بقا ساعتها ممكن افكر اوصلها ل 450 حصان ههههههههه
^_^