رينو لوجان او شيفورليه افيو

**Ramy_Tantawi** · 17-06-2008 04:57 AM

السلام عليكم,,,,,
لوجان للأسباب الآتيه:-
1-رينو اعتماديه عاليه وعلى فكره هي فرنسي الصنع تجميع روماني فقط مش صناعه رومانيا وهي موتور ميجان1 - 1600 - 77 حصان.
2-قطع الغيار متوفره وأسعارها في المتناول مش مغالى فيها وده راجع لاعتماديتها وانها معمره .
3- توكيل محترم جداً وبيحافظ على العملاء بتوعه جداً وخدمات ما بعد البيع عنده ممتازه .
4- لوجان مصنفه من البدايه انها سياره بسيطه والتكنولوجيا اللي فيها محدوده جداً للتقليل من الاعطال قدر الامكان والتسهيل على مالكيها بعمل صيانتها ببساطه دون اللجوء حتى للتوكيل ومع ذلك 3 نجوم أمان وايرباج وكمبيوتر معلومات لحساب الاستهلاك البنزين والتنبيه لأي مشكله في العربيه او خطأ معين والتنبيه بمواعيد الصيانه الدوريه .
5-الشكل طبعاً في الأول والآخر أذواق ويرجع لتقبل حضرتك لشكلها في الأول والآخر.

ومع ذلك برضه للأمانه هي سياره حديثه الطرح في السوق المصري وكل المعلومات اللي عندنا معلومات عامه صحيح من تجارب ناس لكن بره مصر واقصد برضه الاصدار الروماني منها وهي منتشره جداً بره ومحققه مبيعات عاليه جداً.......الافيو اقدم طرحاً في السوق وبالتالي قد تكون الثقه فيها أعلى من اللوجان واكيد ليها ملاك يقدروا يفيدوا اكتر ان شاء الله.