الرسالة دى بدأت تطلع لى من فترة...و طبعا بالنسبة لى حاجة غريبة لإنها عايزانى أزود زيت ..بالرغم من إنى محافظ على مواعيد تغيير الزيت و الصيانة..و بصراحة لا أذكر إنها صادفت أحد من قبل...
فقررت أروح التوكيل أعمل صيانة ال 75 ألف إللى مش بيتعمل فيها حاجة أصلا و بالمرة أغير فلتر التكييف و أكشف على العفشة علشان عندى صوت طقة على المطبات و أظبط زوايا
نتيجة الفحص....مطلوب تغيير ساعة و كولر زيت و كاوتشة شكمان و قاعدة موتور...فأنا وافقت بالرغم من عدم علمى بإيه هى ساعة الزيت و كولر إيه..لكن واضح إنها أمور تتعلق بالزيت و بالرسالة و أنا كنت ملاحظ هزة أثناء الضغط المفاجىء أو رفع الرجل المفاجىء على دواسة البنزين ففهمت إن أكيد القاعدة هى السبب...
هما طلعوا نتيجة فحص العفشة تقرير هلامى الحقيقة و عايزين يغيروا المقصات 1800 جنيه بالمساعدين 1300 جنيه بأطباق المساعدين 1600 جنيه و كمان علبة الدركسيون 3000 جنيه ...لكن أنا شايف إن كده كتير,,العربية عاملة 75 ألف كيلو و كل إللى باشتكى منه طقة على المطبات و هما لما ربطوا العفشة أصبح الصوت شبه معدوم و مافيش حدفة ( لم يقوموا بظبط زوايا على اعتبار إن عفشتى بايظة )....فقررت بحث موضوع العفشة لاحقا بعد التعافى من تكاليف الصيانة الحالية :)
الفاتورة
IMG_3790 | Flickr - Photo Sharing!
ال Cooler و أعتقد إنه مع ال pressure switch يبقوا الثرموستات لإن كان عندى مشكلة إن العربية بتاخد وقت طويل على ما تسخن الصبح و لما الطريق يبقى مفتوح درجة حرارتها بتقل و كنت عارف إن علاجها هى تغيير كوعة المياه بالثرموستات و فعلا الموضوع اتحل عندىو بقت العربية بتسخن على طول زى ما كانت و هى جديدة...بس لما شفتها قبل كده كانت معدنية و بتاعة موتور 2000 سى سى مش 1600 ..فياريت لو حد يعرف تبقى هى دى إللى فى الصورة بتاعة ال 1600 ؟؟؟ و لا دى حاجة تانية ؟
IMG_3785 | Flickr - Photo Sharing!
قاعدة الموتور
Engine Left Bracket | Flickr - Photo Sharing!
كاوتشة الشكمان
Exhaust Rubber | Flickr - Photo Sharing!
