السلام عليكم ورحمة الله وبركاته

معايا شاشة جايبها من السعودية وحاسس انها مابقتش ضرورية بالنسبة ليا

الى غير ان الفيوزات عندي فيها مشكلة مع الشاحن مش عارف كل ماشحن الفيوز بتاع الولاعة يبوظ وفيه ناس قالتلي انه تقريبا الفيوزات عندي ضعيفة او فيها مشكلة مش عارف

فقلت اعرضها للبيع

الشاشة عموما جايالي من شركة ادوية ومش مكتوب عليها اي ماركة فمش عارف بقى صانعتها ايه لان مش مكتوب عليها اي حاجة نهائيا

استخدمتها بالظبط اقل من شهر وكنت جايبلها حامل مخصوص مثبتها في الكونسول بس للاسف اتكسر فركنتها بعد كدة قلت اعرضها للبيع

هي فيها الامكانيات التالية :

1- GPS وعرض خرائط لكافة انحاء الجمهورية مع امكانية تحديد والوصول لاي مكان + كومبيوتر رحلات بيحسبلك فاضلك قد ايه وانت ماشي على سرعة كام وكافة المميزات بتاعة ال GPS و ال Navigation

2- بتعرض افلام وفيديو كليبات بس فيه صيغ معينة عشان تشتغل عليها غالبا Mp3 وفيه فيديوهات لو مساحتها كبيرة هتلاقيها بتعلق شوية ده للامانة يعني

3- بتشغل اغاني وبتتوصل بالكاسيت بتاع العربية من خلال موجة الراديو FM Transmitor بتظبط التردد بتاعها وتحط نفس التردد في الكاسيت عندك وبتشتغل على سماعات العربية

4- فيها كارت ميموري Micro مساحته 2 جيجا مع امكانية انك تشيل الكارت ده وتحط اي كارت باي مساحة اكبر براحتك

5- فيها بلوتوث وبتقدر تستقبل اي مكالمات تجيلك على موبايلك من خلالها وكذلك الرسائل وبتتصل منها وكل حاجة يعني بمجرد بتدخل عربيتك وانت موصل موبايلك بيها بيلقط معاها وبالتالي بتستقبل كل المكالمات والرسائل والاتصالات على الشاشة وبيطلعلك اسم المتصل ورقم والرسالة .. الخ

6- فيها حجات عادية يعني زي الالعاب والتقويم وعارض الصور

7- ممكن تشغلها زي الكوبيوتر فيها نظام ويندوز كدة بس انا مش فاهمه بصراحة ومش عارف اتعامل معاه

الشاشة معاها الحامل بتاعها اللى بيخليها تتلزق على الازجاج + شاحن الولاعة + شاحن وتوصيلة ال Usb بحيث لو عايز تحطلها حجات من على الكومبيوتر

حالتها نضيفة ومافيش فيها اي خدوش او كسور نهائيا

انا مش عارف بصراحة سعرها هنا في مصر كام او مش طالب سعر معين لكن اللى سال عليها ممكن يحط سعر مناسب وان شاء الله مش هنختلف

التواصل عبر الرسائل الخاصة او هنا في الموضوع او من خلال الموبايل

01000786222

ودي شوية صور للشاشة