جاتلى كذا مرة و الموضوع نصب
عرض للطباعة
جاتلى كذا مرة و الموضوع نصب
طب كويس
يعني اكبر دماغي
ابعت اشتمه
مش عشان هو نصاب والموضوع اشتغاله
عشان الحوار ده قديم اوي والناس كلها هرسته وده لسه بيستخدمة لحد دلوقتى
حتي النصابين معدش عندهم روح ابتكار
المدير القديم بتاعى جتلة الرسالة زى ماجتلى وطمع وكلمهم وراح قابلهم
المهم انة خد منهم تمثال مضروب طولة حوالى 30 سم وسابلهم 5 الاف جنية رهن لحد مايعرف يبيعة
واول ماعرف انة فالصو لقاهم فص ملح ودابو
ومن يومها وهو حاطة قدامة على المكتب فى الشغل وكل واحد يدخل المكتب ميعرفش الحكاية
يقولة ............اية رأيك فى التمثال الاثرى ده ......شارية بخمس تلاف جنية بس ..............................تشترى ؟؟؟؟؟؟؟
بس مش غريبه يا جماعه انه تتبعت للكم الكبير ده من البشر
يعنى كام واحد فى الموضوع واانا منهم اتبعت ليه الموضوع فى اماكن مختلفه ؟
يعنى النصابين فاضيين اوى كده وهيوصلوا للعدد ده كله من الناس
مش مرتاح للى بيعمل كده والله اعلم
الراجل ده كلمني على فكرة
هو قالك انه على قد حاله من الغيط للبيت و كدة و فجأة و هو بيعزق في الارض ...........
روح انا مقاطعه قولتله لقيت مساخيط صح
قالي عرفت منين
قولتله الي اداك رقمي قالي ان انت هتكلمني و طبعاً حاول يصيع بس انا كنت ركبب الحوار و قفل السكة
ده بقى في مرة واحد فطسني من الضحك
هو لهجته صعيدية شوية
كلمني بيقولي مش ده رقم ......... قولتله و انت عرفت ازاي ( هو اصلاً بيكلمني عليه )
قالي انا من شركة فودافون و حضرتك كسبت معانا بوتاجاز !!!!!!!!!!!!! بس لازم تحول 10 جنيه لرقم فودافون ........... و راح مديني رقم موبايل عادي
قمة الغباء طبعاً
قولتله ازاي الكلام ده
قالي حضرتك احنا في فودافون دايماً كدة بنحب نفاجئ العملاء المميزين زي حضرتك
قولتله مش القصد
قولتله انا مدير تسويق فودافون مصر و ما فيش الكلام ده و روحت داخل فيه شمال
قالي و الله غصب عني انا مش نصاب بس في واحد لسة عامل فيا الحركة دي و لهف مني 10 جنيه رصيد فقولت اعملها في حد و ارجع فلوسي
قولتله طب اعملها في حد قفل و نطع زيك تكون تعرفه
قالي ما انا ماليش في الكلام ده
قعدنا نضحك شوية و قفل