الموضوع: جماعه في حد جاته الرساله دي

المشاركة الأصلية كتبت بواسطة beautiful0mind

انا جاتلى كتيييييييييييييييييير اوى

بس اللى كانت جامدة ان فى حد فيهم كلمنى وفضل يرغى معايا

ويقوله انه من بنى سويف وان اللى أداله رقمى واحد حبيبى بس هو مش بيعرف يقراء ولا يكتب ومش عارف يقراء أسمى

ووصفلى المقبره وانه راجل غلبان وعايز حد يجبله مشترى وانا كنت فى سيلانترو وفتحت الاسبيكر وأصحابى حوليا وفضلت أكلم الراجل وكل اللى حوليا ميتين من الضحك وانا عامل رئيس عصابه .... وفالاخر قولتله ان انا مدير أمن القاهرة وانى تتبعت رقم الموبيل اللى بيكلمنى منه وان قوه من الشرطة فطرقها للقبض عليه دلوقتى ... ومافيش اى طريقة للهرب ...

الراجل ده كلمني على فكرة
هو قالك انه على قد حاله من الغيط للبيت و كدة و فجأة و هو بيعزق في الارض ...........
روح انا مقاطعه قولتله لقيت مساخيط صح
قالي عرفت منين
قولتله الي اداك رقمي قالي ان انت هتكلمني و طبعاً حاول يصيع بس انا كنت ركبب الحوار و قفل السكة


ده بقى في مرة واحد فطسني من الضحك

هو لهجته صعيدية شوية
كلمني بيقولي مش ده رقم ......... قولتله و انت عرفت ازاي ( هو اصلاً بيكلمني عليه )
قالي انا من شركة فودافون و حضرتك كسبت معانا بوتاجاز !!!!!!!!!!!!! بس لازم تحول 10 جنيه لرقم فودافون ........... و راح مديني رقم موبايل عادي
قمة الغباء طبعاً
قولتله ازاي الكلام ده
قالي حضرتك احنا في فودافون دايماً كدة بنحب نفاجئ العملاء المميزين زي حضرتك
قولتله مش القصد
قولتله انا مدير تسويق فودافون مصر و ما فيش الكلام ده و روحت داخل فيه شمال
قالي و الله غصب عني انا مش نصاب بس في واحد لسة عامل فيا الحركة دي و لهف مني 10 جنيه رصيد فقولت اعملها في حد و ارجع فلوسي
قولتله طب اعملها في حد قفل و نطع زيك تكون تعرفه
قالي ما انا ماليش في الكلام ده
قعدنا نضحك شوية و قفل