السلام عليكم يا ساده
فيه كلام كتير اتقال و زي الفل و فيه كلام ليه تعليق عليه ولكن عموما هقول ما لدي بخصوص هذا الموضوع
1- المحركات ال 1000 سيسي و ال 1400 عموما بيتحطلها زيت 2.75 لتر فقط بدون فلتر و بالفلتر بتحط 3 لتر بالضبط و بيكون الزيت وصل الماكس او اقل ب 1 مم و الموضوع مش موضوع موتور صغير و كبير القصة كلها تصميم داخلي للمحرك يستوعب قدر معين من الزيت
2- فلتر الزيت يوصي بتغيره حسب الكاتالوج مع كل تغيير للزيت (التخليقي ) و الكاتالوج بيقول ان الزيت التخليقي يتغير كل 10 ألاف ميل يعني 15 الف كيلومتر و احنا عندنا هنا ثقافة تغيير هذا النوع من الزيت علي 10 ألاف كيلومتر لذلك انا شخصيا بغيره مع كل تغييرة زيت كل 10 الي 12 الف كيلومتر
طيب حضرتك بتستخدم زيت 5 الاف (المعدني)او 3 الاف يبقي حضرتك المفروض تغيره كل مرة اه ومره لأ مع تغيير الزيت
3- الزيوت عموما لها مدة صلاحية سواء كانت جديدة لم تستخدم وفي هذه الحالة صلاحيتها سنتين من تاريخ الانتاج لجميع الأنوع او تم وضعها في المحرك ولكن لم تستخدم كثيرا وفي هذه الحالة صلحيتها سنة واحدة سواء استخدمت او لم تستخدم
يعني لوحطيت زيت في العربية تخليقي ابو 10 الاف و بعد سنه لقيتني مشيت 1000 كيلو بس يبقي برضه لازم انزله و اغيره طالما عدت عليه السنة زياده عن كده خطر علي المحرك لأن الزيوت بتفقد خواصها ولا تستطيع القيام بوظيفتها
4- بخصوص الكمية فحضرتك يجب ألا يقل مستوي الزيت عن نصف العلامه و محذور نقصانه عن مستوي ال min لذلك يجب ان يكون مستوي الزيت بين منتصف العلامتين و علامة الماكس عند التغيير حتي نتجنب عند حدوث اي مشاكل لو حصل تسريب
5- لو حصل و اتحط زيت بزيادة عن الموصي به و لقيته اعلي من الماكس في هذه الحالة معظم هذا الزيت يخرج من فايز الزيت و يؤثر علي فلتر الهواء و يؤثر بشده علي الاحتراق و بيوسخ بوابة الحقن و ده عن تجربة
لأني اشتريت عربيتي الكوردوبا و كان متغيرلها زيت قبل الشراء بفترة و كانت ورقة التغيير موجوده في العربية و وجدت العربية اتحطلها 4 لتر و لما أجي اشوف المقاس ألاقي الزيت اعلي من الماكس بكتير لدرجة اني مش عارف هو فين أصلا المهم كان عندي ظروف وقتها و مشيت بيها الفين ثلاثة علي ما عرفت أنقصه تخيل دخلت بنزينه قعد يشفط زيت كتير لحد ما وصلنا للماكس المهم بعديها جيت اغير فلاتر لقيت فلتر الهواء بالمنطقة حوالين البوابة و بدخلو البوابة أقسم بالله غرقانه زيت تخيل حوالين البوابة اكنر جبنت جركن زيت و فضيته حواليها المهم غيرت الفلت بأخر جديد و نضفت كل حاجه و بعدها بقيت الاحظ بنفسي هيتحط زيت قد ايه و الحمد لله بعدها بسن دلوقتي البوابة و الفلتر و حواليهم ناشف و نضيف تماما و لا يوجد لأثار الزيت الرهيبة دي
و نصيحة مني متغيرش زيت ابدا من محلات تغيير الزيت لأن أغلب الزيت اللي بيضرب عموما اوقات بيروح محلات التوزيع دي حضرتك دايما تغير الزيت في البنزينه اللي متخصصه في هذا النوع يعني شيل تغيره من بنزينة شيل و موبيل من موبيل و هكذا و تاكد علي اللي بيغير يحط قد ايه وياريت تخليه يحط ولما تروح راجع عليه لومحتاج زوده انا بعمل كده
والله الموفق
المفضلات