اولاا الف مبروك و إن شاء الله تتبسط من العربية و تاخد خيرها

لمبة التحذير مش موجودة في التابلوه بس ممكن تزبط اللمبة بتاعة الصالون علي وضع door بحيث لو فيه باب مش مقفول هتفضل منورة .. و لما تركب الإنذار و يبقي فيه باب مفتوح هتلاقي السهمين بتوع الانتظار شغالين في التابلوه .. و بالمناسبة ده سعر الانذار في التوكيل فعلا و لسة فيه مصنعية .. هو غالي بس تريح دماغك عشان متكسرش ضمان ضفيرة الكهربا

شاشة البيانات فيها عداد كيلو مترات العربية و ده غير قابل للتعديل (عداد اللي انت مشيته)

بعد كدة فيه عدادين زيه بس ممكن تصفرهم عشان لو عايز تحسب في يوم انت مشيت اد ايه بالزبط .. او مشوار معين عايز تعرف هو كام كيلو

بالنسبة لشاشتين الاستهلاك .. واحدة منهم بتحسب استهلاك البنزين اللحظي .. يعني و انت عالغيار ده بدوسة البنزين دي بتستهلك اد ايه .. و التانية بتحسب متوسط استهلاك البنزين خلال المشوار بالكامل ( لتر \ 100 كيلو )

كل زراير العربية تقريبا مزودة بلمبة .. و اللمبة منورة يبقي شغال .. و هي مش منورة يبقي مش شغال .. و هو جوة بيبقي شغال