الموضوع: هل توكيل هوندا بيتعامل يالقسط؟؟

السلام عليكم،
أنا بإذن الله ناوى على الهوندا سيتى.........بس بالقسط
فكنت عايز اسأل............هل ممكن اقسط مع التوكيل بالاتفاق مع احد البنوك ولا التوكيل مش بيتعامل غير بالكاش؟؟
و لو التوكيل بيتعامل بالكاش فقط...........هل فيه موزع معتمد بيتعامل بالتقسيط من خلال بنك؟؟
و أخر سؤال لو سمحتوا..............لو هقسط من خلال بنك سواء مع التوكيل او موزع معتمد.........الاستلام بيكون خلال قد ايه من انهاء اجراءات البنك؟؟
و شكراً مقدماً

اولا .. مبرووووك .. عربية متميزة .. و عقبال السيفيك
********************
بالنسبة لتساؤلات حضرتك
*التوكيل مش بيقسط مباشرة
* اي معرض عربيات محترم ممكن يجيبلك العربية و يقسطهالك مع اي بنك ..
* التوكيل نفسه ممكن يكون بيتعامل مع احد البنوك في موضوع التقسيط
* من موزعي هوندا المعتمدين ( اللي اعرفه ) جولدن ان .. شارع الاندلس خلف الميريلاند .. مصر الجديدة
و قريبا ( شركة عربيات ) المهندسين .. امام مسجد الحامدية الشاذلية مباشرة .. و هم ايضا موزعون لكيا .
*اذا حتقسط من خلال بنك .. ( و ارجوا من سيادتك تحري افضل الاماكن التي تتوافق مع الشرع في التقسيط ) .. بتقدم اولراقك للبنك .. و البنك يقوم بعمل استعلام بنك مركزي .. بياخد وقت في البنوك الحكومية ( مثل ناصر و الاسكندرية ) حوالي 10 - 15 يوم .... و بالنسبة للبنوك الاستثمارية حوالي اسبوع .. و لو حتدفع 50% مقدم بتيجي الموافقة في خلال يوم عمل واحد فقط ..
بعدها مباشرة تاخد الورق من البنك و تروح المعرض .. تاخد العربية و معاها مندوب المعرض .. ترخص العربية .. و بمجرد ان يستلم المندوب الشيك من البنك .. تاخد عربيتك .. و تروح بيتك .. و تفرح اهلك .. و نقوللك .. الف مبرووووك ..
************
رجاء .. مرة اخري .. بالنسبة للتقسيط .. تحري الحلال علي قدر المستطاع .. و هناك مواضيع كاملة لذلك في قسم البيع و الشراء ..
تحياتي

جزاك الله خيراً عن الاجابات الوافية و سرعة الرد
و جزاك الله خيراً عن التحذيرات و ربنا يكفينا جميعاً شر الحرام
أنا الحمد لله عملت تقصى فى الموضوع ده لكم بردوا هبص على المواضيع اللى حضرتك قلت عليها
و شكراً مرة اخرى على ذوقك

التوكيل بيتعامل مع جميع البنوك عدا باركليز و سيتي بنك ...