قطع غيار صني 97

**meshocall** · 17-05-2012 01:40 PM

تحياتي للمنتدى المحترم اوي وللمشرفين على الدعم اللي بيقدموه دايما وربنا يكرمهم إن شاء الله

انا معايا صني 97 وكنت عايز مساعدين خلفيه و طقم دبرياج واغلب اللي ف السوق مضروب طبعا
انا جربت قبل كده طقم دبرياج ومكملش معايا شهر كان بـ 500 جنيه ، وفي ميكانيكي ف توكيل نيسان قاللي الاصلي ب 950 ، فانا عاوز اعرف فعلا كده ولا بيشتغلني مع اني سالت ف التوكيل نفسه وقالولي مش بيدعموا قطع الغيار غير لـ 10 سنين بس من الموديل ومفيش قطع غيار ليها هناك ، فمش عارف الميكانيكي قاللي كده على اساس ايه

كنت عايز اعرف حد كويس اجيب منه قطع غيار تكون اصليه فعلا ويكون داخل القاهره

في انتظار ردودكم واسف للإطاله

**حماده المصري** · 17-05-2012 01:49 PM

والله الاصلي معتدقتش محدش هيقدر يفيدك لان ممكن التوكيل نفسه بطل يصنع قطع غيار

انما شركات قطع الغيار بتنزل ليها

ف انت افضل حاجه ليك تنزل شارع دمشق او في الدقي تروح ل السرساوي

ولو في الهرم روح للفرع التاني للسرساي في اول شارع خاتم المرسلين من نايحه نصر الدين اول ما تدخل هتلاقيه على اليمين

وهتلاقي حاجات شبيه بالاصلي لان مش كل قطع الغيار نيسان بتصنعها في قطع غيار بتتصنع من شركات تانيه ب خطين انتاج خط يروح للتوكيل ويبقى هوه الاعلى جوده وخط تاني بينزل السوق عادي باسم الشركه مش باسم نيسان وبتبقى جوده برضو حلوه

**meshocall** · 17-05-2012 03:04 PM

متشكر اوي لاهتمامك و ردك
للاسف انا جربت السرساوي قبل كده في طقم الدبرياج ده ومكملش شهر وباظ
وفعلا لما اتصلت بالتوكيل قاللي مافيش قطع غيار ف التوكيل وفي واحد اسمه محمد جابر ف شارع دمشق ، ممكن يكون ده اللي قصدك عليه