اللابتوب بيسخن جدا

**Mohamed_Nafie** · 19-05-2012 03:31 PM

المشاركة الأصلية كتبت بواسطة shaddadfalcon1

ال 83 دي درجة حرارة ال Core وبتوصل ل 93 وبعدها اللاب بيفصل

الجهاز منضفتوش خالص ومعايا بقاله 10 شهور

طبعا الحراره دي مش بيوصلها وهو Idle لا انا بكون مثلا بشتغل Development او بلعب او مشغل فيديو

دلوقتي مثلا انا مش بعمل حاجه غير نيل موتورز والحراره في الكور 81 وصوت المروحه عالي

من غير أي كلام .. طالما وصلنا إن اللابتوب بيفصل ... يبقى لازم تروح التوكيل ... 10 شهور ميعتبرش كتير ... أنا جهازي بقاله 3 سنين ماتنضفش ... بس لما نضفتو .. كان صحراء من جوه ..

ودرجة الحراره 81 درجه عالIdle كتير جدا ... مفروض متعديش 45 ~ 50 بالكتير أوي .. حضرتك تروح التوكيل تقولوا :

1. ينضف المروحة كويس
2. يغيرلك ال"Thermal Paste" ولو مرضاش .. هاتلك واحد من سوق العصر .. مش غالي وأنضف من اللي بيحطوه في التوكيل
3. لو بعد كل ده .. وال مشكلة موجوده ... قولوا يغير المروحة

هو الجهاز لسة في الضمان ؟ ولا خلاص ؟
وايه طبيعة الاسطح اللي حضرتك بتحط اللابتوب عليها ؟... مكتب بسطح خشب ولا إزاز ولا السرير عشان السرير دي بيجيب مصايب...

**shaddadfalcon1** · 19-05-2012 09:22 PM

الجهاز ضمانه سنه يعني لسه ان شاء الله في الضمان

والجهاز انا تقريبا بعامله زي الديسكتوب يعني علي طول علي طرابيزه قزاز وفي مفرش عليها وحاطط مناديل رفعاه شويه من عند القواعد بتاعته

حايز فعلا يكون التراب اللي مبوظه هو دلوقتي ربنا هاديه

الصبح لما فصل كانت كل درجات الحرارع 97

**Mohamed_Nafie** · 19-05-2012 09:37 PM

بس لازم حضرتك تعمل check عليه لأن كده أكيد في حاجة غلط من جوه ... يا تراب .. يا الthermal paste باظ وعايز يتغير من كتر الحرارة العاليه ...

أنا برده بعامله بنفس الكلام ... بس عمله قاعدة وحاطط فيها ماروحتين تحته من بتوع Desktop Cases ... بيعملوا شغل جامد بذات لما بكون بلعب games .. و الدنيا حر دلوقتي كمان فـبتأثر عالدرجة الحراره..

**shaddadfalcon1** · 19-05-2012 10:02 PM

طيب اشيك عليه ازاي ياباشا الله يكرمك؟

**Mohamed_Nafie** · 19-05-2012 10:08 PM

أحسن حال هو التوكيل بتاع Dell .. أكيد حضرتك مش هاتفكوه بنفسك ...

**shaddadfalcon1** · 19-05-2012 10:58 PM

طيب التوكيل فين؟

**Mohamed_Nafie** · 19-05-2012 11:02 PM

ماهو حضرتك لسة قالي إنه في الضمان ؟؟ ايه اللي مكتوب في الضمان ؟؟ اسم الشركة .. ؟ أكيد مكتوب فيها التليفونات والعناوين
على حسب معلوماتي .. وكيل Dell بمصر هو "Quest" .. أنا معرفش إذا كان ليه فرع في الاسكندريه ولا لأ ... بس لو ملوش ... يبقى ممكن حضرتك تروح للي اشتريته منه وتقولوا عالمشكلة وهما هيتصرفوا .. طالما حضرتك في الضمان .. يبقى من حقق تغير الجهاز كله حتى بجديد طالما مش سوء استعمال... ومن الواضح إن ده مفهوش سوء استعمال ولا حاجة ..

..

**shaddadfalcon1** · 19-05-2012 11:25 PM

الف شكر لحضرتك وربنا يجازيك كل خير

ان شاء الله لما ارجع الأسكندريه هجيب الضمان واشوف مكتوب فيه ايه

انا كنت شاريه من رايه

**Mohamed_Nafie** · 19-05-2012 11:36 PM

أنا كنت بدور عليه عالنت .. للاسف ملوش فرع فالاسكندريه... لو حضرتك في القاهره حاليا .. ده عنوانهم وتليفونهم

Quest Advanced Systems & Technology House, Mohandeseen, Giza, Egypt | Computer Hardware | Yellow.com.eg | 4 Adan St. Off Shehab St.

لو حضرتك مقدرتش ترحلهم ... يبقى عليك ولا على رايه.. من حقك تغيره كله لو معرفوش يصلحوه

الموضوع: اللابتوب بيسخن جدا

LinkBack

أدوات الموضوع

عرض

المواضيع المتشابهه

هو الكلاكس بيسخن

العجل بيسخن

الفتيس بيسخن

الكاسيت بيسخن

الكلمات الدلالية لهذا الموضوع

المفضلات

المفضلات

ضوابط المشاركة