الموضوع: هو انا بخيل .... لاني مبشغلش التكيف بتاع اليارس !!!

أنا لو من المدام وربنا بعد الموقف ده ما اقعد على ذمتك يوم واحد

انت ناوي تقعد العربية معاك 50 سنة عشان همرها يقل سنتين خايف عليهم

ولعلمك كل اللي بيحسس عالعربية بيتظبط صح من ناحية تانية

اخى العزيز
الجو لو حر فى مصر بيبقى جهنم فى الخليج وطبعا حضرتك عارف عربيات الخليج لازم تشغل التكييف بعد ما تبداء العربيه على طول وطبعا فيه ناس صيف شتاء مشغلين التكييف
التكييف ما بيأثرش على عمر الموتور بدليل عربيات مودل 80 ولسه شغاله بالتكييف الى الان
لكن بيستهلك بنزين زياده وده عادى لو حضرتك عاوز تحافظ على الموتور اعمل الصيانات فى مواعيدها وراعى التدرج عند زياده السرعه وبس عيش حياتك
الى الان فيه عربيات كورولا وسيفيك وصنى موديلات الثمانينات وتعمل عادى وبالتكييف كمان
فروشن نفسك وعيش

بغض النظر عن الموضوع
كل مشاركه بيكتبها صاحب الموضوع فى عضو اخر لازم يديله شكر ع المشاركه
يظهر انه مش بيشغل التكييف برده :)

انت بتعمل عكس ما انا بعمل
انا بشغل التكييف صيف وشتا
على طول
عشان بحب اقفل الزجاج
لواستمتع بالهدوء
مراتى بتتخانق معايا وبتب
عايزة تفتح الازاز

انصحك نصيحة لازم تروح لدكتور نفسى
لان كده انت تخطيت مرحلة البخل بكتيييييير

فى السعوديه هنا بيقول مثل جميل يناسب حالتك ما معناه انه بيقولك

اقعد انت فى الظل وحط فلوسك فى الشمس

من الاخر القرش اللى ميمتعش صاحبه ويخليه نزيه قلته احسن

يا اخى ده انت صعبت عليا اكتر من العربيه

المشاركة الأصلية كتبت بواسطة friendship7897

ههههههه - أنا لو مسؤل إداري في المنتدى - كنت خليتك عضو موقوف ، ولو أعرف مراتك كنت قولت لها تجيب لك أنت كفر - غطا يعني ( هو أنت مش نعمة ربنا برضوا ، ولازم نحافظ عليها ) ، وبعدين واضح أنك بجد بتشتغلنا - لأن البخيل عمره ما هيعترف أنه بخيل أوووي كدة .
بقول لك أيه - الحل الوحيد المناسب ليك - أدي العربية لمراتك وروح أركب ميكروباص .

صح بجد انتى عندك حق

الراجل ده يا رجاله بيشتغلنااااااااا

مفيش واحد بخيل اصلا حيجيب عربيه ياريس وكمان حيركب فيها مراته