فوكاس2012 هاي لاين - فانتازيا الفئة التانية- كيا سبوتاج الفئة التانية

**Mohamed Fawzy** · 20-05-2012 01:41 AM

المشاركة الأصلية كتبت بواسطة mody3on

السبورتاج فعلا احسن لشوارع مصر المتكسرة , لكن لو عايش في حتة نضيفة شوية وشوارع نضيفة ومتسفلتة يبقى الفوكاس

بص يا باشا انا اصلا من القاهرة لكن عايش في اسكندرية عشان شغال في برج العرب وساكن في مدينة 6 اكتوبر الكيلو 21 يعني طريق شغلي كل يوم طريق صحراوي حوالي 40 كيلو رايح وزيهم راجع بس المدينة اللي انا قاعد فيها من جوة حافرين عشان بيغيرو الصرف فالدنيا مدغدغة عشان كده فكرت في السبورتاج انما انا جوايا حاجة بتقولي الفورد مفيش فايدة :))

**Mohamed Fawzy** · 20-05-2012 01:44 AM

المشاركة الأصلية كتبت بواسطة ahmedbasto

اوكتافيا ممكن تكون افضل فى اسعار قطع الغيار توافرها بره التوكيل واسعة من جوه وبرضو العربية بقالها كتير مع الناس وقليل اللى بيشتكى منها وبصراحة حاسسها اكبر من الفوكس والسبورتاج وممكن افضل من ناحية سعر اعادة البيع ومراكز الخدمة بتاعتها متوافرة .

الاوكتافيا جميلة طبعا وفي ناس كمان قالتلي اني ممكن اجيب الخليجي هاي لاين بالسعر ده انما انا بس مضايقني انها هاتغير الشكل كمان كام شهر وهاحس اني راكب عربية قديمة

**Mohamed Fawzy** · 20-05-2012 01:49 AM

المشاركة الأصلية كتبت بواسطة ahmedsadek82

من الناحية الفنية :
تتفوق الفوكس على الاوكتافيا لان فيها esp اساسي و ديه اول مرة ينزل لسيارة في مصر في الفئة السعرية ديه + محرك 125 حصان مقابل 102 في الاوكتافيا اللي الناس نتشتكي من بطئها + فتيس باور شيفت اللي في فوكس و ده جديد و يوفر تسارع جيد + قطع غيار الفوكس رخيصة جدا في الوكيل فمش حتحتاج تفكر انك تروح تدور عليها في اي حتة.

يبقى العيب الوحيد لفورد هو عدم الانتشار فباثر على اعاده البيع شوية , الاوكتافيا طبعا حبيبة المصريين بس حتغير شكل اخر السنة و حتنزل TSI زي الجيتا , انا مجبتش سيرة الكيا لانها غالية جدا و مينفعش تتقارن بسيارات المانية نظرا للفجوة الكبيرة بينهم تكنولوجيا و جودة

عندك حق طبعا في موضوع الفوكاس والاوكتافيا وبالنسبة لموضوع الانتشار مش عارف ليه حاسس ان الفوكاس هاتغير مفهوم الانتشار للفورد في مصر

وبالنسبة للكيا واضح ان حضرتك مش مقتنع بيها تماما مع اني شايفها عربية مش بطالة طيب يا ترى رأيك ده هايفضل زي ما هو اتكلمنا على الهاي لاين بتاعها خصوصا ان فيها esp

**Mohamed Fawzy** · 20-05-2012 01:52 AM

المشاركة الأصلية كتبت بواسطة farfora20082008

روح يا باشا اركب ال 3 عربيات وشوف اللي تريحك فيهم . دايما كل عربيه بيكون فيها مميزات تختلف عن مميزات العربيه الاخري . واللي يحدد ده انت وانت راكبها .
بالنسبه للفوكس تحفه بس بنزين 95 اللي هيقي ب 6 جنيه :)
لو جيبت فوكس ابقي اديني لفه :)

مانا عملت كده فعلا وعجبتني الفوكاس اكتر انما السبورتاج شوفتها عملية اكتر بس موضوع بنزين 95 ده في ناس قالتلي ان الفوكس ممكن تمشي ب 92 عادي

**Mohamed Fawzy** · 20-05-2012 01:54 AM

المشاركة الأصلية كتبت بواسطة ahmedaglan

معالي الباشا اعمل صلاة استخارة وانزل شوف ال3 عربيات والي ترتحلها نفسيا وشايف انها شخصيتك اتوكل علي الله بغض النظر انك تجيب انهى وحدة فيهم و3 ماشاء الله لاقوة الا بالله كويسين
بس انا لو مكانك اجيب فانتازيا علي الاقل لو حبيت اغير هلاقي فلوسي مرحتش بعيد
وبالتوفيق ف القرار السليم

شكرا يا باشا على ذوقك وهاتمامك بس مشكلة الاوكتافيا تغيير الشكل والبطء النسبي وحضرتك شايف ايه؟

**Mohamed Fawzy** · 20-05-2012 01:57 AM

المشاركة الأصلية كتبت بواسطة mmbadroo

الفورد فوكس هاتش باك سياره ممتازة شكلا" ومضمونا يعيبها 1- ارتفاعها لايناسب شوارعنا 2- عدم الأنتشار 3- سعر إعادة البيع (لايهمك) 4- الصيانة وقطع الغيار لازم ولابد عن طريق مراكز الخدمة المعتمدة لفورد (علشان تمنع أى فنى يلعب يفسد فيها نظرا" )
وكذلك فورد مونديو سيارة أكثر من ممتازة وسيارة طولها 4880مم (واسعة جدا") يعيبها انها مانيول بالأضافة إلى ماسبق ذكره
علشان كده توكلت على الله وحجزت سبورتاج وقربت أستلم ان شاء الله
وأخيرا" أستخير الله واستفتى قلبك وتآنى

الف مبروك يا باشا تستلمها على خير ان شاء الله وربنا يباركلك فيها حجزت من قد ايه وانهي فئة
تعرف حضرتك انا لقيت واحدة كسر زيرو هاي لاين بس 217000 تخيل !!! اوفر برايس رهيب

**amr_2010** · 20-05-2012 02:08 AM

فورد فوكاس

**محمد بدر** · 20-05-2012 09:46 AM

المشاركة الأصلية كتبت بواسطة mohamed fawzy

الف مبروك يا باشا تستلمها على خير ان شاء الله وربنا يباركلك فيها حجزت من قد ايه وانهي فئة
تعرف حضرتك انا لقيت واحدة كسر زيرو هاي لاين بس 217000 تخيل !!! اوفر برايس رهيب

يوم 23 من الشهر الحالى أقفل الستة أشهر وحاجز الفئة الثانية

**ashouhdy** · 21-05-2012 07:45 PM

طبعا السبورتاج suv عالية وقوية جدا موتور محترم وكماليات كتير جدا وعفشة مش شاقة بقى لا سوبر شاقة غير الشياكة ومنظرها مختلف غير بقية العربيات وضمان 5 سنين او 100الف كيلو !