السلام عليكم ورحمة الله وبركاته
ياجماعه العربيه عندى بتستهبل الصفيحه بتعمل 140 كيلو بس من غير تكييف كمان ؟؟؟؟ والموتور 1400 بس
انا هتجنن دى كده هتخرب بيتى
ياترى ده عيب ايه؟ انا بشم ريحة بنزين نيئ خارج من الشكمان على ما اعتقد ياريت تقولوى ايه الحل
عرض للطباعة
السلام عليكم ورحمة الله وبركاته
ياجماعه العربيه عندى بتستهبل الصفيحه بتعمل 140 كيلو بس من غير تكييف كمان ؟؟؟؟ والموتور 1400 بس
انا هتجنن دى كده هتخرب بيتى
ياترى ده عيب ايه؟ انا بشم ريحة بنزين نيئ خارج من الشكمان على ما اعتقد ياريت تقولوى ايه الحل
كدة الاحتراق قليل ممكن الميكانيكي يظبط نسبة الهوا الى نسبة البنزين في الكاربراتير
و شوف بردة لو البوجيهات مش كويسة او عليها زيت ممكن بردة يقلل الحرق
وبص على فلتر الهواء
بوجيهات وفلتر هواء وفلتر بنزين (سرفيس)
هى كربراتير ولا انجكشن ؟
فى 100 سبب للمشكلة دى
شكرا ع الردود ياجماعه
العربية كربراتير
انا فعلا مغيرتش البوجيهات وفلتر البنزين والهوا بقالى فتره كبيره بس ممكن يكونوا هما السبب للدرجه دى؟
العربيه موديل كام يا باشا....متهيألي تخلي فلتر البنزين آخر حاجه....فك البوجيهات و بص عليهم هما و فلتر الهوا
لو الكربراتير عاوز يتنضف معدل البنزين بيزيد
عليك وعلى مركز الصفا فى جسر السويس بس اعمل حسابك فى 85 جنيه مصنعيه ده من سنة وكمان زيهم لو جوان او غيره احتياطى
ممكن المبلغ يكون زيادة شويه بس زى ما بيقولو ضربة مطرقة ولا 100 ضربة شاكوش
الكربراتير مش محتاج فتى من اى ميكانيكى ايا كان
انا باكد عليك متخليش ميكانيكى يلعب فى الكربراتير بتاع العربية واهتم بالفلتر لانه سبب المشاكل
ودقق فى اختيار البنزينة اللى بنزينها نضيف حتى لو بتحط 80
وابقا طمنا عملت ايه
ده بالضافة للسرفيس العربية زى الطفل لازم تهتم بيها ولازم تعملها دفتر للصيانة علشان زعلها وحش هههههههههه
وربنا معاك
140 كيلو داخل المدنية ولا على الطرق السريعة ؟؟؟
لو داخل المدينة والزحمة مش هيبقى مقياس
فيه اسباب كتير جدا لزيادة استهلاك البنزين بس مع احترامي لرأي الزملاء كل اللي قالوه ده ميسببش الافترا اللي عندك ده وخصوصا ان العربية 1400 يعني يوم ماتتنطط تاخد 20 لتر فال 250 كيلو مع ملاحظة ان ده جوه وبره المدينة
هل ال 140 ده انت مشيك جوه البلد على طول؟؟؟؟
لأن ده ممكن يحصل... انما لو مشيك عالطريق السريع يبقى استهبال طبعا
طيب هل حضرتك تاكدت ان مفيش اي تسريب للبنزين... مع ملاحظة ان حالا البنزين تسريبه مش هيظهر عالارض لانه هيتبخر قبل ما ينزل (كان عندي مشكلة مشابهه ومظهرتش الا اما رفعت العربية وفحصت خطوط البنزين من اولها لآخرها ولقيت خرطوم مشقوق)
طيب اخبار ظبط الكربيراتير ووحدة الانجيكشان ايه؟؟
هل حضرتك مأخر الكهربا جامد في الاسبيراتير؟؟
هل مش ممكن تكون حاجة قافشة فالفرامل؟؟
عموما دي تجميعة كاملة لكل الاسباب اللي تكرم الزملاء بذكرها واتمنى تفيدك في حاجة
http://i904.photobucket.com/albums/a...lineMilage.png
بالإضافة كمان
لو البنزين مغشوش (وده اكيد فى ايامنا اللى ما يعلم بيها الا ربنا ديه) اكيد طبعا هيزيد الاستهلاك
كهرباء كهرباء كهرباء طالما بتشم ريحت بنزين عند الشكمان (هو بدن لون ورحت بنزين نى )
امبارح فولت تناى
اخدت 11.5لتر فى 77 كيلو متر !!!!!!!
بس بصراحه حوالى 40 كيلو او اكتر شويه كنت مشغل التكييف على كده طبيعى وحوالى 15 كيلو فقط فى الزحمة والباقى ع الدائرى
ان شاء الله هغير البوجيهات والفلاتر واجرب واقولكوا ع النتيجة
متهيألى فلتر البنزين ملهوش علاقة بإستهلاك البنزين
بالعكس ده لو مسدود العربية مش هتستهلك بنزين خالص هههههههههههههه
فلتر الهواء ممكن يأثر
انا لسه شارى فلتر هواء ايطالى للشاهين بـ 25 جنيه
صورته موجوده فى رابطة الشاهين
انا شاكك في الصبابات الميكانيكي قالي لان سير الكاتينه قطع مرتين ممكن تكون الصبابات بتنفس
طيب انت بتظبط خلوص لبوجيهات ولا بتحطها زى ما هيه ؟
أنا سمعت انها ممكن تكون سبب
لا بصراحه بركبها من غير ما اظبط الخلوص لانها 3 شمعه
هي بتحسن الحرق , لكن مالهاش علاقه بالاستهلاك
يعني لو عندك بوجيه واحد شمعه و مهبب هايبقى ضعيف او قاطع خالص
لكن لو عندك بوجيه 3 شمعه و مهبب هايشتغل علي اقوى طرف فيه لغايه مايجيب اخره و دا بيدي عمر اطول للبوجيه
و علي فكره ال 3 شمعه بيتظبط الخلوص بتاعه زي اي بوجيه
بالنسبه لزياده الاستهلاك بتبقى غالبا من فلتر الهوا ,لان ف بلدنا الجميله الفلتر بيلم بلاوي ! و طبعا بيتسد ف بيكتم الماتور و يخلي العربيه تستهلك بنزين عشان تتحرك
ياجماعه انا افتكرت من حوالي 6 شهور كانت العربيه بتبطل لو ع السلانسيه او لو شيلت رجلي من ع البنزين المهم رحت للميكانيي خلاني اروح لكهربائي ولغي حاجه كده زي كتاوت شحن الدينامو مش عارف اسمها بصراحه راكبه ع الينين عند المساعد الامامي ومتوصله ببك السلانسيه المهم هو لغاها وعمل كوبري ع السلك هجيب غيرها ان شاء الله واجرب
عربيتى زى عربيتك بالظبط
شاهين كربراتير موديل 2004
حسبت استهلاكى السنة الماضية أثناء سفرى الى الأسكندرية منها على طرق سريعة ومعظم الاستهلاك كان فى زحمة الكورنيش
كان الإستهلاك كالتالى الصفيحة 20 لتر عملت حوالى من 190 الى 200 كم
بعد سنة
النهاردة حسبت استهلاكى تانى فى نفس المشوار
الصفيحة عملت 164 كم !!!!
ونفس الكلام بك السلانسيه كان كهرباء والميكانيكى قص جزء منه بالقصافة علشان كانت العربية بتبطل
وبقى شغال بدون كهرباء
معقولة يكون سبب الاستهلاك الزيادة من بك السلانسية !!!
وعلى فكرة انا اشتريت بك سلانسيه كهرباء بـ 30 جنيه والميكانيكى ركبه
بس طلع بايظ ومنيل بنيلة وبيفصل كتير
واضطريت اركب البك الأصلى المقصوف
نسيت أقول إنى من اسبوعين تقريبا غيرت فلتر الهواء بفلتر جديد
ونظفت دورة الوقود بمنظف بيتحط على التفويلة
ونظفت البوابة بمنظف اسبراى كمان
وفكيت البوجيهات ونظفتها كويس وركبتها تانى
لإنها جديده معملتش 3000 كم
طيب الكهربائى عملك كوبرى
ياعنى البك كان شغال كهرباء عادى ومتقصفش زى عندى
ياتى ايه فايدة المنظم بقى !!!!
أنا كان عندى نفس مشكلة التبطيل على السلانسية
والميكانيكى قصف البك
كده البك باظ ومعدش بيشتغل كهرباء
لو شيلت الفيشه بتاعت بك السلانسية العربية مش بتطفى وبتفضل دايرة
بعد مشاركاتك أنا حاسس ان العيب من المنظم ده
ياريت تحسب الاستهلاك وتقولنا لو فرقت معاك
هشترى المنظم
وهحاول ادور على بك سلانسية استيراد اصلى
وربنا ييسر الأحوال
ده ميكانيكي اي كلام طبعا لانه كده بوظ البيك
عموما انا مسافر باذن الله بكره وهحسب للاستهلاك واقول
متابع معاك
الحمد لله وصلت بالسلامه ومستني الاقي 80 وافول واقول ع النتيجة ان شاء الله
حمد الله على السلامة
الله يسلمك ياباشا
لحد دلوقتي مش لاقي ولا80 ولا90
بس الحمد لله كنت واخد معايا جركن 80 من مصر حوالي 19 لتر
حطيته بس يادوب المؤشر عدي النص
مع العلم ان مؤشر الشاهين طبعا مش دقيق بالمره
العربية عملت بيها 284 كيلو وكلهم بالتكييف و6 افراد غير الشنط والطريق الزراعي كان زحمة وزي الزفت والجو كان نار يعني التكييف مفصلش خالص عموما ربنا يسهل وافول واقول النتيجة
فولت وحسبت الاستهلاك
59 لتر في 500 كيلومتر والحمولة 6 افراد ده غير الشنط ونصف المسافة كان التكييف شغال كده حلو ولا كتير ?